https://sputnik.tj/20240427/muntakhab-tojikiston-nishoni-birinji-uzbekiston-zurozmoi-1062651683.html

Футзалбозони Тоҷикистон барои нишони биринҷӣ бо Ӯзбекистон зӯрозмоӣ мекунанд

Футзалбозони Тоҷикистон барои нишони биринҷӣ бо Ӯзбекистон зӯрозмоӣ мекунанд

Sputnik Тоҷикистон

Дастаи мунтахаби Тоҷикистон дар риштаи футзал, ки бозии ниманиҳоии Ҷоми Осиё - 2024-ро бой дод, бо ғолиби тими мағлуби ҷуфти Эрон - Ӯзбекистон зӯрозмоӣ мекунад

2024-04-27T09:47+0500

2024-04-27T09:47+0500

2024-04-27T10:00+0500

дар тоҷикистон

навигариҳои варзиши тоҷикистон

футзал

нишон

ҷом

биринҷӣ

осиё

https://cdnn1.img.sputnik.tj/img/07e7/06/07/1057592809_0:0:1280:721_1920x0_80_0_0_efc0e32c98003d3dcbc657be6b2f6f47.jpg

ДУШАНБЕ, 27 апр — Sputnik. Футзалбозони Тоҷикистон таҳти роҳбарии сармураббӣ, Пайрав Воҳидов барои нишони биринҷии Ҷоми Осиё - 2024 бо Ӯзбекистон зӯрозмоӣ мекунад.Тими Ӯзбекистон дар бозии дигари нимниҳоӣ аз дастаи Эрон шикаст хӯрда буд. Бозии Тоҷикистону Ӯзбекистон 28 апрел дар назар аст. Дар финал Эрону Таиланд зӯрозмоӣ мекунанд. Маврид ба зикр аст, ки мунтахаби футзали Тоҷикистон дар даври ниманиҳоии Ҷоми Осиё - 2024 бо соҳибони майдон тими Таиланд зӯрозмоӣ карда, дар даври зарбаҳои ҷаримавӣ бохт.Бозӣ дар даври асосӣ нахуст бо пешсафии Тоҷикистон ҷараён дошт ва ҳисоб 3:1 буд. Аммо мунтахаби мизбон тавонист ҳисобро 3:3 кунад ва бозиро ба даври иловагӣ кашонд. Дар ин давр низ пирӯз муайян нашуд ва зӯрозмоӣ ба зарбаҳои ҷаримавӣ расид, ки дар он бахти тими меҳмон омад накард.Қаблан дастаи мунтахаби футзали Тоҷикистон дар даври чорякниҳоии Ҷоми Осиё-2024 бар тими миллии Афғонистон пирӯз шуд. Сабқат бо мунтахаби Афғонистон бо ҳисоби 2:1 анҷомид."Мунтахаби футзали Тоҷикистон барои аввалин бор дар таърих ба даври ниманиҳоии мусобиқот роҳ ёфта, соҳиби роҳхати Ҷоми ҷаҳон-2024 шуд", - зикр намуда буд ФФТ.Ҷоми ҷаҳон соли равон миёни мунтахабҳои футзал аз 14 сентябр то 6 октябр дар Ӯзбекистон баргузор мешавад.Инчунин пеш аз ин футзалбозони Тоҷикистон дар даври ниҳоии марҳилаи гурӯҳии Ҷоми Осиё-2024 бо қаҳрамони феълии Осиё - Ҷопон зӯрозмоӣ карда, бозиро мусовӣ бо ҳисоби 1:1 анҷом доданд.Ҳамин тариқ дастаи мунтахаби футзали Тоҷикистон дар гурӯҳи "С" мақоми аввалро касб карда, ба даври чорякфиналии Ҷоми Осиё-2024 дар Бангкок роҳ ёфта буд.Дар даври аввал тими миллии футзали Тоҷикистон бо ҳисоби 2:0 бар мунтахаби Кореяи Ҷанубӣ пирӯз гардида, дар даври дуюм бо тими миллии Қирғизистон мусовӣ 2 бар 2 бозӣ кард.

https://sputnik.tj/20240304/musobiqa-digar-buzurgi-jahoni-dushanbe-1061918721.html

осиё

2024

Хабарҳо

tg_TJ

мунтахаб, тоҷикистон, футбол, варзиш, нишони биринҷӣ, ӯзбекистон