Раҳмон ба Модӣ номаи ҳамдардӣ ирсол кард

© Flickr \ Пресс-служба Президента ТаджикистанаПрезидент Таджикистана Эмомали Рахмон
Президент Таджикистана Эмомали Рахмон - Sputnik Тоҷикистон, 1920, 03.06.2023
Обуна шудан
Бар асари бархӯрди якбораи яанд қатор дар иёлати Одишаи Ҳиндустон наздики 300 мусофир кушта шуда, беш аз 900 тани дигар ҷароҳатдор гардиданд
ДУШАНБЕ, 3 июн — Sputnik. Эмомалӣ Раҳмон фоҷиае, ки бар сари мардуми Ҳиндустон омад, ба сарвазири ин кишвар бо ирсол намудани номаи ҳамдардӣ тасаллият гуфт.
Дар номаи роҳбари давлат, ки матни онро котиботи президент нашр намудааст, чунин омадаст:
"Ҷаноби олӣ! Хабари ҳузнангези ба ҳалокат расидан ва ҷароҳат бардоштани шумораи зиёди мардум бар асари садамаи қатораҳои роҳи оҳан дар штати Одишаи Ҷумҳурии Ҳиндустон боиси андӯҳи амиқи мо гардид".
Дар идома Эмомалӣ Раҳмон ба пайвандони фавтидагон изҳори ҳамдардӣ намуда, ба осебдидагон физои комил таманно намуд.
Ёдовар мешавем, ки дар иёлати Одишаи Ҳинд ҳудуди даҳ вагони қатораи мусофирбар, ки аз Колката ба Ченнай ҳаракат мекард, пас аз бархӯрд бо қатори боркаш аз роҳ берун шуда, ба самти муқобили роҳ чаппа шуданд.
Вид места крушения поездов в Индии - Sputnik Тоҷикистон, 1920, 03.06.2023
Аксҳо аз фоҷиаи мудҳиш дар Ҳиндустон: наздики 300 нафар кушта шуд
Зимнан, пас аз чанде як қатори дигари мусофирбар ба онҳо бархӯрд, ки дар натиҷа боз чанд вагони дигар бо одамон аз роҳ берун рафт.
Дар ин ҳодиса нохуш ҳудуди 300 нафар кушта шуда, даҳҳо мусофири дигар ҷароҳатдор гардиданд.
Пас аз офати табиӣ сарвазири Ҳиндустон Нарендра Модӣ бо намояндагони роҳи оҳан мулоқот даъват кард. Дар мақомот ироаи кумаки пизишкӣ ба осебдидагон ва дигар масоили марбут ба садама баррасӣ шуд.
Лентаи хабарҳо
0