https://sputnik.tj/20250728/hamesha-qarzdor-agentii-behdoshti-zamin-obyori-qarzho-1069512863.html
“Ҳамеша қарздор” – шарҳи Агентии беҳдошти замин ва обёрӣ дар бораи қарзҳояш
“Ҳамеша қарздор” – шарҳи Агентии беҳдошти замин ва обёрӣ дар бораи қарзҳояш
Sputnik Тоҷикистон
Агентии беҳдошти замин ва обёрии назди ҳукумати Тоҷикистон сабабҳои ҳамеша қарздори “Барқи тоҷик” буданашро шарҳ дод
2025-07-28T13:36+0500
2025-07-28T13:36+0500
2025-07-28T16:01+0500
дар тоҷикистон
замин
обёрӣ
"барқи тоҷик"
қарзҳо
https://cdnn1.img.sputnik.tj/img/07e9/07/1c/1069515399_0:342:2048:1494_1920x0_80_0_0_0cc0a9c791d80e10cbda5568b581ddde.jpg
ДУШАНБЕ, 28 июл – Sputnik. Ду сол аз бахшида шудани қарзи чандсадмиллионии ин ниҳод аз сӯи ҳукумат мегузарад, аммо ҳоло қарзҳои Агентӣ дигарбора аз марзи дусад миллион сомонӣ убур кардаанд.Соли 2023 ҳукумати Тоҷикистон бо як қарор 467 миллион сомонӣ қарзи Агентии беҳдошти замин ва обёрӣ пеши “Барқи тоҷик” – ро аз ҳисоби буҷети ҷумҳурӣ ҷуброн кард. Аммо бо гузашти ду сол Агентӣ дигарбора яке аз бузургтарин қарздорон аз ҳисоби барқ аст.Зафарбек Давлатзода, директори Агентии беҳдошти замин ва обёрӣ, зимни нишасти матбуотӣ дар посух ба суоли Sputnik Тоҷикистон дар шарҳи мавзуъ гуфт, пайдоиши қарзҳо асосан ба пайваста баланд шудани тарифаҳои нерӯи барқ ва пардохт нашудани ҳаққи хизмати обрасонӣ аз сӯи истифодабарандагони об вобаста аст.Вай афзуд, агар дар бархе манотиқ як метри мукааб об бо 10 дирам ба даст ояд, дар бархеи дигар аз 15 то 20 дирам харҷ дорад.Бино ба иттилои Агентии беҳдошти замин ва обёрӣ, дар нимаи аввали соли равон ин ниҳод ҳудуди 1 миллиарду 900 миллион метри мукааб ба арзиши 92,5 миллион сомонӣ ба истифодабарандагон об расонда, фақат 27,9 миллион сомонӣ ё 30% - и маблағи хизматрасонии худро ба даст овардааст.Агентӣ дар ним соли гузашта 451,7 миллион киловат-соат барқ ба маблағи 58,1 миллион сомонӣ истифода карда, фақат 15 миллиони онро пардохт кардааст. Ва ин ҳам дар ҳоле ки аз 1 апрели соли равон бино ба қарори ҳукумати Тоҷикистон қимати барқ барои пойгоҳҳои таъмиру истеҳсолии Агентии мелиоратсия ва обёрӣ дар марҳалаи аз 1-уми апрел то 30-юми сентябр – 12,27 (дар гузашта 9,2) дирам ва аз 1-уми октябр то 31-уми март – 35,36 (дар гузашта 26,51) дирам таъйин кард.Дар ин миён, дар пайи даъвои идораҳои Агентӣ ба мақомоти Суди иқтисодӣ ва прокуратура дар шаҳру навоҳӣ ва вилоятҳо ба маблағи 45,5 миллион сомонӣ ҳуҷҷат ва аризаҳои шикоятӣ пешниҳод шуда, фақат 7,2 миллион сомонӣ рӯёнда шудааст. Дар умум истифодабарандагони об аз Агентӣ бо ҳисоби солҳои гузашта 353,1 миллион сомонӣ қарздор ҳастанд.
