https://sputnik.tj/20260725/tojikiston-taqviyati-muqovimat-tahdid-fazoi-shsh-1079222351.html
Тоҷикистон хостори тақвияти муқовимат ба таҳдиду чолишҳои муосир дар фазои СҲШ шуд
Тоҷикистон хостори тақвияти муқовимат ба таҳдиду чолишҳои муосир дар фазои СҲШ шуд
Sputnik Тоҷикистон
Вазирони корҳои хориҷии кишварҳои узви СҲШ дар Чолпон-Атаи Қирғизистон мушкилоти амнияти минтақавиро баррасӣ карданд
2026-07-25T16:01+0500
2026-07-25T16:01+0500
2026-07-25T16:01+0500
дар тоҷикистон
русия
сҳш
амният ва мудофиа
сироҷиддин муҳриддин
осиёи марказӣ
қирғизистон
https://cdnn1.img.sputnik.tj/img/07e8/0a/0e/1064704621_0:52:3072:1780_1920x0_80_0_0_425a434f8aa80f07d7958902ea3fccdb.jpg
ДУШАНБЕ, 25 июл - Sputnik. Дар шаҳри Чолпон-Атаи Қирғизистон нишасти навбатии Шурои вазирони корҳои хориҷии давлатҳои узви Созмони ҳамкории Шанхай (СҲШ) баргузор шуд.Чорабиниҳои Чолпон-Ата марҳилаи калидӣ дар омодагӣ ба нишасти сарони давлатҳо буд, ки аз 31 август то 1 сентябр дар шаҳри Бишкек таҳти шиори 25-умин солгарди СҲШ баргузор мешавад.Дар кори ҷаласа ҳайати ҷумҳурӣ таҳти роҳбарии Вазири корҳои хориҷии Ҷумҳурии Тоҷикистон Сироҷиддин Муҳриддин иштирок намуд.Зимни нишаст роҳбарони мақомоти сиёсати хориҷӣ доираи васеи масъалаҳои ҳамкории бисёрҷанбаро дар чорчӯби СҲШ мавриди баррасӣ қарор дода, оид ба масъалаҳои мубрами рӯзномаи байналмилалӣ ва минтақавӣ табодули назар карданд.Вазирон ҳамчунин маҷмӯи лоиҳаи ҳуҷҷатҳоеро, ки барои баррасӣ ва тасдиқ ба нишасти Шурои сарони давлатҳои узви СҲШ пешниҳод мешаванд, муҳокима намуда, оид ба онҳо қарорҳои дахлдор қабул карданд.Дар суханронии худ Вазири корҳои хориҷии Тоҷикистон Сироҷиддин Муҳриддин мавқеи кишварро оид ба ҷанбаҳои муҳими ҳамкорӣ дар доираи Созмон ва дурнамои таҳкими минбаъдаи он баён намуд.Вай зимни суханрониаш ба зарурати тақвияти ҳамоҳангсозии талошҳои муштарак дар муқовимат ба таҳдиду чолишҳои муосир ба амният ва таъмини суботу рушди устувор дар фазои СҲШ таъкид кард.Вазирон бастаи назарраси ҳуҷҷатҳоро тасдиқ карданд, ки барои баррасӣ ба сарони давлатҳо пешниҳод карда мешаванд.Ҳуҷҷатҳои асосӣ Протокол дар бораи тағйирот ва иловаҳо ба Оинномаи СҲШ, инчунин муқаррарот дар бораи фаъолияти Маркази умумиҷаҳонии муқовимат бо чолишҳо ва таҳдидҳои амниятӣ ва Маркази зидди маводи мухаддирро дар бар мегиранд.Роҳбарон инчунин ҳуҷҷатҳои мавзӯӣ дар бораи амният, зеҳни сунъӣ, нақлиёт, энергетика, тағйирёбии иқлим, маориф ва дастгирии арзишҳои оилавиро қабул хоҳанд кард. Равишҳои мувофиқаи ҷонибҳо дар Эъломияи Бишкек инъикос хоҳанд ёфт.Дар Чолпон-Ата инчунин муҳокимаи масъалаҳои калидии байналмилалӣ ва минтақавӣ баргузор гардид. Вазирон дар бораи вазъият дар минтақаи СҲШ, инчунин дар Ховари Миёна, минтақаи Халиҷи Форс ва Афғонистон мубодилаи афкор карданд.Пас аз ҷаласа изҳороти муштараки иттилоотӣ қабул карда шуд ва ҳашт ҳуҷҷат, аз ҷумла қарор дар бораи нақшаи ҳамкории кишварҳои узв дар соҳаи амнияти иттилоотии байналмилалӣ, ба имзо расиданд.Ҳамчунин қарор дар бораи таъин кардани Лоҳури Покистон ҳамчун "Пойтахти сайёҳӣ ва фарҳангии СҲШ" барои солҳои 2026-2027 қабул карда шуд.Ҳамчунин Вазирони корҳои хориҷии давлатҳои узви СҲШ-ро Президенти Ҷумҳурии Қирғизистон Садир Жапаров ба ҳузур пазируфт. Зимни мулоқот мавзуъҳои марбут ба густариши ҳамкориҳо дар доираи Созмон ва омодагӣ ба нишасти навбатии Шурои сарони давлатҳои аъзои СҲШ матраҳ гардиданд.
