![Намоишгоҳи байналмилалии универсалии "Тоҷикистон – 2024" дар Маркази намоишгоҳҳои Душанбе ба кори худ шурӯъ кард. - Sputnik Тоҷикистон](https://cdnn1.img.sputnik.tj/img/07e8/0a/18/1064839259_0:0:3640:2048_600x0_80_0_1_3604c5379618e36d6aa54d0f92ee323e.jpg "Намоишгоҳи байналмилалии универсалии "Тоҷикистон – 2024" дар Маркази намоишгоҳҳои Душанбе ба кори худ шурӯъ кард.")
Намоишгоҳи байналмилалии универсалии "Тоҷикистон – 2024" дар Маркази намоишгоҳҳои Душанбе ба кори худ шурӯъ кард.
Чорабиниро Палатаи савдо ва саноати Тоҷикистон бо дастгирии ҳукумати ҷумҳурӣ ташкил кардааст.
Намоишгоҳ рӯзи 24 октябр кушода шуда, 3 рӯз идома мекунад.
Дар ин ҷо истеҳсолкунандагони маҳсулот ва ширкатҳои гуногун аз минтақаҳои гуногуни Тоҷикистон, Покистон, Эрон, Русия, Беларус, Узбекистон ва Чин ҷамъ омаданд.
Дар маҷмуъ беш аз 100 нафар соҳибкорон иштироки худро эълон карданд.
Таҷҳизоту техника, масолеҳи сохтмониву хӯрока ба намоиш гузошта шуд.
Ширкатҳои Русия мошинҳои кишоварзӣ ва маҳсулоти пластикиро муаррифӣ карданд.
Инчунин метавон иловаҳои ғизоӣ, косметика, доруҳои байторӣ ва ваксинаҳо, ғизо ва нӯшокиҳоро аз назар гузаронд ва шартномаҳо баст.
Намоишгоҳро шарикон аз Таиланд, Африка ва Маҷористон низ тамошо мекунанд.
