https://sputnik.tj/20230609/tojikiston-gurezai-afghon-panoh-1057653780.html
Маълум шуд, ки дар Тоҷикистон чанд гурезаи афғонистонӣ паноҳ бурдаанд
Маълум шуд, ки дар Тоҷикистон чанд гурезаи афғонистонӣ паноҳ бурдаанд
Sputnik Тоҷикистон
Бештари паноҳандагони Афғонистон дар Тоҷикистон аз тиҷорат, кишоварзӣ, сохтмон ва таъмири мошинҳо нони хонаводаи худро пайдо мекунанд
2023-06-09T19:20+0500
2023-06-09T19:20+0500
2023-06-09T19:20+0500
дар тоҷикистон
иҷтимоъ
паноҳанда
гуреза
паноҳандагӣ
гуреза
https://cdnn1.img.sputnik.tj/img/07e7/03/0e/1055521851_0:0:1280:720_1920x0_80_0_0_8724e23d83eb3db4a420874ae5306412.jpg
ДУШАНБЕ, 9 июн — Sputnik. Дар ҳоли ҳозир дар Тоҷикистон 6800 нафар афғонистонӣ паноҳанда шудаанд, ки теъдоде аз онҳо дар қайди идораи муҳоҷирати Созмони Милали Муттаҳид қарор доранд. Дар ин бора раиси созмони ғайридавлатии “Ориёно”, Абдумусаввир Баҳодурӣ, ки бо умури муҳоҷирин дар Душанбе фаъолият мекунад, ба Sputnik Тоҷикистон иттилоъ дод. Бино ба иттилои созмони “Ориёно” дар ҳоли ҳозир паноҳандагони афғонистонӣ дар шаҳру навоҳии Душанбе, Ваҳдат, Рӯдакӣ, Ҳисор ва Шаҳринави Навоҳии тобеъи ҷумҳурӣ, ноҳияи Ҷаббор Расулов, ҷамоатҳои Деҳмой ва Меҳробод дар вилояти Суғд, навоҳии Восеъ, Кушониён ва Ҷалолуддини Румии вилояти Хатлон кору зиндагӣ мекунанд. Абдумусаввир Баҳодурӣ гуфт, бештари паноҳандагон аз тиҷорат, кишоварзӣ, сохтмон ва таъмири мошинҳо нони хонаводаи худро пайдо мекунанд.Паноҳандагони афғонистонӣ танҳо ва бузургтарин ҷамоати паноҳандагон дар Тоҷикистон ба шумор меоянд. Гуфта мешавад, ки аксари онҳо як муддати кӯтоҳ дар Тоҷикистон монда, бо дуруст кардани расмиёт ба кишварҳои сеюм мераванд. Ба гуфтаи ӯ, бештари паноҳандаҳои афғонистонӣ аз Тоҷикистон ба Канада нақли макон кардаанд. “Ҳоло низ моҳона аз 15 то 30 хонавода ба Канада нақли макон мекунанд. Соли равон эҳтимолан то моҳи сентябр беш аз 1000 хонавода ба он кишвар барои истиқомати доимӣ раванд”, - гуфт раиси созмони “Ориёно”. Вай илова намуд, ки иддаи бузурге аз онҳо мунтазири тағйири вазъ дар Афғонистон ҳастанд, то ба хонаҳои худ баргарданд. Дар мавриди шароити паноҳандаҳо дар Тоҷикистон таъкид шуд, ки ҳукумати кишвари мизбон ин иҷозаро додааст, ки бидуни расмиёти ҷудогона фарзандони муҳоҷирин дар мактабҳои Тоҷикистон таҳсил кунанд ва худи онҳо ҳар ҷое хоҳанд ба кор дароянд. Тоҷикистон пас аз Покистону Эрон севумин кишварест, ки бештарини паноҳандагони афғонистониро паноҳ додааст. Аксари онҳо ба далели ноамниҳо ва фишорҳои сиёсиву амниятӣ маҷбур ба тарки ватан мешаванд.
https://sputnik.tj/20220522/rossotrudnichestvo-dars-rusi-gureza-tojikiston-1048624354.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2023
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, афғонистонӣ, паноҳгоҳ, таъмир, оила
тоҷикистон, афғонистонӣ, паноҳгоҳ, таъмир, оила
Маълум шуд, ки дар Тоҷикистон чанд гурезаи афғонистонӣ паноҳ бурдаанд
Эксклюзив
Бештари паноҳандагони Афғонистон дар Тоҷикистон аз тиҷорат, кишоварзӣ, сохтмон ва таъмири мошинҳо нони хонаводаи худро пайдо мекунанд
ДУШАНБЕ, 9 июн — Sputnik. Дар ҳоли ҳозир дар Тоҷикистон 6800 нафар афғонистонӣ паноҳанда шудаанд, ки теъдоде аз онҳо дар қайди идораи муҳоҷирати Созмони Милали Муттаҳид қарор доранд.
Дар ин бора раиси созмони ғайридавлатии “Ориёно”, Абдумусаввир Баҳодурӣ, ки бо умури муҳоҷирин дар Душанбе фаъолият мекунад, ба Sputnik Тоҷикистон иттилоъ дод.
Бино ба иттилои созмони “Ориёно” дар ҳоли ҳозир паноҳандагони афғонистонӣ дар шаҳру навоҳии Душанбе, Ваҳдат, Рӯдакӣ, Ҳисор ва Шаҳринави Навоҳии тобеъи ҷумҳурӣ, ноҳияи Ҷаббор Расулов, ҷамоатҳои Деҳмой ва Меҳробод дар вилояти Суғд, навоҳии Восеъ, Кушониён ва Ҷалолуддини Румии вилояти Хатлон кору зиндагӣ мекунанд.
Абдумусаввир Баҳодурӣ гуфт, бештари паноҳандагон аз тиҷорат, кишоварзӣ, сохтмон ва таъмири мошинҳо нони хонаводаи худро пайдо мекунанд.
Паноҳандагони афғонистонӣ танҳо ва бузургтарин ҷамоати паноҳандагон дар Тоҷикистон ба шумор меоянд. Гуфта мешавад, ки аксари онҳо як муддати кӯтоҳ дар Тоҷикистон монда, бо дуруст кардани расмиёт ба кишварҳои сеюм мераванд.
Ба гуфтаи ӯ, бештари паноҳандаҳои афғонистонӣ аз Тоҷикистон ба Канада нақли макон кардаанд.
“Ҳоло низ моҳона аз 15 то 30 хонавода ба Канада нақли макон мекунанд. Соли равон эҳтимолан то моҳи сентябр беш аз 1000 хонавода ба он кишвар барои истиқомати доимӣ раванд”, - гуфт раиси созмони “Ориёно”.
Вай илова намуд, ки иддаи бузурге аз онҳо мунтазири тағйири вазъ дар Афғонистон ҳастанд, то ба хонаҳои худ баргарданд.
Дар мавриди шароити паноҳандаҳо дар Тоҷикистон таъкид шуд, ки ҳукумати кишвари мизбон ин иҷозаро додааст, ки бидуни расмиёти ҷудогона фарзандони муҳоҷирин дар мактабҳои Тоҷикистон таҳсил кунанд ва худи онҳо ҳар ҷое хоҳанд ба кор дароянд.
Тоҷикистон пас аз Покистону Эрон севумин кишварест, ки бештарини паноҳандагони афғонистониро паноҳ додааст. Аксари онҳо ба далели ноамниҳо ва фишорҳои сиёсиву амниятӣ маҷбур ба тарки ватан мешаванд.
