https://sputnik.tj/20230920/rahmon-va-raisi-sodda-gardonidani-raftuomadi-mardumoni-du-kishvarro-zarur-donistand-1059480839.html
Раҳмон ва Раисӣ содда гардонидани рафтуомади мардумони ду кишварро зарур донистанд
Раҳмон ва Раисӣ содда гардонидани рафтуомади мардумони ду кишварро зарур донистанд
Sputnik Тоҷикистон
Кишвардори Тоҷикистон ахиран дар шаҳри Ню-Йорк бо раисҷумҳури Эрон масъалаҳои мубрами минтақавию байналмилалиро баррасӣ кард
2023-09-20T11:10+0500
2023-09-20T11:10+0500
2023-09-20T15:17+0500
дар тоҷикистон
эрон
ҳамкорӣ
эмомалӣ раҳмон
иброҳим раисӣ
смм
мулоқот
равобит
https://cdnn1.img.sputnik.tj/img/07e7/09/14/1059490575_0:0:3071:1728_1920x0_80_0_0_787052d2d37af7459a9bbbbaf88d1095.jpg
ДУШАНБЕ, 20 сен — Sputnik. Президенти Тоҷикистон Эмомалӣ Раҳмон дар ҳошияи мубоҳисаҳои умумии иҷлоси 78-уми Маҷмаи Умумии СММ дар шаҳри Ню-Йорки ИМА бо раисҷумҳури Эрон Сайид Иброҳим Раисӣ мулоқот кард.Дар ин бора хадамоти матбуоти раисҷумҳури Тоҷикистон хабар додааст.Ба иттилои манбаъ, дар мулоқот таҳкими минбаъдаи муносибатҳои Тоҷикистону Эрон ва масъалаҳои мубрами минтақавию байналмилалӣ баррасӣ шуданд.Ду роҳба аз муколамаи созандаи сиёсӣ изҳори қаноатмандӣ намуда, идомаи муваффақонаи робитаҳо, пеш аз ҳама, дар соҳаҳои тиҷорату иқтисод, энергетика, нақлиёту транзит, сайёҳӣ, ҳамкории бисёрсамтаи минтақаҳо ва вилоятҳои ду давлат, афзоиши парвозҳо ва содда гардонидани рафтуомади мардумони ду мамлакатро зарур шумурданд.Ҳамчунин дар ҷараёни вохурӣ роҳбарони ду давлат ҳамкории кишварҳоро дар чаҳорчӯби созмонҳои байналмилалӣ ва минтақавӣ, аз ҷумла Созмони Милали Муттаҳид ва ниҳодҳои он, Созмони ҳамкории иқтисодӣ, Созмони ҳамкории Шанхай ва Созмони ҳамкории исломӣ муҳокима намуданд.Ба иттилои хадамоти матбуоти раисҷумҳур дар рафти мулоқот ҷонибҳо дар бораи афзоиши таҳдиду хатарҳои муосир, аз қабили терроризм, ифротгароӣ, қочоқи маводи мухаддир, ҷиноятҳои муташаккили фаромиллӣ ва ҷиноятҳои киберӣ, ки ба вазъи амниятии кишварҳо мушкилоти ҷиддӣ эҷод менамояд, табодули карданд.Роҳбарони ду кишвар ба вазъи Афғонистон кишвари ҳамсоя низ таваҷҷуҳ карданд.“Вобаста ба вазъи Афғонистон таъкид шуд, ки Тоҷикистону Эрон ба ҳайси ҳамсояҳои наздиктарин ба барқарории сулҳу субот дар ин давлат беш аз дигарон манфиатдор мебошанд”, -қайд кардааст манбаъ.Гуфта шудааст, ки дар рафти мулоқот ҷонибҳо ҳамчунин ба дигар масоили мавриди таваҷҷуҳ гуфтугӯ карданд.
https://sputnik.tj/20230920/muloqoti-rahmon-bo-jabborov-1059480086.html
эрон
Sputnik Тоҷикистон
info@sputnik.tj
+74956456601
MIA „Rosiya Segodnya“
2023
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
тоҷикистон, эрон, ҳамкорӣ, равобит, содда кардан, рафтуомад, раҳмон, раисӣ, смм, мулоқот
тоҷикистон, эрон, ҳамкорӣ, равобит, содда кардан, рафтуомад, раҳмон, раисӣ, смм, мулоқот
Раҳмон ва Раисӣ содда гардонидани рафтуомади мардумони ду кишварро зарур донистанд
11:10 20.09.2023 (Навсозишуда: 15:17 20.09.2023) Кишвардори Тоҷикистон ахиран дар шаҳри Ню-Йорк бо раисҷумҳури Эрон масъалаҳои мубрами минтақавию байналмилалиро баррасӣ кард
ДУШАНБЕ, 20 сен — Sputnik. Президенти Тоҷикистон Эмомалӣ Раҳмон дар ҳошияи мубоҳисаҳои умумии иҷлоси 78-уми Маҷмаи Умумии СММ дар шаҳри Ню-Йорки ИМА бо раисҷумҳури Эрон Сайид Иброҳим Раисӣ мулоқот кард.
Дар ин бора хадамоти матбуоти раисҷумҳури Тоҷикистон хабар додааст.
Ба иттилои манбаъ, дар мулоқот таҳкими минбаъдаи муносибатҳои Тоҷикистону Эрон ва масъалаҳои мубрами минтақавию байналмилалӣ баррасӣ шуданд.
Ду роҳба аз муколамаи созандаи сиёсӣ изҳори қаноатмандӣ намуда, идомаи муваффақонаи робитаҳо, пеш аз ҳама, дар соҳаҳои тиҷорату иқтисод, энергетика, нақлиёту транзит, сайёҳӣ, ҳамкории бисёрсамтаи минтақаҳо ва вилоятҳои ду давлат, афзоиши парвозҳо ва содда гардонидани рафтуомади мардумони ду мамлакатро зарур шумурданд.
Ҳамчунин дар ҷараёни вохурӣ роҳбарони ду давлат ҳамкории кишварҳоро дар чаҳорчӯби созмонҳои байналмилалӣ ва минтақавӣ, аз ҷумла Созмони Милали Муттаҳид ва ниҳодҳои он, Созмони ҳамкории иқтисодӣ, Созмони ҳамкории Шанхай ва Созмони ҳамкории исломӣ муҳокима намуданд.
Ба иттилои хадамоти матбуоти раисҷумҳур дар рафти мулоқот ҷонибҳо дар бораи афзоиши таҳдиду хатарҳои муосир, аз қабили терроризм, ифротгароӣ, қочоқи маводи мухаддир, ҷиноятҳои муташаккили фаромиллӣ ва ҷиноятҳои киберӣ, ки ба вазъи амниятии кишварҳо мушкилоти ҷиддӣ эҷод менамояд, табодули карданд.
Роҳбарони ду кишвар ба вазъи Афғонистон кишвари ҳамсоя низ таваҷҷуҳ карданд.
“Вобаста ба вазъи Афғонистон таъкид шуд, ки Тоҷикистону Эрон ба ҳайси ҳамсояҳои наздиктарин ба барқарории сулҳу субот дар ин давлат беш аз дигарон манфиатдор мебошанд”, -қайд кардааст манбаъ.
Гуфта шудааст, ки дар рафти мулоқот ҷонибҳо ҳамчунин ба дигар масоили мавриди таваҷҷуҳ гуфтугӯ карданд.
