Таъхири пайвастшавии комили Тоҷикистон ба низоми ягонаи энергетикии Осиёи Марказӣ

© Sputnik Министр энергетики и водных ресурсов Таджикистана Далер Джума,
Министр энергетики и водных ресурсов Таджикистана Далер Джума, - Sputnik Тоҷикистон, 1920, 30.01.2023
Обуна шудан
Замони пайвастшавии комили шабакаҳои барқи Тоҷикистон ба низоми ягонаи энергетикии Осиёи Марказӣ, ки қаблан аввали соли 2023 гуфта мешуд, боз ба таъхир афтод
ДУШАНБЕ, 30 янв — Sputnik. Хатҳои асосии интиқоли барқи Тоҷикистон то охири соли 2023 ба низоми ягонаи энергетикии Осиёи Марказӣ пайваст мешаванд.
Дар ин бора вазири энергетика ва захираҳои оби Тоҷикистон, Далер Ҷумъа зимни нишасти хабарӣ дар Душанбе изҳор дошт.
Ба гуфтаи ӯ, лоиҳаи пайвастшавӣ ба ҳалқаи энергетикӣ марҳила ба марҳила амалӣ мешавад. Ба нақша гирифта шудааст, ки хатҳои 500 ва 220 кВт-ӣ то моҳи апрел, яъне то мавсими содироти нерӯи барқ ​​аз Тоҷикистон, пайваст карда шаванд.
Дар посух ба суоли рӯзноманигорон дар бораи имкони иҷрои комили тарҳ то поёни соли ҷорӣ вазир таъкид кард, ки шояд комилан татбиқ нагардад ва афзуд барои васл кардани хати боқимонда дар шимоли кишвар, дар вилояти Суғд вақти иловагӣ лозим аст.
Здание энергохолдинга Барки точик, архивное фото - Sputnik Тоҷикистон, 1920, 30.01.2023
Шарҳи раиси "Барқи тоҷик" дар бораи фурӯши нерӯ ба Афғонистону Ӯзбекистон
"Дар ин ҷо вақти бештар лозим мешавад, ин як раванди хеле мураккаб аст, ки ҳамоҳангиро тақозо мекунад", - гуфт Далер Ҷумъа.
Ин дар ҳолест, ки масъулини энергетикаи Тоҷикистон қаблан мегуфтанд, ки эҳтимол то охири соли 2022 ва аввали соли 2023 ҷумҳурӣ пурра ба низоми энергетикии Осиёи Марказӣ пайваст шавад.
Муовини аввали вазири энергетика ва захираҳои оби Тоҷикистон, Ҷамшед Шоимзода, изҳор дошта буд, ки қисман пайвастшавӣ аллакай сурат гирифтааст, чун аз тариқи хатҳо дар ҷанубу шимоли ҷумҳурӣ нерӯи барқ содирот мешавад.
Муовини аввали вазир гуфт, дар ин масъала омилҳои зиёд ҷой доранд ва ҷониби Тоҷикистон махсусан ба эътимоднокию устувории кори низоми ягона таваҷҷуҳ зоҳир мекунад.
Лентаи хабарҳо
0