https://sputnik.tj/20240823/muttaham-hamla-krokus-gunoh-etirof-kard-1064038851.html
Як муттаҳам дар ҳамла ба Крокус қисман гуноҳашро эътироф кард
Як муттаҳам дар ҳамла ба Крокус қисман гуноҳашро эътироф кард
Sputnik Тоҷикистон
Номбурда иқрор шуд, ки дар анҷом додани ҳамлаи террористӣ ба бинои Крокус Сити Холл мусоидат кард ва ваъда дод, ки барои ҳамкорӣ бо тафтишот омода аст
2024-08-23T13:49+0500
2024-08-23T13:49+0500
2024-08-23T13:56+0500
русия
рӯйдод, ҷиноят ва ҳолатҳои фавқулода
крокус сити холл
https://cdnn1.img.sputnik.tj/img/07e8/08/17/1064041657_0:120:1280:840_1920x0_80_0_0_5b7ad8c0925be7b5820816e1c2a4d195.jpg
ДУШАНБЕ, 23 авг — Sputnik. Муҳаммадзоир Шарифзода* яке аз муттаҳамон эътироф намуд, ки ӯ дар анҷоми ҳамлаи террористӣ ба бинои Крокус мусоидат намудааст.Дар ин бора РИА Новости бо такя ба маълумоти дарёфтӣ иттилоъ дод.Ӯ яке аз 12 гумонбар дар содир намудани ҳамлаи террористӣ ба бинои Крокус мебошад, ки дар пай талафоти зиёди ҷонӣ ва хисороти калони молӣ дошт.Аз ин пеш Ёқубҷони Юсуфзода ва Назримад Лутфуллоӣ, ки низ ба таблиғи терроризм муттаҳам мешаванд, ба гуноҳи худ қисман иқрор шуданд. Ҳамла ба КрокусРӯзи 22 март дар толори консертии Крокус Сити Холл, воқеъ дар шимолу ғарби Маскав тирпарронӣ рух дод.Чанд нафар ва бидуни ниқоб вориди бинои марказӣ шуданд. Онҳо ба рӯи одамон тирандозӣ карданд ва баъд аз он курсиҳои толорро оташ заданду инчунин норинҷакҳои оташзо партоб намуданд, ки боиси сӯхтори шадид ва қисман фурӯ рехтани бино гардид. Тибқи маълумоти охирини Кумитаи тафтишоти Русия, дар натиҷаи ҳамлаи террористӣ дар Крокус беш аз 140 нафар кушта шудаанд, ки шаш нафари онҳо кӯдакон мебошанд. Ҷинояткорон субҳи барвақти 23 март дар вилояти Брянск дар наздикии марз бо Украина боздошт шуданд. Ҳар чор нафар зодаи Тоҷикистон мебошанд. Баъдтар тафтишот муайян кард, ки пеш аз ҳамлаи хунин ду нафар аз ин террористҳо аз Истанбул боздид карданд. Имкон дорад, раҳбари эҳтимолии ин гурӯҳ бо доираҳои тундгаро дар Туркия робита дошта бошанд. Тибқи як фарзия дигар, маҳз дар он ҷо яке аз онҳо барои анҷоми ҳамлаи террористӣ омӯзиши зарурӣ гирифтааст. Дар маҷмӯъ, дар робита ба ҳамлаи террористӣ дар Крокус 12 гумонбар боздошт шудааст. Ҳамаи онҳо ба рӯйхати террористони Росфинмониторинг шомил шудаанд. Чанд нафари дигар бо гумони даст доштан дар ин ҳодиса низ боздошт шудаанд. Дар парвандаи Крокус аз 20 муттаҳам 18 нафар боздошт шудандВладимир Путин, раисиҷумҳури Русия, зимни муроҷиати худ ба шаҳрвандон қайд кард, ки баъд аз ҳамлаи террористӣ ҷинояткорон ба самти Украина ҳаракат мекарданд, ки дар он ҷо барои онҳо як "долон"-и вижа омода карда шуда буд. Вай таъкид кард, ки ҳеҷ яке аз ширкаткунандагон набояд аз ҷазои одилона раҳо ёбад. Путин таваҷҷуҳро ба он ҷалб кард, ки дар паси ҳамлаҳои террористӣ дар манотиқи мухталифи ҷаҳон "на танҳо гурӯҳҳои тундгаро, балки хадамотҳои вижаи баъзе аз кишварҳо низ даст доранд". Мақсади онҳо вайрон кардани асосҳои конститутсионӣ ва ноором кардани давлатҳои соҳибихтиёр, инчунин барангехтани кинаю адоват байни миллатҳо ва динҳо аст.* Ба рӯйхати террористон ва экстремистҳо аз ҷониби Росфинмониторинг дохил карда шудааст.
