Ҳарифони мунтахаби наврасони Тоҷикистон дар Ҷоми Осиё- 2025 маълум шуданд

© Foto / Пресс-служба ФФТМолодежная сборная Таджикистана (U-17)
Молодежная сборная Таджикистана (U-17) - Sputnik Тоҷикистон, 1920, 23.01.2025
Обуна шудан
Пас аз қуръакашӣ дар қароргоҳи КФО дар Куала-Лумпур дақиқ шуд ва мунтахаби наврасони Тоҷикистон (U-17) дар гурӯҳи “D” қарор гирифт
ДУШАНБЕ, 23 янв — Sputnik. Мунтахаби наврасони то 17 - солаи Тоҷикистон дар Ҷоми Осиё - 2025 бо тимҳои Эрон, Уммон ва Кореяи Шимолӣ бозӣ мекунанд.
Дар ин бора ФФТ хабар дода, афзуд, ки ҳарифони мунтӣахаби наврасони тоҷик зимни қуръакашӣ, ки дар қароргоҳи Конфедератсияи футболи Осиё дар Куала-лампур баргузор шуд, муайян гардиданд.
Мусобиқа аз 3 то 20 апрел дар Арабистони Саудӣ баргузор мегардад. Манбаъ афзуд, ки ҳамаи иштирокчиёни даври чорякниҳоӣ соҳиби роҳхати чемпионати ҷаҳон-2025 миёни наврасон мешаванд, ки аз 5 то 27 ноябр дар Қатар баргузор мешавад.
Дар ҳамин ҳол, сармураббии мунтахаби наврасони Тоҷикистон Марко Раҷини изҳор дошт, ки рақибони мунтахаби наврасони тоҷик дар гурӯҳи "D" дастаҳои қавӣ ҳастанд.
Юношеская сборная Таджикистана - Sputnik Тоҷикистон, 1920, 27.10.2024
Мунтахаби наврасони Тоҷикистон ба қисми ниҳоии Ҷоми Осиё роҳ ёфт
"Мо шомили гурӯҳи қавие гардидем. Дар марҳилаи интихобӣ дар Сингапур бо дастаи Уммон бозӣ карда будем. Мунтахаби хуб аст. Дастаи Эрон барои мо ба хубӣ ошност, чунки дар мусобиқаҳои Ассотсиатсияи футболи Осиёи Марказӣ чандин маротиба бо ҳам вохӯрдаем. Ва бозиҳои мо ҳамеша бениҳоят душвор мегузаштанд. Дар мавриди мунтахаби Кореяи Шимолӣ – ин даста аз ҷиҳати ҷисмонӣ ва тактикӣ хуб омодашуда аст", - шарҳ дод Раҷини.
Бо вуҷуди ин, сармураббии мунтахаби Тоҷикистон гуфт, ки ба даста ва бозигарон боварии калон дорад.
"Боварӣ дорам, ки мо дар Ҷоми Осиё-2025 ба мақсадҳои худ мерасем", – иброз намуд, сармураббии мунтахаби наврасони Тоҷикистон Марко Раҷини.
Лентаи хабарҳо
0