https://sputnik.tj/20260703/fondi-iqlimi-sabz-tojikiston-loiha-million-dollar-1078785726.html
Фонди Иқлими Сабз ба Тоҷикистон барои иҷрои ду лоиҳа наздик ба 200 миллион доллар медиҳад
Фонди Иқлими Сабз ба Тоҷикистон барои иҷрои ду лоиҳа наздик ба 200 миллион доллар медиҳад
Sputnik Тоҷикистон
Маросими ба имзорасонии 2 лоиҳаи нав аз ҷониби Фонди Иқлими Сабз барои Тоҷикистон бо арзиши 190 миллион доллар баргузор шуд
2026-07-03T19:36+0500
2026-07-03T19:36+0500
2026-07-03T19:36+0500
дар тоҷикистон
лоиҳа
муҳити зист
экология
маблағгузорӣ
сармоя
https://cdnn1.img.sputnik.tj/img/07ea/07/03/1078774917_0:210:1143:853_1920x0_80_0_0_c516ac3291a93774b840add5a1fdd949.jpg
ДУШАНБЕ, 3 июл - Sputnik. Ду лоиҳаи нави муҳим дар Тоҷикистон бо арзиши умумии 190 миллион доллар роҳандозӣ мешавад, ки аз он 62 миллион долларашро грант ё кӯмаки бебозгашти Фонди Иқлими Сабз ташкил медиҳад.Дар ин бора Кумитаи ҳифзи муҳити зисти Тоҷикистон хабар додааст.Ба иттилои манбаъ, лоиҳаи якум бо маблағи 30 миллион доллар барои дастгирии 14 шаҳру ноҳияи мамлакат ҷиҳати беҳтарсозии ҷомеаҳои осебпазир, аз ҷумла ҷорӣ намудани технологияҳои каммасрафи об ва таъсиси фонди боғҳои мевадиҳанда равона карда мешавад.Лоиҳаи дуюм баҳри азнавсозии шабакаҳои оби нӯшокӣ ва корезии шаҳрҳои Роғун, Данғара ва Хуҷанд равона гардида, инчунин таъмири шабакаҳои обёрикунӣ ба амалӣ карда мешавад.Ин лоиҳа бо ҷалби маблағҳои грантии Фонди Иқлими Сабз ва қарзи Бонки Аврупоии Таҷдид ва Рушд (БАТР) татбиқ мегардад.Ёдовар мешавем, ки аз 29 июн то 2 июли соли 2026 дар шаҳри Душанбе ҷаласаи 45-уми Шурои идоракунандагони Фонди Иқлими Сабз (Green Climate Fund) баргузоргардид, ки дар он масъалаҳои муҳими вобаста ба фаъолияти Фондро баррасӣ намуда, лоиҳаҳои навро дар самти мубориза бо пайомадҳои ногувори тағйирёбии иқлим дар сатҳи ҷаҳонӣ муҳокима ва тасдиқ намуданд.Дар доираи ҷаласаи мазкур дар шаҳри Душанбе - 11 лоиҳа барои 10 кишварҳои рӯ ба тараққӣ, аз ҷумла, кишварҳои Индонезия, Непал, Сурия, Африқои Марказӣ, Кот-дивуар, Того, Фиҷӣ, Лаос, Ветнам, Тоҷикистон ва Қирғизистон ба маблағи умумии 700 миллион доллар тасдиқ карда шуд, ки аз ин 369 миллион долларро маблағгузории худи Фонди Иқлими Сабз ташкил медиҳад.Бояд қайд намоем, ки ҳаҷми умумии лоиҳаҳои аз ҷониби Фонди Иқлими Сабз маблағгузоришаванда барои кишварҳои рӯ ба тараққӣ дар маҷмуъ 20,1 миллиард долларро дар бар мегирад.Дар натиҷаи ҳамкориҳо бо ин Фонди бонуфуз, то ин давра дар Тоҷикистон 9 лоиҳа бо маблағи умумии 173,5 миллион доллар амалӣ шуда истодаанд.Ин лоиҳаҳо барои рушди соҳаи ҳифзи муҳити зист, кишоварзӣ, энергетика, беҳтар намудани иншоотҳои обрасонӣ, хизматрасониҳои обуҳавошиносӣ ва баланд бардоштани устувории мардуми минтақаҳои кӯҳӣ ба хатарҳои табиӣ ва тағйирёбии иқлим равона карда шудаанд.
