Ҳукумати Суғд ба иштирокчиёни ҶБВ қариб ним млн сомонӣ кумакпулӣ медиҳад

© Sputnik Медали ветерана ВОВ
Медали ветерана ВОВ - Sputnik Тоҷикистон, 1920, 24.04.2023
Обуна шудан
Теъдоди иштирокчиёну маъюбони Ҷанги Бузурги Ватанӣ дар вилояти Суғд, ки дар қайди ҳаёт мебошанд, дар арафаи иди Ғалаба 11 нафар арзёбӣ гардид
ДУШАНБЕ, 24 апр — Sputnik. Ба муносибати 78-солагии Рӯзи Ғалаба дар Ҷанги Бузурги Ватанӣ ба иштирокчиёну маъюбони ин ҷанг кӯмакпулиҳои яквақта дода мешавад.
Дар ин бора ҳукумати вилояти Суғд иттилоъ дода, афзуд инчунин шахсони дар ақибгоҳ фаъолиятдошта низ аз кумакпулӣ бархӯрдор хоҳанд шуд.
Манбаъ тавзеҳ дод, ки ба иштирокчиёну маъюбони ҶБВ солҳои 1941-1945 ва ҳамсарони бесаробонмондаи ҷанговарони дар ин ҷанг ҳалокгардидае, ки нафақаи бесаробонӣ мегиранд ба миқдори 7 ҳазор сомонӣ кӯмакпулии яквақта дода хоҳад шуд.
Инчунин шахсоне, ки дар солҳои ҶБВ дар хизмати ҳарбӣ буданд ва камаш шаш моҳ дар ақибгоҳ кор кардаанд ва шахсоне, ки барои хизмати ҳарбии бенуқсон ва меҳнати фидокорона дар ақибгоҳ дар солҳои ҶБВ бо медалҳо сарфароз гардидаанд, ба миқдори 4 ҳазор сомонӣ кӯмакпулӣ дарёфт мекунанд, омадааст дар иттилоия.
Сафири Русия дар Тоҷикистон куҳансарбози ҶБВ-ро хабар гирифт - Sputnik Тоҷикистон, 1920, 07.02.2023
Сафири Русия дар Тоҷикистон куҳансарбози ҶБВ-ро хабар гирифт – видео
Таъкид шудааст, ки дар маҷмуъ ба 11 нафар иштирокчиёну маъюбони ҶБВ 77 ҳазор сомонӣ ва ба 92 нафар шахсони дар ақибгоҳ фаъолият кардаву дорандагони медалҳо 368 ҳазор сомонӣ тақдим мегардад.
Дар маҷмуъ маблағе, ки ҳукумати Суғд барои расондан ба собиқадорони ҷангу меҳнат ҷудо мекунад, дар маҷмуъ 445 ҳазор сомониро ташкил медиҳад.
Маврид ба зикр аст, ки ҳамасола дар Тоҷикистон солгарди Ғалаба дар ҶБВ ба таври густурда таҷлил мегардад ва он расман таътил мебошад. Аёдати собиқадорону барномаҳои фарҳангӣ маърифатӣ одатан аз бандҳои барномаи таҷлили ин рӯз мебошанд.
Лентаи хабарҳо
0