ДУШАНБЕ, 11 ноя — Sputnik. Зани маҳкумшуда бо мутолиаи 10 китоб ҳукмашро се сол кам кард, менависад Sputnik Қазоқистон.
Бино ба иттилои хадамоти матбуотии Раёсати ислоҳотии вилояти Караганда, онҳо дар моҳи январ лоиҳаи ғайриоддӣ – "Хониши бидуни марз"-ро оғоз карданд.
Моҳияти лоиҳа аз он иборат аст, ки маҳкумшудагон бояд миқдори муайяни китобҳоро мутолиа кунанд, баъдан дониши худро тавассути нақл кардан ё навиштани иншо нишон диҳанд.
Дар сурати супурдани имтиҳон комиссияи махсус маҳбусонро ҳавасманд мекунад. Яке аз онҳое, ки дар ин лоиҳа иштирок дошт, маҳбуси муассисаи АК-159/9 Лидия буд.
Баробари оншо шудан бо лоиҳаи "Хондани бидуни марз" ӯ яке аз аввалинҳо шуда, дар он иштирок кард.
"Баъд аз мутолиаи 10 китоб ва гирифтани ду ҷоиза Лидия шартан озод шуд", - гуфт ҷонишини сардори ниҳоди ислоҳӣ Назира Қодирова.
Ин зан барои саркашӣ аз пардохти андоз 5 сол равонаи зиндон шуда буд. Вай ду сол дар колонияи занонаи вилояти Караганда адои ҷазо кардааст. Дар натиҷа муҳлати Лидия барои иштирок дар лоиҳа се сол кам ва ӯ аллакай озод шуд.
Феълан беш аз 50 нафар маҳкумшуда дар лоиҳаи "Хондани бидуни марз" ширкат доранд.