Паради ҳарбӣ дар Душанбе ба ривояти тасвир - аксҳо

Гузашти низомӣ бахшида ба 32-юмин солгарди истиқлоли давлатии Тоҷикистон дар майдони "Истиқлол" бо иштироки президент, Эмомалӣ Раҳмон гузашт.

Гузашт бо ворид намудани Парчами давлатии Тоҷикистон ба майдони баргузории чорабинӣ оғоз гардид.

Сипас вазири мудофиаи Тоҷикистон генерал-полковник Шералӣ Мирзо оид ба омодагии қисму воҳидҳои ҳарбӣ, ба гузашти низомӣ гузориш дод.

Дар назди ҳозирин сарфармондеҳи қувваҳои мусаллаҳ, Эмомалӣ Раҳмон баромад карда, онҳоро бо ду ҷашн шодбош гуфт.

Баъд аз анҷоми суханронии сарвари давлат ва зимни иҷрои Суруди миллӣ дар як вақт аз тупҳо 30 шиллик парронда шуд.

Сипас бо амри фармондеҳи парад гузашти низомии 20 ҳазор ннизомӣ шуруӯ гардид.

Дар гузашти низомӣ бахшида ба 32-юмин солгарди истиқлоли давлатии Тоҷикистон ҳамчунин занону бонувон низ иштирок доштанд.

Афсарону аскарони ҷузъу томҳои Гвардияи миллии Ҷумҳурии Тоҷикистон дар гузашти низомӣ

Мақомот мегӯянд, мунтазам сафи бонувон дар нерӯҳои мусаллаҳ ва мақомоти ҳифзи ҳуқуқ майли афзоиш дорад.

Дар гузашти низомӣ бахшида ба 32-юмин солгарди истиқлоли давлатии Тоҷикистон занон аз воҳидҳои мухталиф фаъолона иштирок карданд.

Дар гузашт нерӯҳои хушкигард, зудамал, қувваҳои ҳарбӣ-ҳавоӣ ва мудофиаи зидди ҳавоӣ, афсарони хадамоти махсуси назди президент, курсантҳо ва хизматчиёни дигар сохторҳо иштирок карданд.