Лебедев дар шаҳри Ҷиззахи ҶШС Узбекистон дар оилаи коргар таваллуд шудааст: падараш иштирокчии ҶБВ, модараш муҳосираи Ленинграро аз сар гузаронидааст.
Сергей Николаевич ифтихор мекунад, ки айёми бачагии худро дар маҳаллаи узбекӣ, ки дар он ҷо русҳо, украинҳо, узбекҳо, тоҷикон, тоторҳо, яҳудиҳо, немисҳо якҷоя зиндагӣ мекарданд, гузаронидааст. Лебедев то ҳол бо бисёр хамсолон робита дорад.
![Мисли бисёр писарони он солҳо Сергей орзу дошт, ки кайҳоннавард шавад. Шеъри ба Герман Титов бахшидааш дар "Пионерская правда" чоп шудааст. Ҳаминтавр ӯ барои дохил шудан ба омӯзишгоҳи кайҳоннавардии Чернигов ба Украина рафт. - Sputnik Тоҷикистон](https://cdnn1.img.sputnik.tj/img/07e7/04/07/1056295288_0:0:1648:1236_600x0_80_0_1_6047d828b9f45862cf0cb34a852a11f9.jpg "Мисли бисёр писарони он солҳо Сергей орзу дошт, ки кайҳоннавард шавад. Шеъри ба Герман Титов бахшидааш дар "Пионерская правда" чоп шудааст. Ҳаминтавр ӯ барои дохил шудан ба омӯзишгоҳи кайҳоннавардии Чернигов ба Украина рафт.")
Мисли бисёр писарони он солҳо Сергей орзу дошт, ки кайҳоннавард шавад. Шеъри ба Герман Титов бахшидааш дар "Пионерская правда" чоп шудааст. Ҳаминтавр ӯ барои дохил шудан ба омӯзишгоҳи кайҳоннавардии Чернигов ба Украина рафт.
Аммо тақдир роҳи ӯро дигар хел таъин кард: ҷавони комсомолро дар ниҳоди марбут ба кашфи иттилоот зуд пай бурданд. Аз он ҷо баъдтар барои хизмат дар Раёсати марказии КДА-и СССР гузашт ва аллакай соли 1975 ба хориҷа фиристода шуд: аввал ба ҶДО, баъд ба Бонн.
Дар тӯли 20 сол, аз бисёре кишварҳои аврупоӣ дидан кардааст, аммо нисбат ба Олмон эҳсосоти хоса дорад, зеро дар он ҷо то ҳол дӯстони зиёде дорад. Худи Сергей Николаевич забонҳои немисӣ ва англисиро хуб медонад.
Дар солҳои 1998-2000 Сергей Николаевич намояндаи расмии Хадамоти истихбороти хориҷӣ дар Вашингтон буд.
Зани Лебедев Вера Михайловна дар саёҳатҳои саросари ҷаҳон шавҳарашро дар ҳама ҷо ҳамроҳӣ мекард. Онҳо соли 1969 дар Чернигов вохурда, оила барпо карда буданд.
20 майи соли 2000 Лебедев директори Хадамоти истихбороти хориҷии Русия таъин шуд. Пас аз се сол ба ӯ унвони генералии артиш дода мешавад.
Дар вазифаи нави худ ба Лебедев як рисолати душвор - пайдо кардани нуқтаҳои ҳамкории Хадамоти иктишофии хориҷии Русия ва хадамоти иктишофии хориҷӣ супурда шуд. Дар акс - Сергей Лебедев бо сардори Созмони иттилоотии марказӣ (ЦРУ) Ҷорҷ Теннет.
Дар давоми 7 соли сардори Хадамоти иктишофии хориҷӣ будан, Сергей Николаевич ба гӯшаҳои гуногуни ҷаҳон сафар карда, бо намояндагони хадамоти махсуси давлатҳои дигар мулоқот кардааст.
![Ин яке аз сабабҳои таъин шудани Лебедев ба мақоми котиби иҷроияи ИДМ дар соли 2007 буд. Раисиҷумҳури Русия Владимир Путин дар бораи ҷои кори нави Сергей Николаевич, таъкид кард, ки ин "муҳимтарин самти сиёсати хориҷии мо" аст. - Sputnik Тоҷикистон](https://cdnn1.img.sputnik.tj/img/07e7/04/07/1056297219_0:0:2903:2048_600x0_80_0_1_5efa1845bd7d0cf167939f79d3e960ab.jpg "Ин яке аз сабабҳои таъин шудани Лебедев ба мақоми котиби иҷроияи ИДМ дар соли 2007 буд. Раисиҷумҳури Русия Владимир Путин дар бораи ҷои кори нави Сергей Николаевич, таъкид кард, ки ин "муҳимтарин самти сиёсати хориҷии мо" аст.")
