Нархи хидмати аскарӣ дар Тоҷикистон боло меравад

© Пресс-служба Президента Республики ТаджикистанВоенный парад в Хороге по случаю приезда президента Таджикистана
Военный парад в Хороге по случаю приезда президента Таджикистана - Sputnik Тоҷикистон, 1920, 21.12.2022
Обуна шудан
Болоравии нархи хизмати ҳарбии пулакӣ ба афзоиши нишондиҳанда барои ҳисобҳо вобаста мебошад, ки аз аввали соли оянда 68 сомониро ташкил хоҳад дод
ДУШАНБЕ, 21 дек — Sputnik. Нархи хидмати пулакӣ дар Тоҷикистон аз соли оянда ба 28 ҳазору 560 сомонӣ баробар хоҳад шуд. Ин нишондод соли равон 26 ҳазору 880 сомониро ташкил медиҳад.
Болоравии нархи хизмати ҳарбии пулакӣ аз соли 2023 ба афзоиши нишондиҳанда барои ҳисобҳо дар Тоҷикистон рабт дорад, ки соли оянда 6,25% афзоиш ёфта, аз 64 сомонии ҳозира то 68 сомонӣ зиёд мешавад.
Бар асоси қарори ҳукумати Тоҷикистон, ҳаҷми маблағ ба ивази адои хидмати ҳарбӣ дар ҳайати захираҳои даъвати сафарбарӣ 420 нишондиҳанда барои ҳисобҳо муқаррар шудаст.
Гуфта мешавад, ки дар давъати тирамоҳии соли гузашта 450 ҷавон бо пардохти беш аз 11,3 млн сомонӣ ва дар даъвати баҳории соли равон 1200 ҷавони тоҷик бо пардохти беш аз 32 млн сомонӣ хидмати ҳарбии пулакиро анҷом доданд.
Савгандёдкунии наваскарон дар Тоҷикистон дар ҳузури Алишер Мирзонабот, раиси навтаъйини ВМКБ - Sputnik Тоҷикистон, 1920, 07.12.2022
ВМКБ нақшаи даъвати наваскаронро дар 1 рӯз иҷро кард: Мирзонабот аз чӣ норозист?
Бар асоси қонунгузории Тоҷикистон дар бораи хизмати ҳарбӣ, шаҳрвандони ҷумҳурӣ метавонанд, бо пардохти маблағи муайян дар ҳайати захиравӣ хизмат кунанд.
Муқаррар шудааст, ки шаҳрвандони синни даъватӣ ба таври ихтиёрӣ бо гузаштани ҷамъомади якмоҳаи ҳарбӣ ва пардохти маблағи муайян, ки андозаи онро ҳукумати Тоҷикистон муқаррар менамояд, аз хизмати ҳарбӣ озод карда мешаванд.
Қаблан раисҷумҳури Эмомалӣ Раҳмон гуфта буд, ки ҷорӣ гардидани намуди нави хизмати ҳарбӣ дар ҳайати захираҳои даъвати сафарбарӣ, дар навбати аввал, барои ба шаҳрвандони синни даъват омӯзонидани асосҳои умумии хизмати ҳарбӣ ва ба ҳайати захираҳои сафарбарӣ ворид кардани онҳо равона шудааст.
Лентаи хабарҳо
0