https://t.me/Sputnik_Tajikistan/57099
https://sputnik.tj/20260715/hamkorihoi-baynalmilali-vazironi-umuri-khorijii-tojikiston-rusiya-1078999281.html
русия
қирғизистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2026
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, русия, сҳш, амният ва мудофиа, сироҷиддин муҳриддин, осиёи марказӣ, қирғизистон
дар тоҷикистон, русия, сҳш, амният ва мудофиа, сироҷиддин муҳриддин, осиёи марказӣ, қирғизистон
Тоҷикистон хостори тақвияти муқовимат ба таҳдиду чолишҳои муосир дар фазои СҲШ шуд
Вазирони корҳои хориҷии кишварҳои узви СҲШ дар Чолпон-Атаи Қирғизистон мушкилоти амнияти минтақавиро баррасӣ карданд
ДУШАНБЕ, 25 июл - Sputnik. Дар шаҳри Чолпон-Атаи Қирғизистон нишасти навбатии Шурои вазирони корҳои хориҷии давлатҳои узви Созмони ҳамкории Шанхай (СҲШ) баргузор шуд.
Чорабиниҳои Чолпон-Ата марҳилаи калидӣ дар омодагӣ ба нишасти сарони давлатҳо буд, ки аз 31 август то 1 сентябр дар шаҳри Бишкек таҳти шиори 25-умин солгарди СҲШ баргузор мешавад.
Дар кори ҷаласа ҳайати ҷумҳурӣ таҳти роҳбарии Вазири корҳои хориҷии Ҷумҳурии Тоҷикистон Сироҷиддин Муҳриддин иштирок намуд.
Зимни нишаст роҳбарони мақомоти сиёсати хориҷӣ доираи васеи масъалаҳои ҳамкории бисёрҷанбаро дар чорчӯби СҲШ мавриди баррасӣ қарор дода, оид ба масъалаҳои мубрами рӯзномаи байналмилалӣ ва минтақавӣ табодули назар карданд.
Вазирон ҳамчунин маҷмӯи лоиҳаи ҳуҷҷатҳоеро, ки барои баррасӣ ва тасдиқ ба нишасти Шурои сарони давлатҳои узви СҲШ пешниҳод мешаванд, муҳокима намуда, оид ба онҳо қарорҳои дахлдор қабул карданд.
Дар суханронии худ Вазири корҳои хориҷии Тоҷикистон Сироҷиддин Муҳриддин мавқеи кишварро оид ба ҷанбаҳои муҳими ҳамкорӣ дар доираи Созмон ва дурнамои таҳкими минбаъдаи он баён намуд.
Вай зимни суханрониаш ба зарурати тақвияти ҳамоҳангсозии талошҳои муштарак дар муқовимат ба таҳдиду чолишҳои муосир ба амният ва таъмини суботу рушди устувор дар фазои СҲШ таъкид кард.
"Мо мутмаин ҳастем, ки тақвияти ҳамкорӣ дар доираи СҲШ асоси бунёди як амният дар АвруОсиё аст. Танҳо бо талошҳои муштарак мо метавонем ба мушкилоте, ки минтақаи мо бо онҳо рӯбарӯ аст, посухи муносиб диҳем", - таъкид кард дипломат.
Вазирон бастаи назарраси ҳуҷҷатҳоро тасдиқ карданд, ки барои баррасӣ ба сарони давлатҳо пешниҳод карда мешаванд.
Ҳуҷҷатҳои асосӣ Протокол дар бораи тағйирот ва иловаҳо ба Оинномаи СҲШ, инчунин муқаррарот дар бораи фаъолияти Маркази умумиҷаҳонии муқовимат бо чолишҳо ва таҳдидҳои амниятӣ ва Маркази зидди маводи мухаддирро дар бар мегиранд.
Роҳбарон инчунин ҳуҷҷатҳои мавзӯӣ дар бораи амният, зеҳни сунъӣ, нақлиёт, энергетика, тағйирёбии иқлим, маориф ва дастгирии арзишҳои оилавиро қабул хоҳанд кард. Равишҳои мувофиқаи ҷонибҳо дар Эъломияи Бишкек инъикос хоҳанд ёфт.
Дар Чолпон-Ата инчунин муҳокимаи масъалаҳои калидии байналмилалӣ ва минтақавӣ баргузор гардид. Вазирон дар бораи вазъият дар минтақаи СҲШ, инчунин дар Ховари Миёна, минтақаи Халиҷи Форс ва Афғонистон мубодилаи афкор карданд.
Пас аз ҷаласа изҳороти муштараки иттилоотӣ қабул карда шуд ва ҳашт ҳуҷҷат, аз ҷумла қарор дар бораи нақшаи ҳамкории кишварҳои узв дар соҳаи амнияти иттилоотии байналмилалӣ, ба имзо расиданд.
Ҳамчунин қарор дар бораи таъин кардани Лоҳури Покистон ҳамчун "Пойтахти сайёҳӣ ва фарҳангии СҲШ" барои солҳои 2026-2027 қабул карда шуд.
Ҳамчунин Вазирони корҳои хориҷии давлатҳои узви СҲШ-ро Президенти Ҷумҳурии Қирғизистон Садир Жапаров ба ҳузур пазируфт. Зимни мулоқот мавзуъҳои марбут ба густариши ҳамкориҳо дар доираи Созмон ва омодагӣ ба нишасти навбатии Шурои сарони давлатҳои аъзои СҲШ матраҳ гардиданд.
