https://sputnik.tj/20241120/muhlati-taftishot-parvandai-hamlai-terroristi-krokus-tamdid-1065193252.html

Мӯҳлати тафтишоти парвандаи ҳамлаи террористӣ дар Крокус бори дигар тамдид шуд

Мӯҳлати тафтишоти парвандаи ҳамлаи террористӣ дар Крокус бори дигар тамдид шуд

Sputnik Тоҷикистон

Додгоҳи шаҳри Маскав мӯҳлати тафтишоти парвандаи ҳамлаи террористӣ дар Крокусро то 22 феврали соли 2025 тамдид кард

2024-11-20T11:59+0500

2024-11-20T11:59+0500

2024-11-20T11:59+0500

дар тоҷикистон

крокус сити холл

парванда

тамдид

русия

суд

терроризм

https://cdnn1.img.sputnik.tj/img/07e8/0b/14/1065191207_0:0:3072:1728_1920x0_80_0_0_ad7b9353cbb6a0d63cab33d9d7a01e73.jpg

ДУШАНБЕ, 20 ноя — Sputnik. Мӯҳлати тафтишоти парвандаи ҳамлаи террористӣ дар “Крокус Сити Холл” то тақрибан охири моҳи феврали соли 2025 тамдид шуд, хабар медиҳад РИА “Новости” дар истинод ба санади додгоҳ."Мӯҳлати тафтишоти парванда то 22 феврали соли 2025 тамдид карда шуд", - гуфта шудааст дар санад.Қаблан додгоҳи Басманий шаҳри Маскав мӯҳлати боздошти омилони ҳамлаи террористӣ дар “Коркус Сити Холл” Далерҷон Мирзоев*, Муродалӣ Рачабализода*, Муҳаммадсобир Файзов* ва Шамсидин Фаридуниро* низ тамдид карда буд.Ҳамлаи террористӣ дар Крокус Сити Холл Рӯзи 22 март дар толори консертии Крокус Сити Холл, воқеъ дар шимолу ғарби Маскав тирпарронӣ рух дод.Чанд нафар ва бидуни ниқоб вориди бинои марказӣ шуданд. Онҳо ба рӯи одамон тирандозӣ карданд ва баъд аз он курсиҳои толорро оташ заданду инчунин норинҷакҳои оташзо партоб намуданд, ки боиси сӯхтори шадид ва қисман фурӯ рехтани бино гардид.Тибқи маълумоти охирини Кумитаи тафтишоти Русия, дар натиҷаи ҳамлаи террористӣ дар Крокус беш аз 140 нафар кушта шудаанд, ки шаш нафари онҳо кӯдакон мебошанд.Ҷинояткорон субҳи барвақти 23 март дар вилояти Брянск дар наздикии марз бо Украина боздошт шуданд.Ҳар чор нафар зодаи Тоҷикистон мебошанд. Баъдтар тафтишот муайян кард, ки пеш аз ҳамлаи хунин ду нафар аз ин террористҳо аз Истанбул боздид карданд.Имкон дорад, раҳбари эҳтимолии ин гурӯҳ бо доираҳои тундгаро дар Туркия робита дошта бошанд. Тибқи як фарзия дигар, маҳз дар он ҷо яке аз онҳо барои анҷоми ҳамлаи террористӣ омӯзиши зарурӣ гирифтааст.Дар маҷмӯъ, дар робита ба ҳамлаи террористӣ дар Крокус 12 гумонбар боздошт шудааст. Ҳамаи онҳо ба рӯйхати террористони Росфинмониторинг шомил шудаанд. Чанд нафари дигар бо гумони даст доштан дар ин ҳодиса низ боздошт шудаанд.Владимир Путин, раисиҷумҳури Русия, зимни муроҷиати худ ба шаҳрвандон қайд кард, ки баъд аз ҳамлаи террористӣ ҷинояткорон ба самти Украина ҳаракат мекарданд, ки дар он ҷо барои онҳо як "долон"-и вижа омода карда шуда буд. Вай таъкид кард, ки ҳеҷ яке аз ширкаткунандагон набояд аз ҷазои одилона раҳо ёбад.Путин таваҷҷуҳро ба он ҷалб кард, ки дар паси ҳамлаҳои террористӣ дар манотиқи мухталифи ҷаҳон "на танҳо гурӯҳҳои тундгаро, балки хадамотҳои вижаи баъзе аз кишварҳо низ даст доранд".Мақсади онҳо вайрон кардани асосҳои конститутсионӣ ва ноором кардани давлатҳои соҳибихтиёр, инчунин барангехтани кинаю адоват байни миллатҳо ва динҳо аст.*-ба феҳристи террористон ва экстремистҳои Росфинмониторинг ворид карда шудааст

https://sputnik.tj/20241004/raisi-fsb-rusiya-tojikonro-hamlai-terroristi-dar-krokus-1064591231.html

https://sputnik.tj/20240915/parvanda-hamla-krokus-muttahamon-nav-paydo-1064337923.html

русия

2024

Хабарҳо

tg_TJ

тоҷикистон, крокус, русия, муҳлат, додгоҳ, парванда, тамдид, амали террористӣ