Дар Тоҷикистон калонтарин корхонаи истеҳсоли хишти сабук кушода шуд
© Foto / Пресс-служба президента Таджикистана
Обуна шудан
Кушодашавии корхонаи навбатӣ меҳнати дастиро бо таҷҳизоти худкор иваз намуда сохтмони иншоотҳои навро меафзояд ва иқтидори корхона дар як сол ба 300 ҳаз. мукааб газоблок баробар аст
ДУШАНБЕ, 28 окт - Sputnik. Президенти Тоҷикистон, Эмомалӣ Раҳмон ва шаҳрдори Душанбе Рустами Эмомалӣ дар ноҳияи Шоҳмансури пойтахт корхонаи масолеҳи сохтмонии ҶДММ "Эко Блок" -ро кушоданд.
Корхонаро соҳибкори ватанӣ Акбар Асадулло бунёд намудааст. Иншооти нави саноатӣ аз лиҳози иқтидори истеҳсолӣ калонтарин корхонаи хишти сабук дар кишвар ба шумор меравад, хабар медиҳад хадамоти матбуотии президенти Тоҷикистон.
Корхона бо дастгоҳу таҷҳизоти муосир муҷаҳҳаз буда, иқтидори истеҳсолии он дар як сол ба 300 ҳаз. метри мукааб газоблок баробар аст.
Дар корхонаи нав ҳафт намуди газоблок истеҳсол мегардад, ки дар соҳаи сохтмон ба таври васеъ истифода мешавад.
Раванди истеҳсол шаш марҳиларо дар бар гирифта, аз омода намудани ашёи хом ва қолаббандӣ то буғдиҳӣ дар ҳарорати 200 дараҷа ва бастубанди маҳсулотро фаро мегирад.
Ҳамаи ин марҳилаҳо бо истифода аз дастгоҳу таҷҳизоти муосир ба таври худкор анҷом дода мешавад, ки дар натиҷа меҳнати дастӣ ба ҳадди камтарин расонида шудааст.
Корхонаро соҳибкори ватанӣ Акбар Асадулло бунёд намудааст. Иншооти нави саноатӣ аз лиҳози иқтидори истеҳсолӣ калонтарин корхонаи хишти сабук дар кишвар ба шумор меравад, хабар медиҳад хадамоти матбуотии президенти Тоҷикистон.
Корхона бо дастгоҳу таҷҳизоти муосир муҷаҳҳаз буда, иқтидори истеҳсолии он дар як сол ба 300 ҳаз. метри мукааб газоблок баробар аст.
Дар корхонаи нав ҳафт намуди газоблок истеҳсол мегардад, ки дар соҳаи сохтмон ба таври васеъ истифода мешавад.
Раванди истеҳсол шаш марҳиларо дар бар гирифта, аз омода намудани ашёи хом ва қолаббандӣ то буғдиҳӣ дар ҳарорати 200 дараҷа ва бастубанди маҳсулотро фаро мегирад.
Ҳамаи ин марҳилаҳо бо истифода аз дастгоҳу таҷҳизоти муосир ба таври худкор анҷом дода мешавад, ки дар натиҷа меҳнати дастӣ ба ҳадди камтарин расонида шудааст.
Ҳоло газоблокҳо бо дарозии 60, паҳноии 20 ва баландии 30 сн истеҳсол мешаванд. Ҳамчунин, имкони истеҳсоли маҳсулот бо шаклу андозаҳои дигар низ мавҷуд аст.
Дар коргоҳи мазкур ҳуҷраҳои корӣ, ошхона ва хобгоҳ барои кормандон сохта шудааст.
Дар ҷумҳурӣ то имрӯз 35 корхонаи истеҳсоли газоблок фаъолият дошта дар нӯҳ моҳи соли ҷорӣ дар ин корхонаҳо 150 ҳаз. метри мукааб газоблок истеҳсол шудааст.
Бино ба маълумоти оморӣ, дар давоми 9 моҳи соли равон дар шаҳри Душанбе ҳаҷми истеҳсоли газоблок ба 10 ҳаз. метри мукааб расидааст.
