Вазоратҳои дифои кишварҳои ИДМ консепсияи ҳамкориҳои низомиро таҳия хоҳанд кард

© Sputnik / Зафар Халилов / Гузариш ба медиабонкФлаги стран-участниц заседания Совета министров иностранных дел СНГ
Флаги стран-участниц заседания Совета министров иностранных дел СНГ  - Sputnik Тоҷикистон, 1920, 04.07.2024
Обуна шудан
Вазирони дифоъи кишварҳои узви Иттиҳоди Давлатҳои Мустақил (ИДМ) консепсияи ҳамкориҳои низомиро то соли 2030 таҳия хоҳанд кард
ДУШАНБЕ, 4 июл — Sputnik. Дар нишасти вазирони дифоъи кишварҳои узви ИДМ тарҳи консепсияи ҳамкориҳои низомӣ то соли 2030 таҳия хоҳад шуд.
Дар ин бора дабири кулли ИДМ Сергей Лебедев эълон кард.
"Муҳимтарин дар кори муштараки вазоратҳои дифои кишварҳои узви ИДМ, бешубҳа таҳияи лоиҳаи консепсияи ҳамкориҳои низомии кишварҳои узви ИДМ то соли 2030 хоҳад буд, ки дар он бояд афзалиятҳо ва дастурҳои нави ҳамкории кишварҳои мо дар миёнамуҳлат муайян карда мешавад”, - гуфт ӯ қабл аз оғози ҷаласаи Шӯрои вазирони дифои ИДМ.
Тибқи иттилои расонаҳо дар ин ҷаласа вазири дифои тозатаъйини Русия Андрей Белоусов раиси Шӯрои вазирони дифои кишварҳои узви ИДМ интихоб шуд.
Флаги стран участниц СНГ - Sputnik Тоҷикистон, 1920, 09.06.2024
Ваколатдори нави Тоҷикистон дар ниҳоди мубориза бо ҷинояткорӣ дар ИДМ кист?
Ин тасмим дар ҷаласаи вазирони дифоъ дар Минск якдилона қабул шуд.
Ёдовар мешавем, ки дар ин ҷаласа вазирони дифои Озарбойҷон, Беларус, Қазоқистон, Қирғизистон, Русия, Тоҷикистон ва Узбакистон ширкат доранд.
Дар ҷараёни кор баррасии масоили кунунии рушди ҳамкориҳои низомии кишварҳои ИДМ, аз ҷумла масъалаҳои такмили системи муштараки низомӣ, инчунин ҳамоҳангсозии фаъолияти муштараки нерӯҳои мусаллаҳи кишварҳои муштаракулманофеъ барои соли 2025 дар назар аст.
Лентаи хабарҳо
0