https://sputnik.tj/20240715/sarvazir-sobiq-khon-hamsarash-pokiston-bozdosht-1063528100.html
Сарвазири собиқи Покистон Хон ва ҳамсараш боздошт шуданд
Сарвазири собиқи Покистон Хон ва ҳамсараш боздошт шуданд
Sputnik Тоҷикистон
Вакили дифои нахуствазири собиқ ва ҳамсараш ин боздоштро ғайриқонунӣ хонда, афзуд, аризаи онҳо дар бораи гаравпулӣ аллакай дар Додгоҳи олӣ баррасӣ мешавад.
2024-07-15T10:55+0500
2024-07-15T10:55+0500
2024-07-15T12:03+0500
покистон
https://cdnn1.img.sputnik.tj/img/07e8/07/0f/1063529090_0:0:3072:1728_1920x0_80_0_0_d32360d1c7a75d4c222ceb2899cace11.jpg
ДУШАНБЕ, 15 июл — Sputnik. Додгоҳи Покистон сарвазири пешин Имрон Хон ва ҳамсараш Бушра Бибиро бо иттиҳоми нав то 22 июл боздошт кард.Онҳо ба "сӯиистифода аз ваколат барои харидани тӯҳфаҳо аз хазинаи давлатии Тошахона" муттаҳам мешаванд, хабар медиҳад Geo TV. Дафтари миллии ҳисоботдиҳӣ, Ожонси мубориза бо фасоди Покистон, иттиҳоми навро камтар аз як рӯз баъд аз он эълом кард, ки додгоҳи Исломобод рӯзи шанбе шикояти Хон ва ҳамсарашро дар бораи бекор кардани ҳукм дар парвандаи издивоҷи ғайриқонунӣ бетағйир гузошт.Ин охирин парвандаи додгоҳӣ буд, ки муассиси ҳизби "Таҳрики Инсоф"-ро дар зиндон нигоҳ медорад.Дар навбати худ вакили дифои нахуствазири собиқ ва ҳамсараш ин боздоштро ғайриқонунӣ хонда, афзуд, аризаи онҳо дар бораи гаравпулӣ аллакай дар Додгоҳи олӣ баррасӣ мешавад.Имрон Хон, ки аз соли 2018 то соли 2022 ҳукумати Покистонро бар ӯҳда дошт, 10 апрели соли 2022 дар натиҷаи овоздиҳии нобоварӣ алайҳи ӯ аз мақомаш барканор шуд. Моҳи августи соли 2023 Хон дар як парвандаи қаллобӣ дар робита ба фурӯши ашёи қиматбаҳо дар хазинаи давлатии Тошахона боздошт шуд. Баъдан ба зидди ӯ як қатор айбҳо, аз ҷумла, хиёнат ба давлат вобаста ба паҳн кардани сирри махфӣ ва як қатор айбҳои дигар эълон карда шуданд. Дар ҷараёни баррасии шикоятҳои Хон, аксари иттиҳомоти алайҳи ӯ лағв карда шуданд, вале нахуствазири собиқ дар парвандаи издивоҷи ғайриқонунӣ дар ҳабс боқӣ монд. Қаблан як гурӯҳи кории СММ оид ба боздошти худсарона озодии фаврии сарвазири пешини Покистон Имрон Хонро талаб карда, гуфта буд, ки дастикам ду парвандаи алайҳи ӯ ангезаи сиёсӣ доранд ва ҳадафаш хориҷ кардани ӯ аз ҳаёти сиёсӣ аст. Аз ҷумла, коршиносони СММ боздошт ва таъқиби Хон дар нахустин парвандаи фасод дар хазинаи миллии Тошахона ва дар мавриди ифшои сирри давлатӣ "ангезаи сиёсӣ"-ро барои хориҷ кардани ӯро аз ширкати сиёсӣ медонанд. Дар навбати худ вазири адлияи Покистон Аъзам Назир Тарор мурофиаҳои зидди сарвазири собиқ Имрон Хонро кори дохилии Покистон номид.
