https://sputnik.tj/20240630/istehsoli-mahsulotro-ziyod-namoed-davati-rahmon-az-kishovarzoni-kishvar--1063385485.html
Истеҳсоли маҳсулотро зиёд намоед: даъвати Раҳмон аз кишоварзони кишвар
Истеҳсоли маҳсулотро зиёд намоед: даъвати Раҳмон аз кишоварзони кишвар
Sputnik Тоҷикистон
Раисҷумҳури тоҷикистон дар паёми шодбошиаш ба муносибати ҷашни Тиргон ба захираи маводи зарурӣ дар ҳар як оила таваҷҷуҳ кард
2024-06-30T13:26+0500
2024-06-30T13:26+0500
2024-06-30T13:26+0500
дар тоҷикистон
ҷашн
паёми табрикот
кишоварзӣ
зироат
https://cdnn1.img.sputnik.tj/img/07e8/06/11/1063238045_0:247:1987:1365_1920x0_80_0_0_a445748e7acd1a24d364cc5b811c61b9.jpg
ДУШАНБЕ, 30 июн — Sputnik. Ба гуфтаи Эмомалӣ Раҳмон раисҷумҳури Тоҷикистон имрӯз кишоварзони тоҷик ва умуман, ҳамаи онҳоеро, ки дар ихтиёри худ як порча замин доранд, зарур аст, ки бо истифода аз ойину анъанаҳои неки ниёгонамон, аз ҷумла суннатҳои ҷашни Тиргон ҳарчи бештар заҳмат кашида, ҳаҷми истеҳсоли маҳсулотро зиёд намоянд.Вай гуфт, кишоварзон бояд ба масъалаҳои таъмини бозори истеъмолӣ, захираи маводи зарурӣ дар ҳар як оила ва содироти маҳсулот эътибори аввалиндараҷа ва доимӣ диҳанд.Ҳамчунин, кишвардори Тоҷикистон зарур шуморид, ки дар заминҳои обӣ, аз ҷумла заминҳои президентӣ ва наздиҳавлигӣ кишти такрорӣ вусъат дода, рӯёнидани се – чор ҳосил ва коркарди маҳсулот таъмин карда шавад.“Баҳору тобистони соли ҷорӣ барои корҳои кишоварзӣ ва рӯёнидани ҳосили фаровон нисбатан мусоид омад, ки онро ҳамватанони азизи мо имрӯзҳо аз фаровониву арзонии маҳсулоти ватанӣ дар бозорҳо дида истодаанд”, қайд кард Эмомалӣ Раҳмон.Раҳбари Тоҷикистон илова кард, ки мардуми кишвар аз вазъи ноорому печидаи ҷаҳон, хусусан, дар масъалаи таъмин кардани аҳолӣ бо маводи ғизоӣ, мунтазам боло рафтани нархи маҳсулот ва мушкилоти норасоии оби ошомиданӣ дар бисёр кишварҳои ҷаҳон хуб огоҳанд.“Дар чунин шароит мо бояд, пеш аз ҳама, шукронаи соҳибдавлативу соҳибватанӣ ва обу хоки ин Ватани муқаддасро ба ҷо оварем, сарҷамъу муттаҳид бошем, содиқонаву софдилона заҳмат кашем, фарзандонамонро тарбияи дуруст диҳем, расму ойинҳо ва суннату анъанаҳои деринаи миллиамонро, ки барои мо арзишҳои зиндагисозу ҳувиятсоз мебошанд, ҳифз кунем”, - қайд кард Раҳмон.
https://sputnik.tj/20240628/dushanbe-jashni-tirgon-idi-zardolu-1063374773.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2024
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, тиргон, зироат, кишоварзӣ, паём, шодбошӣ, ҷашн
тоҷикистон, тиргон, зироат, кишоварзӣ, паём, шодбошӣ, ҷашн
Истеҳсоли маҳсулотро зиёд намоед: даъвати Раҳмон аз кишоварзони кишвар
Раисҷумҳури тоҷикистон дар паёми шодбошиаш ба муносибати ҷашни Тиргон ба захираи маводи зарурӣ дар ҳар як оила таваҷҷуҳ кард
ДУШАНБЕ, 30 июн — Sputnik. Ба гуфтаи Эмомалӣ Раҳмон раисҷумҳури Тоҷикистон имрӯз кишоварзони тоҷик ва умуман, ҳамаи онҳоеро, ки дар ихтиёри худ як порча замин доранд, зарур аст, ки бо истифода аз ойину анъанаҳои неки ниёгонамон, аз ҷумла суннатҳои ҷашни Тиргон ҳарчи бештар заҳмат кашида, ҳаҷми истеҳсоли маҳсулотро зиёд намоянд.
Вай гуфт, кишоварзон бояд ба масъалаҳои таъмини бозори истеъмолӣ, захираи маводи зарурӣ дар ҳар як оила ва содироти маҳсулот эътибори аввалиндараҷа ва доимӣ диҳанд.
Ҳамчунин, кишвардори Тоҷикистон зарур шуморид, ки дар заминҳои обӣ, аз ҷумла заминҳои президентӣ ва наздиҳавлигӣ кишти такрорӣ вусъат дода, рӯёнидани се – чор ҳосил ва коркарди маҳсулот таъмин карда шавад.
“Баҳору тобистони соли ҷорӣ барои корҳои кишоварзӣ ва рӯёнидани ҳосили фаровон нисбатан мусоид омад, ки онро ҳамватанони азизи мо имрӯзҳо аз фаровониву арзонии маҳсулоти ватанӣ дар бозорҳо дида истодаанд”, қайд кард Эмомалӣ Раҳмон.
Раҳбари Тоҷикистон илова кард, ки мардуми кишвар аз вазъи ноорому печидаи ҷаҳон, хусусан, дар масъалаи таъмин кардани аҳолӣ бо маводи ғизоӣ, мунтазам боло рафтани нархи маҳсулот ва мушкилоти норасоии оби ошомиданӣ дар бисёр кишварҳои ҷаҳон хуб огоҳанд.
“Дар чунин шароит мо бояд, пеш аз ҳама, шукронаи соҳибдавлативу соҳибватанӣ ва обу хоки ин Ватани муқаддасро ба ҷо оварем, сарҷамъу муттаҳид бошем, содиқонаву софдилона заҳмат кашем, фарзандонамонро тарбияи дуруст диҳем, расму ойинҳо ва суннату анъанаҳои деринаи миллиамонро, ки барои мо арзишҳои зиндагисозу ҳувиятсоз мебошанд, ҳифз кунем”, - қайд кард Раҳмон.
