https://sputnik.tj/20241120/eron-khatlon-korkhona-mevau-afshura-bunyod-1065188045.html
Эрон ният дорад дар Хатлон корхонаи меваю афшура, хушконидани он бунёд намояд
Эрон ният дорад дар Хатлон корхонаи меваю афшура, хушконидани он бунёд намояд
Sputnik Тоҷикистон
Тоҷирони Эрон дар гуфтугӯ бо мақомоти Хатлон гуфтанд, ки ба коркарди меваи хушсифат, аз ҷумла себ дар вилоятӣи Хатлон манфиатдор ҳастанд
2024-11-20T13:11+0500
2024-11-20T13:11+0500
2024-11-20T13:11+0500
дар тоҷикистон
эрон
хатлон
ҳамкорӣ
коргоҳ
меваи хушк
https://cdnn1.img.sputnik.tj/img/07e6/0c/07/1053345041_0:158:2802:1734_1920x0_80_0_0_963047a34c2dec3c88c112cc9c4705c8.jpg
ДУШАНБЕ, 20 ноя — Sputnik. Раиси вилояти Хатлон Давлаталӣ Саид дар вохурӣ бо роҳбарони як қатор корхонаҳои истеҳсолии Эрон онҳоро ба бунёди корхонаҳои хурду бузург даъват кард.Вай дар бо тоҷирони эронӣ рушди соҳаи саноат, густариши ҳамкориҳои чандҷониба бо ширкатҳои хориҷӣ, содироти маҳсулоти кишоварзӣ ва бунёди корхонаҳои хурду бузургро баррасӣ кард.Маҳдӣ Асадуллоҳпур, намояндаи ҳолдинги “Алмос-Неру”-и Эрон, дар ин дидор зикр намуд, ки мақсади дидору мулоқоти раҳбарони ширкатҳои эронӣ бо роҳбарияти вилояти Хатлон бунёди корхонаи меваю афшура, хушконидани он, ки дар марҳилаи аввал 7 навъи маҳсулот истеҳсол мешавад, мебошад.“Мо вобаста ба коркарди меваи хушсифат, аз ҷумла себ манфиатдорем ва иқлими Тоҷикистон баҳри зиёд намудани истеҳсоли ин навъи маҳсулот заминаҳои бунёди корхонаҳои азими истеҳсолиро ба миён мегузорад. Аз ин рӯ, мо тасмим гирифтаем чунин корхонаро дар вилояти Хатлон бунёд созем ва беш аз 500 нафар бонувони маҳаллиро ба кор фаро гирем”, - афзуд Маҳдӣ Асадуллоҳпур.Раиси вилоят пешниҳоди тоҷирони эрониро дастгирӣ намуда, гуфт, ки майдони боғот дар вилоят зиёд аст ва ҳамасола ниёз ба истеҳсолоту коркарди пурраи он пайдо мегардад.Дар идомаи вохӯрӣ ҷонибҳо ҳамзамон, барои ҳамкориҳо дар соҳаи дандонпизишкӣ, металлургияи ранга, кишоварзӣ табодули назар намуданд.Дар мулоқот ҷонибҳо изҳори итминон намуданд, ки дар партави иродаи мақомоти олии ду кишвар ва бо баҳрагирӣ аз муштаракоти фаровон ва зарфиятҳои мукаммал ҳамкориҳо ва равобити иқтисодию бозаргонии ду кишвари ҳамдин, ҳамфарҳанг ва ҳамзабон беш аз пеш тақвият хоҳанд ёфт.Кишоварзӣ яке аз самтҳои афзалиятноку пешбарандаи вилояти Хатлон маҳсуб меёбад ва ҳамасола молу маҳсулоти тоза, аз ҷумла пахта, меваҷот, полезӣ, ғалладонагиҳо ҷамъоварӣ карда мешавад.Вилояти Хатлон маҳсулоти кишоварзиашро дар баробари таъмини бозорҳои дохилӣ ба хориҷи кишвар низ содирот менамояд.Эрон яке аз нахустин шарикони Тоҷикистон дар таърихи соҳибистиқлолии кишвар буда, ширкатҳои эронӣ дар тарҳҳои муҳимми Тоҷикистон ва минтақа нақш доранд.Дар муддати беш аз 30 соли равобити дипломатӣ ҳудуди 200 санади муҳими ҳамкорӣ байни Тоҷикистон ва Эрон ба имзо расидааст, ки нақши таъинкунандае дар эҷоди чорчӯби қонунӣ ҷиҳати тавсеаи бештари равобити дуҷониба доранд.
