Авҷи беназмӣ дар Покистон пас аз боздошти Имрон Хон

© ASIF HASSANСотрудники полиции во время протестов сторонников бывшего премьер-министра Пакистана Имран Хана в Карачи
Сотрудники полиции во время протестов сторонников бывшего премьер-министра Пакистана Имран Хана в Карачи - Sputnik Тоҷикистон, 1920, 10.05.2023
Обуна шудан
Ҷонибдорони собиқ сарвазир пас аз боздошт гардидани ӯ ба кӯчаҳо рехта, бо масдуд кардани роҳҳо ва оташ задани мошини пулис беназмӣ барангехтанд
ДУШАНБЕ, 10 май — Sputnik. Пас аз боздошти сарвазири собиқ Имрон Хон дар Покистон ошӯб ба амал омад, хабар медиҳад "РИА Новости".
Як рӯз пеш полис сиёсатмадорро пас аз чанд кӯшиши ҳамла ба ӯ дар манзилаш боздошт кард.
Ба гузориши расонаҳои Покистон, маъмурони интизомӣ дар Қарочӣ, Лоҳур ва Файсалобод алайҳи издиҳом аз гази ашковар ва мошинҳои обпош истифода кардаанд.
Дар Исломобод ва Пешовар ҷонибдорони сарвазири собиқ кӯчаҳоро бастаанд.
Гуфта мешавад, ки дар ин шаҳрҳо эътирозгарон мошинҳои пулисро оташ зада, ба моликияти давлат осеб расонидаанд.
Имран Хан, примьер министр Пакистана - Sputnik Тоҷикистон, 1920, 09.05.2023
Сарвазири собиқи Покистон Имрон Хон боздошт шуд
Имрон Хонро Бюрои миллии гузоришдиҳӣ боздошт кардааст. Пас аз боздошти ӯ ҳизби "Таҳрики Инсоф" аз тарафдорони собиқ сарвазир даъват намуд, ки ба ҷонибдорӣ аз ӯ садо баланд кунанд ва даст ба тазоҳурот зананд.
Қаблан Бюрои масъулиятшиносии миллӣ алайҳи Хон, ҳамсари ӯ ва раҳбарони ҳизби "Таҳрики Инсоф", ки ба гуфтаи муфаттишон, барои таъсиси "Донишгоҳи Ал-Қодир" траст таъсис дода, ба хазинаи давлат 50 млрд рупия хисорот ворид кардаанд, таҳқиқ оғоз карда буд
Лентаи хабарҳо
0