Ин яке аз сабабҳои таъин шудани Лебедев ба мақоми котиби иҷроияи ИДМ дар соли 2007 буд. Раисиҷумҳури Русия Владимир Путин дар бораи ҷои кори нави Сергей Николаевич, таъкид кард, ки ин "муҳимтарин самти сиёсати хориҷии мо" аст.
![Лебедев раисии кумитаи иҷроияи ИДМ-ро чунин тавсиф кард: "Барои ман кор дар рохи муҳофизати дӯстӣ ва ҳамкории байни халқҳои мо амали мукаддас аст". - Sputnik Тоҷикистон](https://cdnn1.img.sputnik.tj/img/07e7/04/07/1056297457_0:0:3072:2048_600x0_80_0_1_cbbd55bc624dd1ec4477edeb9aecad64.jpg "Лебедев раисии кумитаи иҷроияи ИДМ-ро чунин тавсиф кард: "Барои ман кор дар рохи муҳофизати дӯстӣ ва ҳамкории байни халқҳои мо амали мукаддас аст".")
Лебедев раисии кумитаи иҷроияи ИДМ-ро чунин тавсиф кард: "Барои ман кор дар рохи муҳофизати дӯстӣ ва ҳамкории байни халқҳои мо амали мукаддас аст".
Албатта, дар ин кор ба ӯ сифатҳои шахсияш низ ёрӣ мерасонад: Сергей Николаевич медонад, ки ҳар як ҳамсуҳбатро чӣ тавр ҷалб кунад, гарчанде ки онҳо шахсони аввалини давлатҳо бошанд ҳам.
![Лебедев бо ордени "Барои хизматҳо дар назди Ватан" мукофотонида шудааст, илова бар ин, ӯ бо мукофотҳои зиёди кишварҳои ҳамсоя, аз қабили ордени "Дӯстлик"-и Узбекистон, ордени Шараф аз Белорус, ордени Стефани Бузурги Молдова ва бисёр дигарон. - Sputnik Тоҷикистон](https://cdnn1.img.sputnik.tj/img/07e7/04/07/1056297972_0:0:1648:1235_600x0_80_0_1_fa465b4648689c685f794d7839833748.jpg "Лебедев бо ордени "Барои хизматҳо дар назди Ватан" мукофотонида шудааст, илова бар ин, ӯ бо мукофотҳои зиёди кишварҳои ҳамсоя, аз қабили ордени "Дӯстлик"-и Узбекистон, ордени Шараф аз Белорус, ордени Стефани Бузурги Молдова ва бисёр дигарон.")
Лебедев бо ордени "Барои хизматҳо дар назди Ватан" мукофотонида шудааст, илова бар ин, ӯ бо мукофотҳои зиёди кишварҳои ҳамсоя, аз қабили ордени "Дӯстлик"-и Узбекистон, ордени Шараф аз Белорус, ордени Стефани Бузурги Молдова ва бисёр дигарон.
Лебедев ҳайатҳои ИДМ дар интихоботи кишварҳои ҳамсояро мунтазам роҳбарӣ мекунад. Дар ҷараёни интихоботи президентии соли 2020 дар Беларус Сергей Николаевич шахсан боварӣ ҳосил кард, ки раванди интихобот мувофиқи Конститутсия ва Кодекси интихоботи Беларус баргузор мешавад.
1 январи соли 2023 Сергей Николаевич Лебедев дабири кулли Иттиҳоди Давлатҳои Мустақил таъин шуд.
Аллакай 16 сол боз Сергей Николаевич ба самти масъули сулҳ, тартибот ва муносибатҳои неки ҳамсоягии ИДМ роҳбарӣ мекунад. Рисолати ӯ албатта, бо сарҳадҳои ИДМ махдуд нест. Дар акс: Сергей Лебедев бо Дабири кулли СҲШ Чжан Минг дар ҷаласаи 97-уми Шӯрои иқтисодии ИДМ.
