Заршӯёни ВМКБ чӣ қадар метали гаронбаҳо супоридаанд?

© Sputnik / Марк Редькин / Гузариш ба медиабонкЗолото
Золото - Sputnik Тоҷикистон, 1920, 19.02.2023
Обуна шудан
Вазири саноат ва технологияҳои нави Тоҷикистон истихроҷи канданиҳои фоиданокро бо роҳи худфаъол омили муҳим дар таъмини ҷойҳои корӣ хонд
ДУШАНБЕ, 19 фев — Sputnik. Заршӯён дар Вилояти Мухтори Куҳистони Бадахшон аз замоне, ки истихроҷи канданиҳои фоиданок бо роҳи худфаъол иҷозат дода шуд, ба маблағи ҳудуди 3 млн сомонӣ маҳсулот супоридаанд.
Дар ин бора вазири саноат ва технологияҳои нави Тоҷикистон, Шералӣ Кабир иттилоъ дода, афзуд, ки заршӯӣ бо роҳи худфаъол барои ҳали мушкилоти локалию таъмини ҷойҳои корӣ мувофиқ аст.
Вай афзуд, ҳадафи иҷозат додан ба шаҳрвандон барои истихроҷи канданиҳои фоиданоки пошхӯрда таъмини мардум бо ҷои кор аст. Ӯ илова намуд, ки ният доранд, корҳои фаҳмондадиҳиро барои таҳкими малакаи заршӯии шаҳрвандон бештар созанд.
Дар зимн бештари онҳое, ки дар соли гузашта иҷозати истихроҷи канданиҳои фоиданок бо роҳи худфаъолию худбиёриро гирифтаанд, ба ВМКБ рост меояд
Гаффоров Абдухалим - Sputnik Тоҷикистон, 1920, 01.01.2023
Вакили тоҷик аз мардум хост, дороияшонро бо тило нигоҳ доранд, на доллару евро
Вазорати молияи Тоҷикистон дар соли гузашта ба 262 нафар иҷозати мустақилона машғул шудан ба заршӯиро додааст.
Ба иттилои ин ниҳод, соли гузашта дар ВМКБ - 74 нафар, дар Хатлон - 35 нафар, дар Суғд - 42 нафар ва дар Душанбе - 55 нафар иҷозати заршӯӣ бо роҳи худфаъолӣ гирифтаанд.
Дар зимн Саридораи геологияи Тоҷикистон таъкид намуда буд, ки барои фаъолияти фардии тиллошӯӣ баъзе талабот ҷорӣ карда шудааст, ки бояд риоя гарданд. Аз ҷумла техникаи истифодашаванда набояд аз 50 қувваи асп зиёд бошад.
Қаблан Вазорати молияи Тоҷикистон хабар дода буд, ки дар маҷмуъ аз соли 2019 ба зиёда 7 ҳазор шаҳрванд иҷозат дода шудааст, ки мустақилона ба истихроҷи тилою канданиҳои фоиданок машғул шаванд.
Таъкид шуда буд, ки ҳамчунин дар минтақаҳои кишвар наздики 30 нуқтаи хариди тило ташкил карда шудааст, ки аз шаҳрвандон бемаҳдудият тилои ёфтаашонро мехарад.
Лентаи хабарҳо
0