https://sputnik.tj/20240820/tamdidi-muhlati-habs-tojiki-hamlai-krokus-gumonbar-1064015914.html
русия
Sputnik Тоҷикистон
info@sputnik.tj
+74956456601
MIA „Rossiya Segodnya“
2024
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
крокус муттаҳам гуноҳ эътироф
крокус муттаҳам гуноҳ эътироф
Як муттаҳам дар ҳамла ба Крокус қисман гуноҳашро эътироф кард
13:49 23.08.2024 (Навсозишуда: 13:56 23.08.2024) Номбурда иқрор шуд, ки дар анҷом додани ҳамлаи террористӣ ба бинои Крокус Сити Холл мусоидат кард ва ваъда дод, ки барои ҳамкорӣ бо тафтишот омода аст
ДУШАНБЕ, 23 авг — Sputnik. Муҳаммадзоир Шарифзода* яке аз муттаҳамон эътироф намуд, ки ӯ дар анҷоми ҳамлаи террористӣ ба бинои Крокус мусоидат намудааст.
Дар ин бора РИА Новости бо такя ба маълумоти дарёфтӣ иттилоъ дод.
"Шарифзода барои ҳамкорӣ бо тафтишот омода аст, аз рӯи ҳолатҳои воқеӣ ба гуноҳи худ қисман иқрор шуда, танҳо дараҷаи тахассусии кирдорро рад мекунад", - омадааст дар хабар.
Ӯ яке аз 12 гумонбар дар содир намудани ҳамлаи террористӣ ба бинои Крокус мебошад, ки дар пай талафоти зиёди ҷонӣ ва хисороти калони молӣ дошт.
Аз ин пеш Ёқубҷони Юсуфзода ва Назримад Лутфуллоӣ, ки низ ба таблиғи терроризм муттаҳам мешаванд, ба гуноҳи худ қисман иқрор шуданд.
Рӯзи 22 март дар толори консертии Крокус Сити Холл, воқеъ дар шимолу ғарби Маскав тирпарронӣ рух дод.
Чанд нафар ва бидуни ниқоб вориди бинои марказӣ шуданд. Онҳо ба рӯи одамон тирандозӣ карданд ва баъд аз он курсиҳои толорро оташ заданду инчунин норинҷакҳои оташзо партоб намуданд, ки боиси сӯхтори шадид ва қисман фурӯ рехтани бино гардид.
Тибқи маълумоти охирини Кумитаи тафтишоти Русия, дар натиҷаи ҳамлаи террористӣ дар Крокус беш аз 140 нафар кушта шудаанд, ки шаш нафари онҳо кӯдакон мебошанд.
Ҷинояткорон субҳи барвақти 23 март дар вилояти Брянск дар наздикии марз бо Украина боздошт шуданд.
Ҳар чор нафар зодаи Тоҷикистон мебошанд. Баъдтар тафтишот муайян кард, ки пеш аз ҳамлаи хунин ду нафар аз ин террористҳо аз Истанбул боздид карданд.
Имкон дорад, раҳбари эҳтимолии ин гурӯҳ бо доираҳои тундгаро дар Туркия робита дошта бошанд. Тибқи як фарзия дигар, маҳз дар он ҷо яке аз онҳо барои анҷоми ҳамлаи террористӣ омӯзиши зарурӣ гирифтааст.
Дар маҷмӯъ, дар робита ба ҳамлаи террористӣ дар Крокус 12 гумонбар боздошт шудааст. Ҳамаи онҳо ба рӯйхати террористони Росфинмониторинг шомил шудаанд. Чанд нафари дигар бо гумони даст доштан дар ин ҳодиса низ боздошт шудаанд.
Владимир Путин, раисиҷумҳури Русия, зимни муроҷиати худ ба шаҳрвандон қайд кард, ки баъд аз ҳамлаи террористӣ ҷинояткорон ба самти Украина ҳаракат мекарданд, ки дар он ҷо барои онҳо як "долон"-и вижа омода карда шуда буд. Вай таъкид кард, ки ҳеҷ яке аз ширкаткунандагон набояд аз ҷазои одилона раҳо ёбад.
Путин таваҷҷуҳро ба он ҷалб кард, ки дар паси ҳамлаҳои террористӣ дар манотиқи мухталифи ҷаҳон "на танҳо гурӯҳҳои тундгаро, балки хадамотҳои вижаи баъзе аз кишварҳо низ даст доранд".
Мақсади онҳо вайрон кардани асосҳои конститутсионӣ ва ноором кардани давлатҳои соҳибихтиёр, инчунин барангехтани кинаю адоват байни миллатҳо ва динҳо аст.
* Ба рӯйхати террористон ва экстремистҳо аз ҷониби Росфинмониторинг дохил карда шудааст.
