Барои сокинони Тоҷикистон парвозҳо ба Шарм-Ал-Шайх ва Қоҳира дастрас мешавад

© Sputnik / Владимир Сергеев / Гузариш ба медиабонкBoeing 777 в небе
Boeing 777 в небе - Sputnik Тоҷикистон, 1920, 16.05.2026
Обуна шудан
Тоҷикистон ва Миср дар соҳаи авиатсияи гражданӣ Ёддошти тафоҳуми ҳамкорӣ ба имзо расониданд
ДУШАНБЕ, 16 мая - Sputnik. Кушодани парвозҳо байни Душанбе ва Миср ва дигар шаҳрҳо дар мулоқоти директори Агентии авиатсияи граждании Тоҷикистон Ҳабибулло Назарзода бо Президенти Маъмурияти авиатсияи граждании Миср Самеҳ Муҳаммад Фаузӣ ва роҳбарони ширкатҳои ҳавопаймоии Air Cairo ва EgyptAir баррасӣ шуд.
Дар бора Агентии авиатсияи граждании назди Ҳукумати Ҷумҳурии Тоҷикистон хабар доданд.
Ба иттилои манбаъх, зимни вохӯрӣ ҷонибҳо масъалаҳои рушди ҳамкорӣ дар соҳаи авиатсияи гражданӣ, кушодани парвозҳо байни пойтахтҳо ва дигар шаҳрҳо, ҳамзамон кушодани парвозҳои боркашонӣ (карго)-ро муҳокима намуданд.
Хабар дода шуд, ки дар ин дидор ёддошти тафоҳуми ҳамкорӣ байни Агентии авиатсияи граждании Тоҷикистон ва Маъмурияти авиатсияи граждании Арабии Миср ба имзо расид.
Тоҷикистон ва Миср дар соҳаи энергетика ва захираҳои об ҳамкорӣ хоҳанд кард - Sputnik Тоҷикистон, 1920, 17.04.2026
Тоҷикистон ва Миср дар соҳаи энергетика ва захираҳои об ҳамкорӣ хоҳанд кард.
Агентии авиатсияи гражданӣ қайд кардааст, ки ният дорад ҳамкориро барои ташкили парвозҳои доимӣ дар самти мусофиркашонӣ ва боркашонӣ бо шаҳрҳои сайёҳии Шарм Ал Шайх ва Қоҳираи Миср ва ширкатҳои ҳавопаймоии Air Cairo ва EgyptAir ба роҳ монад.
Ин ниҳод қайд кардааст, ки ташкили парвозҳо байни пойтахтҳо ва шаҳрҳои сайёҳии Арабии Миср имкон медиҳад, ки рафту омади сайёҳон дар ҳарду ҷониб осон гардида, ба рушди сайёҳӣ ва пешрафти иқтисодиёти ҳарду давлат мусоидат намояд.
Агентӣ ёдовар шудааст, ки ҳайати Маъмурияти авиатсияи граждании Миср Самеҳ Муҳаммад Фаузӣ ва роҳбарони ширкатҳои ҳавопаймоии Air Cairo ва EgyptAir бо даъвати ҷониби Агентии авиатсияи граждании кишвар ба Душанбе ташриф овардаанд.
Лентаи хабарҳо
0