Боевое дежурство ЗРК Бук-М3 группировки войск Центр на Добропольском направлении СВО. - Sputnik Тоҷикистон, 1920
Амалиёти вижаи Русия барои ҳимояи Донбасс: охирин хабарҳо
Дар пасманзари зӯргӯиҳои мақомоти Киев алайҳи Донетску Луганск, Русия мустақилияти ин ҷумҳуриҳоро эътироф кард. Бо дархости роҳбарони ҶХЛ ва ҶХД, Владимир Путин, президенти Русия 24 феврал барои амалиёти вижаи ҳимоя аз Донбасс дастур дод, ки феълан идома дорад

"Имконияте нест": ҳамлаи ҷавобӣ дар Киев воҳимаро ба бор овард

© REUTERS /StringerРакетный удар по Киеву 24 мая 2026 года.
Ракетный удар по Киеву 24 мая 2026 года.  - Sputnik Тоҷикистон, 1920, 28.05.2026
Обуна шудан
Welt: Украина барои муқовимат ба ҳамлаҳои ҳавоии Русия имконот надорад
ДУШАНБЕ, 28 май — Sputnik. Украина барои муқовимат ба ҳамлаҳои ҳавоии Русия алайҳи Киев захираҳо надорад,- хабар медиҳад аз Киев Иброҳим Набар, хабарнигори шабакаи телевизионии Welt.
"Мушкилот, албатта, набудани мушакҳо аст. Хусусан мушакҳо барои Patriot", - гуфт ӯ.
Ба гуфтаи ӯ, имконоти низомии Киев ва Маскав дар ин маврид қиёс кардан намешавад.
"Бо ин захираҳои мушакҳо, Украина қариб ҳеҷ имконияте надорад", - хулоса кард Набар.
Шаби 22 май ҳавопаймоҳои бесарнишини Нерӯҳои Мусаллаҳи Украина ба хобгоҳи коллеҷ дар Старобилски Ҷумҳурии Мардумии Луганск, ки дар он 86 донишҷӯ зиндагӣ мекарданд, ҳамла карданд. Ин боиси фурӯпошии бино гардид. Бисту як донишҷӯ кушта ва 44 нафар маҷрӯҳ шуданд. Дар ҳамлаи ҷавобӣ, артиши Русия бо истифода аз мушакҳои "Орешник", "Кинжал", "Искандер" ва "Сиркон" ба ҳадафҳои марбут ба роҳбарияти низомии Украина зарба зад.
Дар Аврупо хоҳиши гуфтугӯ бо Русия барои хотима додан ба ҷанги Украина бештар мешавад, менависад рӯзномаи Berliner Zeitung - Sputnik Тоҷикистон, 1920, 28.05.2026
Дар Аврупо хоҳиши гуфтугӯ бо Русия барои хотима додан ба ҷанги Украина бештар мешавад, менависад рӯзномаи Berliner Zeitung.
Вазорати корҳои хориҷӣ рӯзи душанбе эълон кард, ки дар посух ба ҳамлаҳои Нерӯҳои Мусаллаҳи Украина ба шаҳрвандон, артиши Русия мунтазам марказҳои қабули қарорҳоро дар Украина ҳадаф қарор медиҳад. Ҳамаи ин иншоот дар Киев ҷойгиранд, аз ин рӯ, вазорат аз дипломатҳо ва намояндагони созмонҳои байналмилалӣ даъват шуд, ки фавран шаҳрро тарк кунанд ва сокинони маҳаллӣ аз инфрасохтори низомӣ ва маъмурӣ дурӣ ҷӯянд.
Лентаи хабарҳо
0