Лукашенко: Соли 2025 барои ИИАО соли муҳим хоҳад буд
© Sputnik / Вячеслав Прокофьев / POOL
/ Обуна шудан
Раисиҷумҳури Беларус, раиси Шӯрои олии иқтисодии Авруосиё ба сарони кишварҳои узви Иттиҳоди иқтисодии АвруОсиё муроҷиат кард
ДУШАНБЕ, 5 янв — Sputnik. Соли 2025 барои Иттиҳоди иқтисодии АвруОсиё (ИИАО) муҳим хоҳад буд, гуфт президенти Беларус, раиси Шӯрои олии иқтисодии АвруОсиё дар паёми худ ба сарони кишварҳои ИИАО.
Вай кайд кард, ки дар давоми даҳ соли охир Иттиҳодия дурустии идеяи интегратсияи зичи иқтисодӣ, қобили ҳаёт ва самарабахшии худро собит кард.
"2025 барои Иттиҳоди иқтисодии Авруосиё соли муҳимтарин хоҳад буд: давраи панҷсолаи татбиқи самтҳои стратегии рушди ҳамгироии иқтисодии АвруОсиё ба охир мерасад ва барои оғози марҳилаи нави татбиқи Эъломия дар бораи рушди минбаъдаи равандҳои иқтисодӣ дар доираи ИИАО то соли 2030 ва дар давраи то соли 2045 "Роҳи иқтисодии авруосиёӣ" таҳкрсӣ гузошта мешавад", - гуфт Лукашенко.
Вобаста ба ин, бо мақсади таҳкими ҳамкориҳои самарабахши ҳамгироии кишварҳои узви Иттиҳодия, ӯ афзалиятҳои зерини асосиро муайян намуд, ки дар соли оянда бояд дар маркази таваҷҷӯҳ қарор гиранд:
Зарур аст, ки саъю кӯшиши муштаракро ба рушди иқтидори технологии кишварҳои узви ИИАО ва фароҳам овардани фазои муштарак барои ҳамкории муштарак дар тамоми бахшҳои иқтисодиёт равона созем.
Бо мақсади баланд бардоштани амнияти озуқавории Иттиҳод пешниҳод мешавад, ки талошҳо ба рушди селекция ва тухмипарварӣ, баланд бардоштани иқтидори генетикии ҳайвоноти зотпарварии кишоварзӣ равона карда шаванд;
Дар шароити кунунӣ бояд кор барои ҳифзи бозори дохилӣ идома ёбад. Он бояд ҳам ба такмили танзими гумрукӣ ва тарифӣ барои баробар кардани шароити тиҷорат дар Евроосиё ва ҳам ба ҳифзи пурраи бозори Авруосиё аз маҳсулоти хатарнок равона карда шавад.
Қабули талаботи ягонаи техникӣ дар асоси таҷрибаи пешқадами ҷаҳонӣ ва далелҳои илмӣ, ҳамоҳангсозии стандартҳои миллӣ ва гузаштан ба истифодаи стандартҳои байнидавлатиро таъмин кардан муҳим аст.
Барои дастрасии моли воридотӣ ба бозори дохилӣ шароити назоратшаванда фароҳам оварда шуда, истифодаи самараноки низоми идоракунии хавфҳо ҳангоми муайян кардани арзиши гумрукии мол идома дода шавад.
Равшан аст, ки рушди минбаъдаи ИИАО бояд бо баланд бардоштани некӯаҳволии шаҳрвандони кишварҳои узви иттиҳод зич алоқаманд бошад. Аз ин лиҳоз, бояд ба ҳамкорӣ дар соҳаҳои тандурустӣ, маориф, варзиш, сайёҳӣ, фарҳанг ва дигар соҳаҳои башардӯстона таваҷҷӯҳи бештар зоҳир карда шавад.
"Ва, албатта, мо бояд санаи хоса дар таърихи муштараки худ - 80-солагии Ғалаба дар Ҷанги Бузурги Ватаниро сазовор ҷашн гирифта, саъю кӯшишро ба таъмини сулҳ ва мубориза бо фашистӣ, ки дубора ба ҳамагон таҳдид мекунад, муттаҳид созем", - таъкид кард Лукашенко.
Ӯ ҳамчунин қайд кард, ки имрӯз ба ҷомеаи ҷаҳонӣ нишон додан муҳим аст, ки танҳо бо эҳтироми ҳамдигар ва риояи меъёрҳои ҳуқуқӣ рушд, бунёди оянда ва расидан ба шукуфоӣ имконпазир аст.
Дар фарҷом президенти Беларус, раиси Шӯрои олии иқтисодии Авруосиё изҳори итминон кард, ки татбиқи пайвастаи ин самтҳо “ба рушди минбаъдаи ҳамгироии авруосиёӣ ва тавсеаи ҳамкориҳои мутақобилан судманди кишварҳои мо мусоидат хоҳад кард”.