https://sputnik.tj/20260104/taghyiryobii-iqlim-hosilnokii-ziroat-tojikiston-1074349417.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2026
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, лоиҳа, муҳити зист, экология, маблағгузорӣ, сармоя
дар тоҷикистон, лоиҳа, муҳити зист, экология, маблағгузорӣ, сармоя
Фонди Иқлими Сабз ба Тоҷикистон барои иҷрои ду лоиҳа наздик ба 200 миллион доллар медиҳад
Маросими ба имзорасонии 2 лоиҳаи нав аз ҷониби Фонди Иқлими Сабз барои Тоҷикистон бо арзиши 190 миллион доллар баргузор шуд
ДУШАНБЕ, 3 июл - Sputnik. Ду лоиҳаи нави муҳим дар Тоҷикистон бо арзиши умумии 190 миллион доллар роҳандозӣ мешавад, ки аз он 62 миллион долларашро грант ё кӯмаки бебозгашти Фонди Иқлими Сабз ташкил медиҳад.
Дар ин бора Кумитаи ҳифзи муҳити зисти Тоҷикистон хабар додааст.
Ба иттилои манбаъ, лоиҳаи якум бо маблағи 30 миллион доллар барои дастгирии 14 шаҳру ноҳияи мамлакат ҷиҳати беҳтарсозии ҷомеаҳои осебпазир, аз ҷумла ҷорӣ намудани технологияҳои каммасрафи об ва таъсиси фонди боғҳои мевадиҳанда равона карда мешавад.
Лоиҳаи дуюм баҳри азнавсозии шабакаҳои оби нӯшокӣ ва корезии шаҳрҳои Роғун, Данғара ва Хуҷанд равона гардида, инчунин таъмири шабакаҳои обёрикунӣ ба амалӣ карда мешавад.
Ин лоиҳа бо ҷалби маблағҳои грантии Фонди Иқлими Сабз ва қарзи Бонки Аврупоии Таҷдид ва Рушд (БАТР) татбиқ мегардад.
Ёдовар мешавем, ки аз 29 июн то 2 июли соли 2026 дар шаҳри Душанбе ҷаласаи 45-уми Шурои идоракунандагони Фонди Иқлими Сабз (Green Climate Fund) баргузоргардид, ки дар он масъалаҳои муҳими вобаста ба фаъолияти Фондро баррасӣ намуда, лоиҳаҳои навро дар самти мубориза бо пайомадҳои ногувори тағйирёбии иқлим дар сатҳи ҷаҳонӣ муҳокима ва тасдиқ намуданд.
Дар доираи ҷаласаи мазкур дар шаҳри Душанбе - 11 лоиҳа барои 10 кишварҳои рӯ ба тараққӣ, аз ҷумла, кишварҳои Индонезия, Непал, Сурия, Африқои Марказӣ, Кот-дивуар, Того, Фиҷӣ, Лаос, Ветнам, Тоҷикистон ва Қирғизистон ба маблағи умумии 700 миллион доллар тасдиқ карда шуд, ки аз ин 369 миллион долларро маблағгузории худи Фонди Иқлими Сабз ташкил медиҳад.
Бояд қайд намоем, ки ҳаҷми умумии лоиҳаҳои аз ҷониби Фонди Иқлими Сабз маблағгузоришаванда барои кишварҳои рӯ ба тараққӣ дар маҷмуъ 20,1 миллиард долларро дар бар мегирад.
Дар натиҷаи ҳамкориҳо бо ин Фонди бонуфуз, то ин давра дар Тоҷикистон 9 лоиҳа бо маблағи умумии 173,5 миллион доллар амалӣ шуда истодаанд.
Ин лоиҳаҳо барои рушди соҳаи ҳифзи муҳити зист, кишоварзӣ, энергетика, беҳтар намудани иншоотҳои обрасонӣ, хизматрасониҳои обуҳавошиносӣ ва баланд бардоштани устувории мардуми минтақаҳои кӯҳӣ ба хатарҳои табиӣ ва тағйирёбии иқлим равона карда шудаанд.
