https://sputnik.tj/20230907/ahmadzoda-istiqlol-sokinoni-tojikiston-1059262766.html
Аҳмадзода гуфт Истиқлол ба сокинони Тоҷикистон чӣ дод
Аҳмадзода гуфт Истиқлол ба сокинони Тоҷикистон чӣ дод
Sputnik Тоҷикистон
Раиси вилояти Суғд ҷашни Истиқлоли давлатии Тоҷикистонро муқаддастратин иди мардуми кишвар хонд, ки соли равон 32-юмин солгарди он таҷлил мешавад
2023-09-07T15:38+0500
2023-09-07T15:38+0500
2023-09-07T15:38+0500
дар тоҷикистон
истиқлол
таҷлил
ҷашн
раҷаббой аҳмадзода
суғд
табрик
https://cdnn1.img.sputnik.tj/img/07e6/04/1b/1048009358_0:0:2047:1151_1920x0_80_0_0_06d9ba987afb4efaf9556a615cc8e0a5.jpg
ДУШАНБЕ, 7 сен — Sputnik. Истиқлоли давлатии Тоҷикистон имконият фароҳам овард, ки кишвар ба марҳалаи сифатан нави рушд расад. Ин нуктаро раиси Суғд, Раҷаббой Аҳмадзода дар паёми шодбошияш бахшида ба 32-солагии рӯзи Истиқлоли давлатии Тоҷикистон баён дошт. Ӯ зикр намуд, ки пойдевори давлати навини тоҷикон, ҳамчун давлати демократӣ, ҳуқуқбунёд, дунявӣ ва иҷтимоӣ гузошта шуда, дар арсаи ҷаҳонӣ эътироф гардидаст. Ба гуфтаи Аҳмадзода, дар даврони Истиқлоли давлатӣ дар кишвар, аз ҷумла дар вилояти Суғд новобаста аз таъсири буҳронҳо ва равандҳои мухталифи байналмилалӣ рушди бомароми иқтисодиву иҷтимоӣ таъмин гардид. Дар тамоми соҳаҳо ва самтҳои ҳаёти ҷомеа тағйирот, ислоҳоту навсозиҳои бесобиқа амалӣ гардиданд, илова намуд вай. Аҳмадзода таъкид намуд, ки сокинон барои тақвият бахшидани иқтидори иқтисодии кишвар, ҳифзу ҳимояи дастовардҳои даврони Истиқлоли давлатӣ, таҳкими ваҳдати миллӣ, иттиҳоду ҳамбастагии мардум ва сулҳу суботи комил пайваста саъю талош меварзанд."Мо бояд ба дастовардҳои Истиқлоли давлатӣ эътибор дода, бо дарки аҳаммияти истиқлолу озодӣ ба масъалаи баланд бардоштани эҳсоси худшиносию худогоҳии аҳли ҷомеа ва ватандӯсту ватанпарвар тарбият ёфтани насли ҷавон таваҷҷуҳ намоем", - омадааст дар паём. Вай даъват кардааст, ки сокинон якҷоягӣ ва иттиҳод сарзамини аҷдодиро боз ҳам ободу пешрафта гардонда, нуфузи онро дар арсаи байналмилалӣ баланд бардоранд.
https://sputnik.tj/20230906/shom-konsert-tafsilot-barnoma-tajlil-istiqlol-tojikiston-1059243979.html
суғд
Sputnik Тоҷикистон
info@sputnik.tj
+74956456601
MIA „Rossiya Segodnya“
2023
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
паём, шодбошӣ, раис, истиқлол, ҷашн
паём, шодбошӣ, раис, истиқлол, ҷашн
Аҳмадзода гуфт Истиқлол ба сокинони Тоҷикистон чӣ дод
Раиси вилояти Суғд ҷашни Истиқлоли давлатии Тоҷикистонро муқаддастратин иди мардуми кишвар хонд, ки соли равон 32-юмин солгарди он таҷлил мешавад
ДУШАНБЕ, 7 сен — Sputnik. Истиқлоли давлатии Тоҷикистон имконият фароҳам овард, ки кишвар ба марҳалаи сифатан нави рушд расад.
Ин нуктаро раиси Суғд, Раҷаббой Аҳмадзода дар паёми шодбошияш бахшида ба 32-солагии рӯзи Истиқлоли давлатии Тоҷикистон баён дошт.
Ӯ зикр намуд, ки пойдевори давлати навини тоҷикон, ҳамчун давлати демократӣ, ҳуқуқбунёд, дунявӣ ва иҷтимоӣ гузошта шуда, дар арсаи ҷаҳонӣ эътироф гардидаст.
Ба гуфтаи Аҳмадзода, дар даврони Истиқлоли давлатӣ дар кишвар, аз ҷумла дар вилояти Суғд новобаста аз таъсири буҳронҳо ва равандҳои мухталифи байналмилалӣ рушди бомароми иқтисодиву иҷтимоӣ таъмин гардид.
Дар тамоми соҳаҳо ва самтҳои ҳаёти ҷомеа тағйирот, ислоҳоту навсозиҳои бесобиқа амалӣ гардиданд, илова намуд вай.
Аҳмадзода таъкид намуд, ки сокинон барои тақвият бахшидани иқтидори иқтисодии кишвар, ҳифзу ҳимояи дастовардҳои даврони Истиқлоли давлатӣ, таҳкими ваҳдати миллӣ, иттиҳоду ҳамбастагии мардум ва сулҳу суботи комил пайваста саъю талош меварзанд.
"Мо бояд ба дастовардҳои Истиқлоли давлатӣ эътибор дода, бо дарки аҳаммияти истиқлолу озодӣ ба масъалаи баланд бардоштани эҳсоси худшиносию худогоҳии аҳли ҷомеа ва ватандӯсту ватанпарвар тарбият ёфтани насли ҷавон таваҷҷуҳ намоем", - омадааст дар паём.
Вай даъват кардааст, ки сокинон якҷоягӣ ва иттиҳод сарзамини аҷдодиро боз ҳам ободу пешрафта гардонда, нуфузи онро дар арсаи байналмилалӣ баланд бардоранд.
