https://sputnik.tj/20230104/diplomathoi-afghon-dar-tehron-itoat-ba-tolibhoro-rad-kardaand-1054002093.html
Дипломатҳои афғон дар Теҳрон итоат ба толибҳоро рад кардаанд
Дипломатҳои афғон дар Теҳрон итоат ба толибҳоро рад кардаанд
Sputnik Тоҷикистон
Дипломатҳои афғон дар Эрон аз таъйиноти ҷадиди толибҳо изҳори норозигӣ карда, изҳор доштаанд, ки сафоратро ба фиристодаи толибҳо намедиҳанд
2023-01-04T19:10+0500
2023-01-04T19:10+0500
2023-01-04T19:10+0500
дар ҷаҳон
сиёсат
толибон
афғонистон
теҳрон
сафир
сафорат
эрон
https://cdnn1.img.sputnik.tj/img/102814/09/1028140927_0:299:3110:2048_1920x0_80_0_0_e19af7376ce78986168ed901efd611f7.jpg
ДУШАНБЕ, 4 янв — Sputnik. Дипломатҳои сафорати Афғонистон дар Теҳрон аз итоат ба толибҳо худдорӣ кардаанд, навиштааст Sputnik Афғонистон. Ба иттилои манбаъ, сарпарасти Вазорати корҳои хориҷаи толибон, Амирхон Муттақӣ, кордори сафорат дар ин кишвар Абдулқайюм Сулаймониро аз мақом бозхонд карда, ба ҷои ӯ нафаре бо номи Фазл Муҳаммад Ҳаққониро роҳбари намояндагии дипломатӣ таъйин кардааст. Аммо дипломатҳои афғон дар Теҳрон гуфтанд, ки калиди сафоратро ба нафаре аз толибҳо намесупоранд, зарур ояд ба худи эрониҳо бармегардонанд, изҳор доштаанд манобеи расонаҳо. Ҳаққонӣ, ки дар Эрон аст, дархости тобеият кардааст. Таъкид шудааст, ки Сулаймонӣ ба далели анҷоми рисолаташ аз Теҳрон ба Кобул даъват шуд.Маврид ба зикр аст, ки соли гузашта сафири Афғонистон дар Эрон, Абдулғафур Ливол, аз симмати худ каноргирӣ карда ва ба хорифа рафта буд. Дар пайи истеъфои Ливол муовини ӯ Абдулқайюм Сулаймонӣ сарпарастии ин сафорат дар Теҳронро ба уҳда гирифт. Дар ин зимн сарпарасти Вазорати хориҷаи толибон, Амирхон Муттақӣ, дар як номае Абдулқайюм Сулаймониро сарпарасти сафорати Афғонистон дар Теҳрон мансуб карда буд. Мақомдорони Эрон гуфтанд, ин амал маънои эҳзори сафорати Афғонистон дар Теҳрон ба толибҳоро надошт. ВУХ Эрон изҳор дошт, ки ҷониби Афғонистонро ба таври возеҳ огоҳ кард, ки таъсиси ҳукумати фарогир барои Теҳрон хеле муҳим аст. Раёсати ин ниҳод таъкид карда буд, ки иттилоъ дар бораи намояндаи толибон будани Абдулқайюм Сулаймонӣ, ки пас аз рафтани сафири Афғонистон дар Теҳрон намояндагии дипломатии Афғонистонро раҳбарӣ мекард, дуруст нест.Толибон бо ирсоли як нома онро расман "қонунӣ" карданд, ҳол он ки бо ин кор танҳо вазъи мавҷудро тасдиқ карданд, аммо натавонистанд ба он таъсир расонанд, изҳор дошта буд Теҳрон.
https://sputnik.tj/20221216/bozgashti-muhojir-afghon-eron-pokiston-vatan-1053583299.html
афғонистон
эрон
Sputnik Тоҷикистон
info@sputnik.tj
+74956456601
MIA „Rossiya Segodnya“
2023
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
рад, эҳзор, сафорат, толиб, афғонистон, эрон
рад, эҳзор, сафорат, толиб, афғонистон, эрон
Дипломатҳои афғон дар Теҳрон итоат ба толибҳоро рад кардаанд
Дипломатҳои афғон дар Эрон аз таъйиноти ҷадиди толибҳо изҳори норозигӣ карда, изҳор доштаанд, ки сафоратро ба фиристодаи толибҳо намедиҳанд
ДУШАНБЕ, 4 янв — Sputnik. Дипломатҳои сафорати Афғонистон дар Теҳрон аз итоат ба толибҳо худдорӣ кардаанд, навиштааст Sputnik Афғонистон.
Ба иттилои манбаъ, сарпарасти Вазорати корҳои хориҷаи толибон, Амирхон Муттақӣ, кордори сафорат дар ин кишвар Абдулқайюм Сулаймониро аз мақом бозхонд карда, ба ҷои ӯ нафаре бо номи Фазл Муҳаммад Ҳаққониро роҳбари намояндагии дипломатӣ таъйин кардааст.
Аммо дипломатҳои афғон дар Теҳрон гуфтанд, ки калиди сафоратро ба нафаре аз толибҳо намесупоранд, зарур ояд ба худи эрониҳо бармегардонанд, изҳор доштаанд манобеи расонаҳо. Ҳаққонӣ, ки дар Эрон аст, дархости тобеият кардааст.
Таъкид шудааст, ки Сулаймонӣ ба далели анҷоми рисолаташ аз Теҳрон ба Кобул даъват шуд.
Маврид ба зикр аст, ки соли гузашта сафири Афғонистон дар Эрон, Абдулғафур Ливол, аз симмати худ каноргирӣ карда ва ба хорифа рафта буд. Дар пайи истеъфои Ливол муовини ӯ Абдулқайюм Сулаймонӣ сарпарастии ин сафорат дар Теҳронро ба уҳда гирифт.
Дар ин зимн сарпарасти Вазорати хориҷаи толибон, Амирхон Муттақӣ, дар як номае Абдулқайюм Сулаймониро сарпарасти сафорати Афғонистон дар Теҳрон мансуб карда буд. Мақомдорони Эрон гуфтанд, ин амал маънои эҳзори сафорати Афғонистон дар Теҳрон ба толибҳоро надошт.
ВУХ Эрон изҳор дошт, ки ҷониби Афғонистонро ба таври возеҳ огоҳ кард, ки таъсиси ҳукумати фарогир барои Теҳрон хеле муҳим аст.
Раёсати ин ниҳод таъкид карда буд, ки иттилоъ дар бораи намояндаи толибон будани Абдулқайюм Сулаймонӣ, ки пас аз рафтани сафири Афғонистон дар Теҳрон намояндагии дипломатии Афғонистонро раҳбарӣ мекард, дуруст нест.
Толибон бо ирсоли як нома онро расман "қонунӣ" карданд, ҳол он ки бо ин кор танҳо вазъи мавҷудро тасдиқ карданд, аммо натавонистанд ба он таъсир расонанд, изҳор дошта буд Теҳрон.
