https://sputnik.tj/20230912/tekhnologiya-putin-niyoz-muhojironi-rohi-khalosi-1059348160.html
Ниёзу хатар: Путин гуфт, муҳоҷирон дар Русия зиёд нестанд ва фаҳмонд, ки чӣ хубиҳо доранд
Ниёзу хатар: Путин гуфт, муҳоҷирон дар Русия зиёд нестанд ва фаҳмонд, ки чӣ хубиҳо доранд
Sputnik Тоҷикистон
Иқтисодиёти Русия ба истифодаи муҳоҷирони меҳнатӣ дар бархе аз бахшҳо ниёз дорад ва бештари онҳо дар бахши сохтмон кор мекунанд, ки ҳиссашон беш аз 30% мебошад
2023-09-12T18:37+0500
2023-09-12T18:37+0500
2023-09-12T18:37+0500
дар русия
владимир путин
муҳоҷират
иҷтимоъ
президент
https://cdnn1.img.sputnik.tj/img/07e6/02/03/1045444889_0:186:3072:1914_1920x0_80_0_0_8a436672626a38cb785c9e3efdbdce3f.jpg
ДУШАНБЕ, 12 сен — Sputnik. Шумораи муҳоҷирони меҳнатӣ дар Русия чандон зиёд набуда, ҳамагӣ баробар ба 3,7% аз маҷмӯи умумии коргарон дар иқтисодиёт мебошад. Ин нуктаро раисҷумҳури Русия, Владимир Путин зимни Форуми иқтисодии шарқӣ дар Владивосток баён дошт. Муҷрии чорабинӣ гуфт, тибқи пажуҳиши Мактаби олии иқтисодӣ барои дар сатҳи 146 млн нафар нигоҳ доштани аҳолии Русия ҳар сол давоми 80 сол бояд ба кишвар 390 ҳазор муҳоҷир ворид карда шаваду дар сурати раванди манфӣ бояд 1,1 млн нафар ворид гарданд. Ӯ бо зикри ин омор аз Путин суол кард, ки оё хатареро намебинад, чун дар бархе аз кишварҳои ғарбӣ минтақаҳои алоҳидаи муҳоҷирон пайдо шудаанд, ки ҳатто пулис наметавонад ба он ҷо роҳ ёбад. Раисҷумҳури Русия изҳор дошт, ки албатта ин вазъро ба назар бояд гирифту набояд ба он роҳ дод. Путин таъкид кард, ки дар масъалаи муҳоҷирон барои Русия осонтар аст, чун онҳо аз кишварҳои собиқ Иттиҳоди Шӯравӣ ворид мегарданду роҳбарони ин кишварҳо низ зарурати кор бо онҳо қабл аз сафарро дарк мекунанд. Вай аз ҷумла зарурати омӯзиши забон, фарҳанг ва қонунгузории Русияро зикр намуда, илова кард, ки албатта набояд боиси нороҳатии шаҳрвандони бумӣ шаванд, чун манофеи онҳо дар мадҳи аввал мебошад.
https://sputnik.tj/20230910/dushanbe-fehrast-sertalabgortarin-parvoz-furudgoh-pulkovo-1059311661.html
Sputnik Тоҷикистон
info@sputnik.tj
+74956456601
MIA „Rosiya Segodnya“
2023
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
путин, бурд, бохт, муҳоҷирон, русия
путин, бурд, бохт, муҳоҷирон, русия
Ниёзу хатар: Путин гуфт, муҳоҷирон дар Русия зиёд нестанд ва фаҳмонд, ки чӣ хубиҳо доранд
Иқтисодиёти Русия ба истифодаи муҳоҷирони меҳнатӣ дар бархе аз бахшҳо ниёз дорад ва бештари онҳо дар бахши сохтмон кор мекунанд, ки ҳиссашон беш аз 30% мебошад
ДУШАНБЕ, 12 сен — Sputnik. Шумораи муҳоҷирони меҳнатӣ дар Русия чандон зиёд набуда, ҳамагӣ баробар ба 3,7% аз маҷмӯи умумии коргарон дар иқтисодиёт мебошад.
Ин нуктаро раисҷумҳури Русия, Владимир Путин зимни Форуми иқтисодии шарқӣ дар Владивосток баён дошт.
Муҷрии чорабинӣ гуфт, тибқи пажуҳиши Мактаби олии иқтисодӣ барои дар сатҳи 146 млн нафар нигоҳ доштани аҳолии Русия ҳар сол давоми 80 сол бояд ба кишвар 390 ҳазор муҳоҷир ворид карда шаваду дар сурати раванди манфӣ бояд 1,1 млн нафар ворид гарданд.
Ӯ бо зикри ин омор аз Путин суол кард, ки оё хатареро намебинад, чун дар бархе аз кишварҳои ғарбӣ минтақаҳои алоҳидаи муҳоҷирон пайдо шудаанд, ки ҳатто пулис наметавонад ба он ҷо роҳ ёбад.
Раисҷумҳури Русия изҳор дошт, ки албатта ин вазъро ба назар бояд гирифту набояд ба он роҳ дод.
Путин таъкид кард, ки дар масъалаи муҳоҷирон барои Русия осонтар аст, чун онҳо аз кишварҳои собиқ Иттиҳоди Шӯравӣ ворид мегарданду роҳбарони ин кишварҳо низ зарурати кор бо онҳо қабл аз сафарро дарк мекунанд.
Вай аз ҷумла зарурати омӯзиши забон, фарҳанг ва қонунгузории Русияро зикр намуда, илова кард, ки албатта набояд боиси нороҳатии шаҳрвандони бумӣ шаванд, чун манофеи онҳо дар мадҳи аввал мебошад.
