Тоҷикистон аз таъсиси пойгоҳи лоиҳаҳои тиҷории СҲШ пуштибонӣ кард

© Министерство промышленности и новых технологий ТаджикистанаШерали Кабир министр промышленности и новых технологий Таджикистана на "Иннопром-2024"
Шерали Кабир министр промышленности и новых технологий Таджикистана на Иннопром-2024 - Sputnik Тоҷикистон, 1920, 09.07.2024
Обуна шудан
Вазири саноати Тоҷикистон мегӯяд, ки таъсиси чунин пойгоҳ бояд пеш аз баррасии таҳияи воситаҳои муштараки молиявӣ ва механизмҳои суғурта дар СҲШ сурат бигирад
ДУШАНБЕ, 9 июл — Sputnik. Тоҷикистон аз ташаббуси зуд таъсис додани пойгоҳи тиҷории кишварҳои узви Созмони ҳамкориҳои Шанхай (СҲШ) пуштибонӣ мекунад.
Дар ин бора Шералӣ Кабир, вазири саноат ва технологияҳои нави Тоҷикистон дар Намоишгоҳи байналмилалии саноатии "Иннопром", ки дар Екатеринбург ҷараён дорад, изҳор дошт.
"Мо тарафдори он ҳастем, ки масъалаи пойгоҳи лоиҳаҳои саноатӣ ҳарчи зудтар баррасӣ шавад. Нахуст барои мо таъсиси ин пойгоҳ муҳим мебошад. Ин ба мо имкон медиҳад равобити коопертсионии худро дар доираи СҲШ таҳким бахшем ва роҳҳои нави ҳалли оптималиро пайдо кунем”, - гуфт ӯ дар ҷаласаи “Горизонт - 2035: Созмони Ҳамкориҳои Шанхай – меҳвари иқтисоди ҷаҳонӣ”.
Вазир қайд кард, ки таъсиси чунин пойгоҳо бояд пеш аз баррасии таҳияи воситаҳои муштараки молиявӣ ва механизмҳои суғурта дар СҲШ сурат бигирад.
Заседание Совета национальных координаторов государств ШОС - Sputnik Тоҷикистон, 1920, 07.07.2024
“Баъд аз пандемия”: СҲШ қомат рост мекунад
Ҳайати ҳукуматии Тоҷикистон таҳти раҳбарии Қоҳир Расулзода барои ширкат дар чорабиниҳои мазкур рӯзи 7 июл вориди Екатеринбург шуд. Иштироки сарвазир дар ҷаласаи стратегии намоишгоҳ низ дар назар аст. Дар СҲШ 10 кишвар узви комилҳуқуқ ва беш аз 10 кишвар шарикони муколама мебошанд.
Рӯзҳои 8-11 июл дар Екатеринбург Намоишгоҳи байналмилалии саноатии "Иннопром" ҷараён дорад. Ин яке аз бузургтарин намоишгоҳҳои саноатӣ дар Русия ва ИИАО буда, аз соли 2010 ҳамасола дар Екатеринбург баргузор мешавад.
Истисно соли 2020 буд, вақте ки намоишгоҳ бо сабаби пандемияи COVID-19 лағв карда шуд. Намоишгоҳро ҳукумати вилояти Свердловск, Вазорати саноат ва савдои Русия ташкил кардаанд.
Лентаи хабарҳо
0