ММД-трилиондоллара: ИИАО дар чор сол чӣ натиҷаҳоро ба даст овард?

© Sputnik / Кирилл Каллиников / Гузариш ба медиабонкЕвразийский экономический форум в Москве
Евразийский экономический форум в Москве - Sputnik Тоҷикистон, 1920, 20.01.2024
Обуна шудан
Тибқи маълумоти нашршуда, ҳаҷми савдои мутақобила байни кишварҳои Иттиҳодияи иқтисодии Авруосиё 1,5 баробар афзоиш ёфтааст
ДУШАНБЕ, 20 янв — Sputnik. Давоми солҳои 2020-2023 маҷмӯи маҳсулоти дохилии ИИАО 4,1% афзуда, ба 2,2 триллион доллар расид.
Дар ин бора раҳбари Раёсати Кумисиюни иқтисодии Авруосиё Михаил Мясникович дар доираи ҷамъбасти натиҷаҳои кори созмон хабар дод.
"Маҳсулоти саноат 8,3%, аз ҷумла дар саноати коркард 5,7%, маҳсулоти кишоварзӣ 11,8% афзуд", - таъкид кард ӯ.
Тибқи маълумоти пешниҳодкардаи ӯ, ҳаҷми савдои мутақобила байни кишварҳои созмон 1,5 баробар афзоиш ёфтааст.
Ба гуфтаи ӯ, яке аз рӯйдодҳои муҳими чаҳор соли ахир дар ИИАО ин аз ҷониби комиссия омода ва сипас аз ҷониби сарони давлатҳо иттиҳодияи тасдиқи Самтҳои стратегии рушди ҳамгироии иқтисодии АвруОсиё то соли 2025 ва баъдан амалй гардондани он мебошад.
Евразийский экономический форум в Москве - Sputnik Тоҷикистон, 1920, 19.01.2024
ИИАО ва Никарагуа санади ҳамкорӣ ба имзо расонданд
"Стратегия-2025 уфуқҳои Шартнома дар бораи ИИАО-ро васеъ намуда, гузаришро аз марҳилаи ташаккул ба марҳилаи ҳамгироии лоиҳаҳо нишон дод", - қайд кард Мясникович.
Гузашта аз ин, ӯ зикр кард, ки аллакай созишнома дар бораи эътирофи мутақобилаи кафолатҳои бонкӣ барои хариди давлатӣ ба имзо расидааст.
Ҳамин тавр, кор аз рӯи масъалаҳое, ки "солҳо боз ҳал нашуда буданд" дар ҳақиқат анҷом ёфт.
Лентаи хабарҳо
0