Оверчук: Ҳиссаи ҳисоббаробаркуниҳо бо пули миллӣ дар ҳудуди ИИАО бештар аз 90% аст

© Sputnik / Press service of the Russian Foreign Ministry / Гузариш ба медиабонкЗаместитель председателя правительства РФ Алексей Оверчук
Заместитель председателя правительства РФ Алексей Оверчук - Sputnik Тоҷикистон, 1920, 17.04.2025
Обуна шудан
Русия ба таври муассир гузариш ба ҳисоббаробаркуниро бо асъори миллӣ анҷом дод - то охири соли 2024, онҳо тақрибан 80% амалиёти тиҷорати хориҷиро ташкил доданд
ДУШАНБЕ, 17 апр — Sputnik. Дар Иттиҳодияи иқтисодии АвруОсиё (ИИАО) ҳиссаи ҳисоббаробаркуниҳо бо асъори миллӣ ба 93% расид.
Дар ин бора муовини нахуствазири Русия Алексей Оверчук зимни ҷаласаи ҳукумат дар Шӯрои Федератсия хабар дод.
Ба гуфтаи вай, Русия воқеан гузариш ба ҳисоббаробаркуниро бо асъори миллӣ анҷом дод - то охири соли 2024 тақрибан 80% муомилоти тиҷорати хориҷӣ ба пули миллӣ рост омад.
Дар ҳамин ҳол, дар соли 2020 ҳамагӣ 25% муомилот бо пули миллӣ анҷом дода мешуд.
"Шарики асосии тиҷоратии мо Чин аст, ки бо он беш аз 95% ҳисоббаробаркуниҳо бо юан ва рубл анҷом дода мешаванд. Бо кишварҳои ИИАО ҳиссаи ҳисоббаробаркуниҳо бо асъори миллӣ 93% ва бо Ҳиндустон 90% аст", — қайд кард Оверчук.
Уборка озимых культур в Краснодарском крае  - Sputnik Тоҷикистон, 1920, 16.04.2025
Саноати кишоварзии ИИАО наздик ба 15% рушд кард
Ба гуфтаи муовини сарвазири Русия, дар доираи ИИАО муомилот ба рубли русӣ сурат мегирад.
"Мо як низоми мустақили ҳисоббаробаркуниҳои мутақобиларо эҷод мекунем. Дар воқеъ мо гузаштан ба асъори миллиро анҷом додем ва дар ин ҷо рубл дар фазои ИИАО имрӯз нақши бузургеро мебозад: воқеан 75% ҳисоббаробаркуниҳои мутақобила дар кишварҳои ИИАО ӣо рубли русӣ сурат мегирад. Ин барои касе мушкилот эҷод намекунад ва роҳаттар аст", — гуфт ӯ.
Ёдовар мешавем, ки дар авохири соли гузашта сарони кишварҳои Иттиҳодияи иқтисодии АвруОсиё эъломияеро дар бораи рушди минбаъдаи равандҳои иқтисодӣ дар чаҳорчӯби ИИАО дар дарозмуддат имзо карданд, ки он “Роҳи иқтисодии АвруОсиё” ном дошт.
Лентаи хабарҳо
0