https://sputnik.tj/20250727/khatlon-holat-qonunshikani-zamin-1069435283.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2025
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, замин, обёрӣ, қарзҳо, барқи тоҷик, сабаб
тоҷикистон, замин, обёрӣ, қарзҳо, барқи тоҷик, сабаб
“Ҳамеша қарздор” – шарҳи Агентии беҳдошти замин ва обёрӣ дар бораи қарзҳояш
13:36 28.07.2025 (Навсозишуда: 16:01 28.07.2025) Эксклюзив
Агентии беҳдошти замин ва обёрии назди ҳукумати Тоҷикистон сабабҳои ҳамеша қарздори “Барқи тоҷик” буданашро шарҳ дод
ДУШАНБЕ, 28 июл – Sputnik. Ду сол аз бахшида шудани қарзи чандсадмиллионии ин ниҳод аз сӯи ҳукумат мегузарад, аммо ҳоло қарзҳои Агентӣ дигарбора аз марзи дусад миллион сомонӣ убур кардаанд.
Соли 2023 ҳукумати Тоҷикистон бо як қарор 467 миллион сомонӣ қарзи Агентии беҳдошти замин ва обёрӣ пеши “Барқи тоҷик” – ро аз ҳисоби буҷети ҷумҳурӣ ҷуброн кард. Аммо бо гузашти ду сол Агентӣ дигарбора яке аз бузургтарин қарздорон аз ҳисоби барқ аст.
Зафарбек Давлатзода, директори Агентии беҳдошти замин ва обёрӣ, зимни нишасти матбуотӣ дар посух ба суоли Sputnik Тоҷикистон дар шарҳи мавзуъ гуфт, пайдоиши қарзҳо асосан ба пайваста баланд шудани тарифаҳои нерӯи барқ ва пардохт нашудани ҳаққи хизмати обрасонӣ аз сӯи истифодабарандагони об вобаста аст.
“Азбаски дар кишвари мо объёрӣ бештар тариқи дастгоҳҳои обкашӣ (насосҳо) сурат мегирад, барқи зиёд ва маболиғи калон ҳам харҷ мешавад. Пардохтҳое, ки сурат мегиранд, харҷи моро ҳатто барои баровардани худи об намепӯшонад”, - гуфт Зафарбек Давлатзода.
Вай афзуд, агар дар бархе манотиқ як метри мукааб об бо 10 дирам ба даст ояд, дар бархеи дигар аз 15 то 20 дирам харҷ дорад.
“Хизматрасонии обрасонӣ ҳоло 5 дирам аст, як сол пеш 2 дирам буд. Нархро Хадамоти зиддиинҳисорӣ таъйид мекунад. Аз сӯи дигар, 70% - и обе, ки мо ба хоҷагии халқ таҳвил медиҳем, тариқи пойгоҳҳои обкашӣ кашида мешавад”, - гуфт Зафарбек Давлатзода.
Бино ба иттилои Агентии беҳдошти замин ва обёрӣ, дар нимаи аввали соли равон ин ниҳод ҳудуди 1 миллиарду 900 миллион метри мукааб ба арзиши 92,5 миллион сомонӣ ба истифодабарандагон об расонда, фақат 27,9 миллион сомонӣ ё 30% - и маблағи хизматрасонии худро ба даст овардааст.
Агентӣ дар ним соли гузашта 451,7 миллион киловат-соат барқ ба маблағи 58,1 миллион сомонӣ истифода карда, фақат 15 миллиони онро пардохт кардааст. Ва ин ҳам дар ҳоле ки аз 1 апрели соли равон бино ба қарори ҳукумати Тоҷикистон қимати барқ барои пойгоҳҳои таъмиру истеҳсолии Агентии мелиоратсия ва обёрӣ дар марҳалаи аз 1-уми апрел то 30-юми сентябр – 12,27 (дар гузашта 9,2) дирам ва аз 1-уми октябр то 31-уми март – 35,36 (дар гузашта 26,51) дирам таъйин кард.
Дар ин миён, дар пайи даъвои идораҳои Агентӣ ба мақомоти Суди иқтисодӣ ва прокуратура дар шаҳру навоҳӣ ва вилоятҳо ба маблағи 45,5 миллион сомонӣ ҳуҷҷат ва аризаҳои шикоятӣ пешниҳод шуда, фақат 7,2 миллион сомонӣ рӯёнда шудааст. Дар умум истифодабарандагони об аз Агентӣ бо ҳисоби солҳои гузашта 353,1 миллион сомонӣ қарздор ҳастанд.
