ДУШАНБЕ, 4 окт — Sputnik. Маркетплейси Русия “Wildberries” барои ворид шудан ба бозори Тоҷикистон омода аст.
Дар ҷараёни сафараш ба Душанбе раиси ин ширкат Татяна Ким бо раиси Палатаи савдо ва саноати Тоҷикистон Ҷамшед Ҷумъахонзода ёддошти ҳамкорӣ имзо кард.
© Sputnik
Тавре раиси Палатаи савдо ва саноат ба Sputnik Тоҷикистон тавзеҳ дод, ин созишнома ҳам барои ифтитоҳи бозорҳои нав барои ин ширкат ва ҳам барои бунёди маҷмааҳои логистикӣ ва таъсиси ҷойҳои корӣ дар дохили Тоҷикистон мусоидат хоҳад кард.
"Мо интизорем, ки ёддошт ба тиҷорати электронӣ такони ҷиддӣ бахшида, барои истеҳсолкунандагон ва содиркунандагони тоҷик такони мусбат хоҳад дод", - таъкид кард ӯ.
Ёдовар мешавем, ки муовини раиси ҳукумати Русия Марат Хуснуллин бо як сафари корӣ вориди Душанбе шуд. Вай бо Қоҳир Расулзода, нахуствазири Тоҷикистон дидору гуфтугӯ кард ва дар 20-умин ҷаласаи комиссияи байниҳукуматии ду кишвар ширкат кард.
Дар ҷараёни ин чорабинӣ Расулзода қайд кард, ки ҳаҷми сармоягузории Русия дар ин ҷумҳурӣ дар даҳ соли охир беш аз 1,5 млд долларро ташкил додааст.