Мантуров ба Тоҷикистон омад

© Foto / Минпромторг Главы промышленно-торговых министерств РФ и РТ Денис Мантуров и Шерали Кабир
Главы промышленно-торговых министерств РФ и РТ Денис Мантуров и Шерали Кабир - Sputnik Тоҷикистон, 1920, 26.04.2023
Обуна шудан
Муовини сарвазири Русия бо раҳбарияти олии Тоҷикистон мулоқот хоҳад кард ва дар ҷаласаи Комиссияи байнидавлатии ҳамкориҳои низомию-иқтисодии СПАД иштирок мекунад
ДУШАНБЕ, 26 апр — Sputnik. Муовини нахуствазири Русия, Денис Мантуров бо як сафари корӣ вориди Тоҷикистон шуд.
Сафари ин мақомдори баландпояи Русия ба пойтахти Тоҷикистон аз 26 то 27 апрел идома хоҳад кард.
Оқои Мантуров дар сафари худ ба Душанбе бо раҳбарияти олии кишвар як силсила мулоқотҳои дуҷониба анҷом хоҳад дод.
Илова бар ин, муовини сарвазир дар ҷаласаи XXI Комиссияи байнидавлатии ҳамкориҳои низомиву иқтисодии СПАД иштирок хоҳад кард.
Грузовые автомобили на трассе - Sputnik Тоҷикистон, 1920, 25.04.2023
Афзоиши ҳамлу нақли сареъ байни Русия ва Тоҷикистон
Ёдовар мешавем, ки қаблан ноиби нахуствазири Русия аз афзоиши солонаи 15 дарсадии гардиши мол миёни кишварҳои Осиёи Марказӣ ва Русия ёдовар шуда буд.
Ба гуфтаи вай, ин рақам аз 42 миллиард доллар ҳам бештар шудааст.
Денис Мантуров ҳамчунин таъкид кард, ки дар ин марҳалаи ҳамкорӣ маҳз Осиёи Марказӣ дар ҳамкорӣ бо Русия дар масъалаҳои воридотивазкунӣ ва соҳибихтиёрии технологӣ мавқеи пешсафро ишғол мекунад.
Лентаи хабарҳо
0