Расулзода аз саҳми вилояти Свердловски Русия дар рушди муносибатҳои дуҷониба таъкид кард

© Губернатор Свердловской областиВстреча Кохира Расулзода и Евгений Куйвашев
Встреча Кохира Расулзода и Евгений Куйвашев  - Sputnik Тоҷикистон, 1920, 08.07.2024
Обуна шудан
Сарвазири Тоҷикистон Қоҳир Расулзода дар шаҳри Екатеринбург бо губернатори вилояти Свердловск Евгений Куйвашев мулоқот кард
ДУШАНБЕ, 8 июл — Sputnik. Дар мулоқот Қоҳир Расулзода Русияро шарики асосии стратегии Тоҷикистон номида, саҳми вилояти Свердловскро дар рушди муносибатҳои дуҷониба баланд арзёбӣ кард.
Зимни мулоқот ҷонибҳо масоили рушди ҳамкориро дар соҳаи саноати кӯҳӣ, энергетика ва кишоварзӣ баррасӣ намуданд.
Татбиқи лоиҳаҳо дар соҳаи маориф низ дар меҳвари мулоқоти ҷонибҳо қарор дошт.
Дар ҳамин ҳол, Евгений Куйвашев дар дидор бо сарвазири Тоҷикистон гуфт, ки имкониятҳои вилояти Свердловск, ҳамчун бузургтарин маркази саноатии Урал ва тамоми Русия, метавонад барои рушди бо суръати саноаткунонии Тоҷикистон кумак намояд.
Премьер-министр Таджикистана Кохир Расулзода с раисом Татарстана Рустамом Миннихановым - Sputnik Тоҷикистон, 1920, 08.07.2024
Тоҷикистон қасд дорад бо яке аз минтақаҳои Русия додугирифтро зиёдтар кунад
“Мо омодаем таҷриба ва салоҳиятҳои худро барои татбиқи барномаи саноаткунонии босуръати Тоҷикистон пешниҳод намоем. Мо ҳоло ҳамкориҳоро дар соҳаи саноати кӯҳӣ, энергетика ва кишоварзӣ тақвият медиҳем. Аз ҷумлаи муваффақтаринҳо интиқоли таҷҳизоти энергетикӣ дар чаҳорчӯби лоиҳаи пайвастани Тоҷикистон ба системаи ягонаи энергетикии Осиёи Марказӣ, мелиоратсия ва ҳосилхезии заминҳо ва истихроҷи сурма мебошанд”, - гуфт Евгений Куйвашев.
Раиси вилояти Свердловск гуфт, дар ҳоли ҳозир вилоят лоиҳаи навсозии зербиноҳои гидротехникии вилояти Суғди Тоҷикистонро баррасӣ дорад.
Ёдовар мешавем, ки ҳайати Ҷумҳурии Тоҷикистон таҳти роҳбарии Сарвазири Ҷумҳурии Тоҷикистон Қоҳир Расулзода ҷиҳати иштирок дар Намоишгоҳи 14-уми байналмилалии саноатии "INNOPROM" дар шаҳри Екатеринбурги Федератсияи Русия қарор дорад.
Лентаи хабарҳо
0