https://sputnik.tj/20230507/idomai-zurozmoi-mushtzanhoi-tojik-chempionati-jahon-1056956975.html
Идомаи зӯрозмоии муштзанҳои тоҷик дар чемпионати ҷаҳон
Идомаи зӯрозмоии муштзанҳои тоҷик дар чемпионати ҷаҳон
Sputnik Тоҷикистон
Дар рӯзи ҳафтуми чемпионати ҷаҳон дар риштаи бокс дар пойтахти Ӯзбекистон аз миёни намояндагони Тоҷикистон 3 муштзан ба майдон хоҳанд баромад
2023-05-07T16:15+0500
2023-05-07T16:15+0500
2023-05-07T16:15+0500
дар тоҷикистон
навигариҳои варзиши тоҷикистон
қаҳрамонӣ
чемпионат
ҷоми ҷаҳон
бокс
https://cdnn1.img.sputnik.tj/img/07e6/01/1a/1045175253_0:199:1921:1279_1920x0_80_0_0_1d4df1febb798a35f33f64d52d1039f1.jpg
ДУШАНБЕ, 7 май — Sputnik. Муштзани тоҷик Асрор Воҳидов дар вазни 57 кило баъди 2 даври пирӯзӣ дар даври сеюм ба майдон хоҳад омад. Бар асоси ҷадвали чемпионат, Воҳидов дар рӯзи ҳафтуми чемпионат бо Луиз До-Наскименто-Чалоти бразилӣ вориди сабқат мешавад. Варзишкори дигари тоҷик, Некрӯз Салимов дар вазни 75 кило баъди як пирӯзӣ рақобатро дар даври дуввум бо намояндаи Конго Давид Тшама идома медиҳад. Меҳроб Ҳамидов, намояндаи Тоҷикистон дар 51 кило бошад, якумин рақобати худро муқобили чиноӣ Ҷамао Жанг оғоз мекунад.Аз Тоҷикистон ба чемпионат Меҳрон Шафиев, Меҳроб Ҳамидов, Меҳроҷ Зоидов дар, Асрор Воҳидов, Абубакр Муродзода, Баҳодур Усмонов, Расул Аҳадов, Довуд Маҳкамов, Некрӯз Салимов, Шаббос Негматуллоев, Парвиз Каримов, Давлат Болтаев ва Муҳаммад Аброриддинов сафарбар шуда буданд.Бархе аз намояндагони Тоҷикистон аллакай аз ҳаққи идомаи сабқат маҳрум шуданд. Мусобиқаи мазкур то 14 май идома хоҳад кард. Қаблан иттилоъ дода шуд, ки дар мусобиқаи мазкур 640 варзишгар аз 140 давлат номнавис шуда, сабқатҳо дар 13 категорияи вазнӣ доир мешаванд.Варзишкорони Русия ва Белорус дар ин сабқат бо парчаму дигар рамзхои миллияшон ҳунарнамоӣ мекунанд.Бритониё, ИМА, Лаҳистон, Швейтсария, Ҳолланд, Ирландия, Ҷумҳурии Чех, Шветсия, Канада, Украина, Олмон ва Норвегия аз фиристодани варзишгарони худ ба мусобиқа худдорӣ карданд.Хазинаи ҷоизаи чемпионат беш аз 5 млн долларро ташкил дода, барандаҳои ҷойи аввал дар ҳамаи вазнҳо 200 ҳазор доллар, барандагони медали нуқра 100 ва барандагони медали биринҷӣ 50 ҳазор доллар дарёфт хоҳанд кард.
https://sputnik.tj/20230507/hoji-sharif-tojikiston-finali-liga-judo-1056952390.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2023
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
зӯрозмоӣ, рӯз, ҳафтум, чемпионат, ҷаҳон, муштзан
зӯрозмоӣ, рӯз, ҳафтум, чемпионат, ҷаҳон, муштзан
Идомаи зӯрозмоии муштзанҳои тоҷик дар чемпионати ҷаҳон
Дар рӯзи ҳафтуми чемпионати ҷаҳон дар риштаи бокс дар пойтахти Ӯзбекистон аз миёни намояндагони Тоҷикистон 3 муштзан ба майдон хоҳанд баромад
ДУШАНБЕ, 7 май — Sputnik. Муштзани тоҷик Асрор Воҳидов дар вазни 57 кило баъди 2 даври пирӯзӣ дар даври сеюм ба майдон хоҳад омад.
Бар асоси ҷадвали чемпионат, Воҳидов дар рӯзи ҳафтуми чемпионат бо Луиз До-Наскименто-Чалоти бразилӣ вориди сабқат мешавад.
Варзишкори дигари тоҷик, Некрӯз Салимов дар вазни 75 кило баъди як пирӯзӣ рақобатро дар даври дуввум бо намояндаи Конго Давид Тшама идома медиҳад.
Меҳроб Ҳамидов, намояндаи Тоҷикистон дар 51 кило бошад, якумин рақобати худро муқобили чиноӣ Ҷамао Жанг оғоз мекунад.
Аз Тоҷикистон ба чемпионат Меҳрон Шафиев, Меҳроб Ҳамидов, Меҳроҷ Зоидов дар, Асрор Воҳидов, Абубакр Муродзода, Баҳодур Усмонов, Расул Аҳадов, Довуд Маҳкамов, Некрӯз Салимов, Шаббос Негматуллоев, Парвиз Каримов, Давлат Болтаев ва Муҳаммад Аброриддинов сафарбар шуда буданд.
Бархе аз намояндагони Тоҷикистон аллакай аз ҳаққи идомаи сабқат маҳрум шуданд. Мусобиқаи мазкур то 14 май идома хоҳад кард.
Қаблан иттилоъ дода шуд, ки дар мусобиқаи мазкур 640 варзишгар аз 140 давлат номнавис шуда, сабқатҳо дар 13 категорияи вазнӣ доир мешаванд.
Варзишкорони Русия ва Белорус дар ин сабқат бо парчаму дигар рамзхои миллияшон ҳунарнамоӣ мекунанд.
Бритониё, ИМА, Лаҳистон, Швейтсария, Ҳолланд, Ирландия, Ҷумҳурии Чех, Шветсия, Канада, Украина, Олмон ва Норвегия аз фиристодани варзишгарони худ ба мусобиқа худдорӣ карданд.
Хазинаи ҷоизаи чемпионат беш аз 5 млн долларро ташкил дода, барандаҳои ҷойи аввал дар ҳамаи вазнҳо 200 ҳазор доллар, барандагони медали нуқра 100 ва барандагони медали биринҷӣ 50 ҳазор доллар дарёфт хоҳанд кард.