https://sputnik.tj/20241119/dushanbe-khostor-kohishi-tarufai-reyli-eron-tojikiston-1065163163.html
эрон
Sputnik Тоҷикистон
info@sputnik.tj
+74956456601
MIA „Rossiya Segodnya“
2024
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
хатлон, эрон, ҳамкорӣ, китшоварзӣ, бунёд, корхона, меваи хушк
хатлон, эрон, ҳамкорӣ, китшоварзӣ, бунёд, корхона, меваи хушк
Эрон ният дорад дар Хатлон корхонаи меваю афшура, хушконидани он бунёд намояд
Тоҷирони Эрон дар гуфтугӯ бо мақомоти Хатлон гуфтанд, ки ба коркарди меваи хушсифат, аз ҷумла себ дар вилоятӣи Хатлон манфиатдор ҳастанд
ДУШАНБЕ, 20 ноя — Sputnik. Раиси вилояти Хатлон Давлаталӣ Саид дар вохурӣ бо роҳбарони як қатор корхонаҳои истеҳсолии Эрон онҳоро ба бунёди корхонаҳои хурду бузург даъват кард.
Вай дар бо тоҷирони эронӣ рушди соҳаи саноат, густариши ҳамкориҳои чандҷониба бо ширкатҳои хориҷӣ, содироти маҳсулоти кишоварзӣ ва бунёди корхонаҳои хурду бузургро баррасӣ кард.
Маҳдӣ Асадуллоҳпур, намояндаи ҳолдинги “Алмос-Неру”-и Эрон, дар ин дидор зикр намуд, ки мақсади дидору мулоқоти раҳбарони ширкатҳои эронӣ бо роҳбарияти вилояти Хатлон бунёди корхонаи меваю афшура, хушконидани он, ки дар марҳилаи аввал 7 навъи маҳсулот истеҳсол мешавад, мебошад.
“Мо вобаста ба коркарди меваи хушсифат, аз ҷумла себ манфиатдорем ва иқлими Тоҷикистон баҳри зиёд намудани истеҳсоли ин навъи маҳсулот заминаҳои бунёди корхонаҳои азими истеҳсолиро ба миён мегузорад. Аз ин рӯ, мо тасмим гирифтаем чунин корхонаро дар вилояти Хатлон бунёд созем ва беш аз 500 нафар бонувони маҳаллиро ба кор фаро гирем”, - афзуд Маҳдӣ Асадуллоҳпур.
Раиси вилоят пешниҳоди тоҷирони эрониро дастгирӣ намуда, гуфт, ки майдони боғот дар вилоят зиёд аст ва ҳамасола ниёз ба истеҳсолоту коркарди пурраи он пайдо мегардад.
Дар идомаи вохӯрӣ ҷонибҳо ҳамзамон, барои ҳамкориҳо дар соҳаи дандонпизишкӣ, металлургияи ранга, кишоварзӣ табодули назар намуданд.
Дар мулоқот ҷонибҳо изҳори итминон намуданд, ки дар партави иродаи мақомоти олии ду кишвар ва бо баҳрагирӣ аз муштаракоти фаровон ва зарфиятҳои мукаммал ҳамкориҳо ва равобити иқтисодию бозаргонии ду кишвари ҳамдин, ҳамфарҳанг ва ҳамзабон беш аз пеш тақвият хоҳанд ёфт.
Кишоварзӣ яке аз самтҳои афзалиятноку пешбарандаи вилояти Хатлон маҳсуб меёбад ва ҳамасола молу маҳсулоти тоза, аз ҷумла пахта, меваҷот, полезӣ, ғалладонагиҳо ҷамъоварӣ карда мешавад.
Вилояти Хатлон маҳсулоти кишоварзиашро дар баробари таъмини бозорҳои дохилӣ ба хориҷи кишвар низ содирот менамояд.
Эрон яке аз нахустин шарикони Тоҷикистон дар таърихи соҳибистиқлолии кишвар буда, ширкатҳои эронӣ дар тарҳҳои муҳимми Тоҷикистон ва минтақа нақш доранд.
Дар муддати беш аз 30 соли равобити дипломатӣ ҳудуди 200 санади муҳими ҳамкорӣ байни Тоҷикистон ва Эрон ба имзо расидааст, ки нақши таъинкунандае дар эҷоди чорчӯби қонунӣ ҷиҳати тавсеаи бештари равобити дуҷониба доранд.
