Ҳамоиши соҳибкорони тоҷику туркман баргузор мешавад

© pixabayРукопожатие
Рукопожатие - Sputnik Тоҷикистон, 1920, 29.03.2023
Обуна шудан
Форуми соҳибкорони тоҷику туркман дар ҳоле баргузор мешавад, ки нимаи аввали моҳи апрел сафари президенти Туркманистон ба Тоҷикистон дар назар аст
ДУШАНБЕ, 29 мар – Sputnik. Санаи баргузории ҳамоиши соҳибкорони Тоҷикистону Туркманистон дар Душанбе 7 апрел таъйин шудааст, иттилоъ дод "Ховар" бо такя ба Кумитаи давлатии сармоягузорӣ ва идораи амволи давлатии ҷумҳурӣ.
Б аиттилои манбаъ, дар ин ҳамоиш имкониятҳои сармоягузории Тоҷикистон пешниҳоди иштирокдорон мегарданд.
Тоҷикистонро дар ҳамоиш намояндагони вазоратҳои рушди иқтисод ва савдо, саноат ва технологияҳои нав, Кумитаи давлатии сармоягузорӣ ва идораи амволи давлатӣ, Палатаи савдо ва саноат, КВД "Роҳи оҳани Тоҷикистон" ва инчунин намояндагони бахши хусусӣ иштирок мекунанд.
Сохтмонии мактаби миёнаи №8 дар деҳаи Ғаллаободӣ Ҷамоати деҳоти Ҷиликӯл - Sputnik Тоҷикистон, 1920, 09.03.2023
Туркманистон дар Хатлон барои оилаҳои туркмантабор мактаб месозад
Туркманистонро дар баробари намояндагони бахши хусусӣ инчунин раиси Палатаи савдо ва саноат, муовини вазири саноат ва сохтмони Туркманистон ва директори ҶСК "Маркази нақлиёту логистикаи Туркманистон" намояндагӣ мекунанд.
Интизор меравад, ки дар доираи ин мулоқот ҷонибҳо созишномаҳои дуҷонибаи ҳамкориро ба имзо расонанд.
Ин ҳамоиш дар арафаи сафари раисҷумҳури Туркманистон Сардор Бердимуҳаммадов ба Душанбе баргузор мешавад.
Дар доираи ин сафари расмӣ, Бердимуҳаммадов бо роҳбарони Тоҷикистон мулоқот карда, масъалаҳои мубрами муносибатҳои дуҷониба дар бахшҳои сиёсӣ, иқтисодӣ, гуманитарӣ ва ғайраро баррасӣ мекунанд.
Лентаи хабарҳо
0