https://sputnik.tj/20260422/tahqiqi-baynulmilali-aloqai-tojikiston-1077017013.html
Таҳқиқи байнулмилалӣ: Алоқаи Тоҷикистон куҷо меравад?
Таҳқиқи байнулмилалӣ: Алоқаи Тоҷикистон куҷо меравад?
Sputnik Тоҷикистон
Дар соли 2025 бозори мухобироти Тоҷикистон бо рушди 13٫7% (8,1% дар соли 2024) ба 4٫9 миллиард сомонӣ расидааст
2026-04-22T19:59+0500
2026-04-22T19:59+0500
2026-04-22T19:59+0500
дар тоҷикистон
хадамоти алоқа
алоқа
таҳқиқот
таҳлил
https://cdnn1.img.sputnik.tj/img/07e9/02/14/1066303707_0:148:3072:1876_1920x0_80_0_0_7887b2d1c9e2bb80b90d6d32889cbcbe.jpg
ДУШАНБЕ, 22 апр – Sputnik. Рушди бесобиқаи алоқаи Тоҷикистон дар солҳои 2026 ва 2027 интизор меравад. Бино ба таҳқиқе, ки ширкати Nexign бо иттифоқи агентии иттилоотӣ-таҳлилии TelecomDaily дар бораи бозори мухобироти Тоҷикистон анҷом додаанд, дар соли 2025 бозори мухобироти Тоҷикистон бо рушди 13٫7% (8,1% дар соли 2024) ба 4٫9 миллиард сомонӣ расидааст.Бар асоси арзёбии таҳлилгарон, дар солҳои 2026 то 2028 бозори иртибототи Тоҷикистон ба таври миёна солона 7.9% рушд хоҳад кард ва ба 6.15 миллиард сомонӣ хоҳад расид.Ҳамзамон нуфузи алоқаи мобилӣ дар Тоҷикистон ҳанӯз поинтар (ҳудуди 74%) аз бисёре аз кишварҳои Осиёи Марказӣ ва кишварҳои ИДМ аст.Дар ҳамин ҳол, бино ба таҳқиқ, бозори алоқаи Тоҷикистон ҳамчунон зарфияти қобили таваҷҷуҳе барои рушди миқдорӣ аз тариқи ҷазби муштариёни ҷадид дорад.Дар айни ҳол, ба қавли онҳо, сифат ва дастрасии интернети собити симӣ дар минтақаҳо ба таври қобили таваҷҷуҳе поинтар аз шаҳрҳои бузург аст. Дар шароити пӯшиши маҳдуди фибри нурӣ, операторҳо дастрасии бесими собит (FWA)-и мубтанӣ бар 4G-ро тавсеа медиҳанд ва бисёре аз хонаводаҳо аз бастаҳои номаҳдуди мобилӣ ба унвони интернети асосии хонагӣ истифода мекунанд.Ба бовари онҳо, имзои тавофуқнома бо Starlink Tajikistan дар чорчӯби форуми “Dushanbe Invest-2025” рӯйдоди муҳиме барои ин соҳа буд, зеро як бахши ҷадид — дастрасии паҳнбандии моҳвораӣ — зуҳур кард, ки асосан бар минтақаҳои дурафтода ва кӯҳистонӣ мутамарказ аст, ҷое ки эҷоди зерсохтори заминӣ душвор ва пурҳазина аст.
https://sputnik.tj/20260420/khadamoti-aloqa-shirkathoi-mobili-mujozot-1076973225.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2026
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, хадамоти алоқа, алоқа, таҳқиқот, таҳлил
дар тоҷикистон, хадамоти алоқа, алоқа, таҳқиқот, таҳлил
Таҳқиқи байнулмилалӣ: Алоқаи Тоҷикистон куҷо меравад?
Эксклюзив
Дар соли 2025 бозори мухобироти Тоҷикистон бо рушди 13٫7% (8,1% дар соли 2024) ба 4٫9 миллиард сомонӣ расидааст
ДУШАНБЕ, 22 апр – Sputnik. Рушди бесобиқаи алоқаи Тоҷикистон дар солҳои 2026 ва 2027 интизор меравад. Бино ба таҳқиқе, ки ширкати Nexign бо иттифоқи агентии иттилоотӣ-таҳлилии TelecomDaily дар бораи бозори мухобироти Тоҷикистон анҷом додаанд, дар соли 2025 бозори мухобироти Тоҷикистон бо рушди 13٫7% (8,1% дар соли 2024) ба 4٫9 миллиард сомонӣ расидааст.
“Бар пӯёии бозор, афзоиши теъдоди муштариён, рушди трафики интернет ва густариши пӯшиши шабакаҳои мобилӣ ва собит таъсир мегузоранд. Дар солҳои оянда, муҳаррикҳои асосии бозор шомили густариши бештари 4G ва роҳандозии 5G ва шаклгирии бахши интернети паҳнбандии моҳвораӣ хоҳад буд”, - омадааст дар таҳқиқ.
Бар асоси арзёбии таҳлилгарон, дар солҳои 2026 то 2028 бозори иртибототи Тоҷикистон ба таври миёна солона 7.9% рушд хоҳад кард ва ба 6.15 миллиард сомонӣ хоҳад расид.
Ҳамзамон нуфузи алоқаи мобилӣ дар Тоҷикистон ҳанӯз поинтар (ҳудуди 74%) аз бисёре аз кишварҳои Осиёи Марказӣ ва кишварҳои ИДМ аст.
Дар ҳамин ҳол, бино ба таҳқиқ, бозори алоқаи Тоҷикистон ҳамчунон зарфияти қобили таваҷҷуҳе барои рушди миқдорӣ аз тариқи ҷазби муштариёни ҷадид дорад.
Дар айни ҳол, ба қавли онҳо, сифат ва дастрасии интернети собити симӣ дар минтақаҳо ба таври қобили таваҷҷуҳе поинтар аз шаҳрҳои бузург аст. Дар шароити пӯшиши маҳдуди фибри нурӣ, операторҳо дастрасии бесими собит (FWA)-и мубтанӣ бар 4G-ро тавсеа медиҳанд ва бисёре аз хонаводаҳо аз бастаҳои номаҳдуди мобилӣ ба унвони интернети асосии хонагӣ истифода мекунанд.
Ба бовари онҳо, имзои тавофуқнома бо Starlink Tajikistan дар чорчӯби форуми “Dushanbe Invest-2025” рӯйдоди муҳиме барои ин соҳа буд, зеро як бахши ҷадид — дастрасии паҳнбандии моҳвораӣ — зуҳур кард, ки асосан бар минтақаҳои дурафтода ва кӯҳистонӣ мутамарказ аст, ҷое ки эҷоди зерсохтори заминӣ душвор ва пурҳазина аст.
