https://sputnik.tj/20221223/korkhona-prezident-faoliyatas-shuru-valangor-1053717849.html
Корхонае, ки Раҳмон фаъолияташро аз он шуруъ кардааст, валангор аст
Корхонае, ки Раҳмон фаъолияташро аз он шуруъ кардааст, валангор аст
Sputnik Тоҷикистон
Раисҷумҳури Тоҷикистон ҳоли корхонаи саноатиеро, ки фаъолияти меҳнатияшро дар шаҳри Бохтар аз он оғоз кардааст, табоҳ хонда, барои ислоҳи вазъ даъват намуд
2022-12-23T11:18+0500
2022-12-23T11:18+0500
2023-02-19T11:41+0500
дар тоҷикистон
саноат
кор
бохтар
равған
эмомалӣ раҳмон
паём
https://cdnn1.img.sputnik.tj/img/101660/92/1016609231_0:218:2867:1830_1920x0_80_0_0_a9b1cd83a1ac7f51399036a2c9fef31e.jpg
ДУШАНБЕ, 23 дек - Sputnik. Президенти Тоҷикистон, Эмомалӣ Раҳмон барои барқарорсозии корхонаи равғанкашие дар ҷануби кишвар даъват намуд, ки фаъолияташро аз он оғоз кардааст. Вай зимни ироаи паёми солона ба парлумон гуфт, ки ҳар бори сафараш ба шаҳри Бохтар ӯро махсусан ба ҳамон кӯчае мебаранд, ки дар он ҷо корхонаи равғанкашии шаҳр фаъолият дошт. Раҳмон зикр намуд, ки фаъолияти меҳнатияшро аз корхонаи равғанкашӣ дар Бохтар шуруъ намудааст, ки ҳоло валангор аст. Ба гуфтаи ӯ, барқарорсозии ин корхона он қадар маблағи зиёд талаб намекунад ва дар хитоб ба мақомдорони Хатлон афзуд, ки ақалан ба он далел, ки роҳбари давлат фаъолиятро аз он ҷо оғоз кардааст, ин корхонаро барқарор кунанд. Президент иттилоъ дод, ки феълан талаботи Тоҷикистон ба равғани истеъмолӣ аз ҳисоби тавлидоти ватанӣ ҳамагӣ 20% таъмин мешавад. Дар ҳоле, ки дар сурати барқарорсозии 3 корхонаи қаблӣ, таъминот аз ҳисоби тавлидоти ватанӣ то 70% хоҳад расид, изҳор дошт ӯ. Дар маҷмуъ президенти Тоҷикистон таъкид намуд, ки саноатикунонии кишварро вусъат бахшанду зикр намуд, ки худаш низ замоне чун саноатчӣ фаъолият дошту баъдан деҳқонию хизмати давлатӣ кардааст. Эмомалӣ Раҳмон фаъолияти меҳнатиашро соли 1969, баъд аз хатми Омӯзишгоҳи касбию техникии № 40-и шаҳри Калининобод (алъон Сарбанд), ба ҳайси устои барқ дар Корхонаи равғанкашии шаҳри Қӯрғонтеппа, ҳоло Бохтар шурӯъ намудааст.
https://sputnik.tj/20221223/khudtarifkuni-nest-rahmon-jahon-murakkab-tojikiston-1053715732.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
ҳол, табоҳ, корхона, эмомалӣ раҳмон, фаъолият
ҳол, табоҳ, корхона, эмомалӣ раҳмон, фаъолият
Корхонае, ки Раҳмон фаъолияташро аз он шуруъ кардааст, валангор аст
11:18 23.12.2022 (Навсозишуда: 11:41 19.02.2023) Раисҷумҳури Тоҷикистон ҳоли корхонаи саноатиеро, ки фаъолияти меҳнатияшро дар шаҳри Бохтар аз он оғоз кардааст, табоҳ хонда, барои ислоҳи вазъ даъват намуд
ДУШАНБЕ, 23 дек - Sputnik. Президенти Тоҷикистон, Эмомалӣ Раҳмон барои барқарорсозии корхонаи равғанкашие дар ҷануби кишвар даъват намуд, ки фаъолияташро аз он оғоз кардааст.
Вай зимни ироаи паёми солона ба парлумон гуфт, ки ҳар бори сафараш ба шаҳри Бохтар ӯро махсусан ба ҳамон кӯчае мебаранд, ки дар он ҷо корхонаи равғанкашии шаҳр фаъолият дошт.
Раҳмон зикр намуд, ки фаъолияти меҳнатияшро аз корхонаи равғанкашӣ дар Бохтар шуруъ намудааст, ки ҳоло валангор аст.
Ба гуфтаи ӯ, барқарорсозии ин корхона он қадар маблағи зиёд талаб намекунад ва дар хитоб ба мақомдорони Хатлон афзуд, ки ақалан ба он далел, ки роҳбари давлат фаъолиятро аз он ҷо оғоз кардааст, ин корхонаро барқарор кунанд.
Президент иттилоъ дод, ки феълан талаботи Тоҷикистон ба равғани истеъмолӣ аз ҳисоби тавлидоти ватанӣ ҳамагӣ 20% таъмин мешавад. Дар ҳоле, ки дар сурати барқарорсозии 3 корхонаи қаблӣ, таъминот аз ҳисоби тавлидоти ватанӣ то 70% хоҳад расид, изҳор дошт ӯ.
Дар маҷмуъ президенти Тоҷикистон таъкид намуд, ки саноатикунонии кишварро вусъат бахшанду зикр намуд, ки худаш низ замоне чун саноатчӣ фаъолият дошту баъдан деҳқонию хизмати давлатӣ кардааст.
Эмомалӣ Раҳмон фаъолияти меҳнатиашро соли 1969, баъд аз хатми Омӯзишгоҳи касбию техникии № 40-и шаҳри Калининобод (алъон Сарбанд), ба ҳайси устои барқ дар Корхонаи равғанкашии шаҳри Қӯрғонтеппа, ҳоло Бохтар шурӯъ намудааст.
