Алишери Мирзонабот ба 70 омӯзгору табиб замин барои сохтмони манзили истиқоматӣ дод

© Foto / Пресс-служба администрации Горно-Бадахшанской автономной областиВручение земельных участков под строительство жилых домов учителям и врачам в Хороге
Вручение земельных участков под строительство жилых домов учителям и врачам в Хороге - Sputnik Тоҷикистон, 1920, 10.09.2025
Обуна шудан
Ба гуфтаи мақомот аз рӯзҳои нахустини соҳибистиқлолӣ омӯзгор ва табиб дар зери таваҷҷӯҳи ҳамешагии Ҳукумати Тоҷикистон қарор дорад
ДУШАНБЕ, 10 сен — Sputnik. Мақомоти Вилояти Мухтори Кӯҳистони Бадахшон ахиран аз тақдими сертификати замин ба даҳҳо омӯзгору табибони вилоят хабар дод.
Ба иттилои мақомоти ВМКБ дар шаҳри Хоруғ дар арафаи 34-умин солгарди Истиқлоли давлатӣ ба 70 нафар омӯзгору табиб, ки яке дар таълиму тарбия ва дигаре дар ҳифзи саломатии инсон саҳми мубориз доранд, қитъаи замин барои сохтмони манзили истиқоматӣ тақдим гардид.
Мақомоти ВМКБ қайд кардааст, ки дарбаробари бунёди хонаҳои истиқоматӣ инчунин дар ин мавзеъ сохтмони иншоотҳои гуногуни хизматрасони ба нақша гирифта шуда дар оянда аз рӯи нақша бунёд мегарданд.
Раиси вилоят ҳангоми супурдани сертификатҳои замин омӯзгорон ва табибонро бо ҷашни бузурги миллӣ 34-умин солгарди Истиқлоли давлатӣ ва соҳиб гардидан бо қитъаи замин барои сохтмони хона табрик гуфта.
Дар шаҳри Хоруғи ВМКБ дар остонаи Рӯзи истиқлол ярмаркаи маҳсулоти ниёзи аввал баргузор шуд - Sputnik Тоҷикистон, 1920, 05.09.2025
Дар шаҳри Хоруғи ВМКБ дар остонаи Рӯзи истиқлол ярмаркаи маҳсулоти ниёзи аввал баргузор шуд.
Солҳои охир бо дастгирии Роҳбари давлат кормандони соҳаҳои маориф ва тиб бо хонаҳои хизматӣ таъмин гардида, мақомоти ВМКБ низ дар навбати худ барои беҳтару хубтар намудани шароит барои кормандони соҳаҳои зикргардида, чораҳои зарурӣ андешида истодааст.
Қайд карда шудааст, ки ҳукумати кишвар пайваста барои баланд бардоштани мақоми омӯзгор ва табиб дар Тоҷикистон чораҳои зарурӣ роҳандозӣ намудааст.
Лентаи хабарҳо
0