https://sputnik.tj/20231023/imron-khon-ifsho-sir-davlat-gunakor-1060098984.html
покистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2024
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
сарвазир собиқ покистон хон ҳамсар боздошт
сарвазир собиқ покистон хон ҳамсар боздошт
Сарвазири собиқи Покистон Хон ва ҳамсараш боздошт шуданд
10:55 15.07.2024 (Навсозишуда: 12:03 15.07.2024) Вакили дифои нахуствазири собиқ ва ҳамсараш ин боздоштро ғайриқонунӣ хонда, афзуд, аризаи онҳо дар бораи гаравпулӣ аллакай дар Додгоҳи олӣ баррасӣ мешавад.
ДУШАНБЕ, 15 июл — Sputnik. Додгоҳи Покистон сарвазири пешин Имрон Хон ва ҳамсараш Бушра Бибиро бо иттиҳоми нав то 22 июл боздошт кард.
Онҳо ба "сӯиистифода аз ваколат барои харидани тӯҳфаҳо аз хазинаи давлатии Тошахона" муттаҳам мешаванд, хабар медиҳад Geo TV.
Дафтари миллии ҳисоботдиҳӣ, Ожонси мубориза бо фасоди Покистон, иттиҳоми навро камтар аз як рӯз баъд аз он эълом кард, ки додгоҳи Исломобод рӯзи шанбе шикояти Хон ва ҳамсарашро дар бораи бекор кардани ҳукм дар парвандаи издивоҷи ғайриқонунӣ бетағйир гузошт.
Ин охирин парвандаи додгоҳӣ буд, ки муассиси ҳизби "Таҳрики Инсоф"-ро дар зиндон нигоҳ медорад.
"Додгоҳ ба Дафтари миллии ҳисоботдиҳӣ супориш дод, ки ду гумонбарро дар зиндони Адиала бозпурсӣ кунад ва инчунин ба ҳамсарон дастур дод, ки рӯзи 22 июл ба додгоҳ ҳозир шаванд",- гуфт шабакаи телевизионӣ.
Дар навбати худ вакили дифои нахуствазири собиқ ва ҳамсараш ин боздоштро ғайриқонунӣ хонда, афзуд, аризаи онҳо дар бораи гаравпулӣ аллакай дар Додгоҳи олӣ баррасӣ мешавад.
Имрон Хон, ки аз соли 2018 то соли 2022 ҳукумати Покистонро бар ӯҳда дошт, 10 апрели соли 2022 дар натиҷаи овоздиҳии нобоварӣ алайҳи ӯ аз мақомаш барканор шуд.
Моҳи августи соли 2023 Хон дар як парвандаи қаллобӣ дар робита ба фурӯши ашёи қиматбаҳо дар хазинаи давлатии Тошахона боздошт шуд.
Баъдан ба зидди ӯ як қатор айбҳо, аз ҷумла, хиёнат ба давлат вобаста ба паҳн кардани сирри махфӣ ва як қатор айбҳои дигар эълон карда шуданд. Дар ҷараёни баррасии шикоятҳои Хон, аксари иттиҳомоти алайҳи ӯ лағв карда шуданд, вале нахуствазири собиқ дар парвандаи издивоҷи ғайриқонунӣ дар ҳабс боқӣ монд.
Қаблан як гурӯҳи кории СММ оид ба боздошти худсарона озодии фаврии сарвазири пешини Покистон Имрон Хонро талаб карда, гуфта буд, ки дастикам ду парвандаи алайҳи ӯ ангезаи сиёсӣ доранд ва ҳадафаш хориҷ кардани ӯ аз ҳаёти сиёсӣ аст.
Аз ҷумла, коршиносони СММ боздошт ва таъқиби Хон дар нахустин парвандаи фасод дар хазинаи миллии Тошахона ва дар мавриди ифшои сирри давлатӣ "ангезаи сиёсӣ"-ро барои хориҷ кардани ӯро аз ширкати сиёсӣ медонанд.
Дар навбати худ вазири адлияи Покистон Аъзам Назир Тарор мурофиаҳои зидди сарвазири собиқ Имрон Хонро кори дохилии Покистон номид.
