ДУШАНБЕ, 7 апр - Sputnik. Бино бар иттилои дафтари матбуоти Вазорати кишоварзии Тоҷикистон зимни ифтитоҳи форуми мазкур вазири кишоварзии Ҷумҳурии Тоҷикистон Сулаймон Зиёзода, доир ба иқтидори соҳаи кишоварзӣ ва самтҳои афзалиятноки он суханронӣ кард.
Гуфта шудааст, ки вазири кишоварзӣ ва озуқавории Беларус Иван Крупко доир ба ҳамкорӣ, дурнамои ҳавасмандии ҷонибҳо дар соҳаи аграрӣ ва иқтидори соҳаи кишоварзӣ ва озуқавории Беларус изҳори назар кард.
Манбаъ зикр намудааст, ки дар идомаи кори Форум ба ҳозирин намоиши видеоии кутоҳ оид ба иқтидори сохаи кишоварзии Тоҷикистон ва самтҳои афзалиятноки он намоиш дода шуд.
Ҳамчунин дар Форуми аграрии “ТоҷБелАгро”, ки дар доираи ҷаласаи 14-уми Комиссияи байниҳукуматии Тоҷикистон ва Беларус оид ба ҳамкории тиҷоративу иқтисодӣ баргузор гардид, меҳмонон- ҳайати комиссияи Беларус, соҳибкорони Тоҷикистон ва Беларус, ки дар самти кишоварзӣ фаъолият мебаранд, иштирок намуданд.