Нақш ва шеваи муборизаю дипломатияи ФСБ аз қавли генерал - видео

Обуна шудан
Генерали мустаъфии Хадамоти федералии амнияти Русия - ФСБ дар мубориза бо гуруҳҳои тахрибкору террористӣ ҳушёрии шаҳрвандонро муҳим арзёбӣ намуд
Муборизаи мақомоти махсуси Русия алайҳи гуруҳҳои тахрибкору террористӣ дар маҷмуъ самаранок мебошад, изҳор дошт генерал-майори мустаъфии ФСБ, раиси Кумитаи иҷроияи марказии Созмони умумирусиягии " Афсарони Русия" Александр Михайлов.
Ба гуфтаи ин мақомдори собиқадор, дар замони пурзӯр шудани фаъолияти террористии ҷаҳонӣ вокуниши зуд ва муассир ба таҳдидҳо муҳим аст.
Вай махсусан зарурати ворид шудани шаҳрвандони қаторӣ дар ҷараёни мубориза бо тахрибкорию террористиро зарур донист, ки маълумоти гирифта аз аҳолӣ дар бисёри ҳолатҳо метавонад боиси пешгирии фоҷиаҳо гардад.
Зарур хонд ки шаҳрвандон зиракӣ нишон диҳанду дар мавриди аъмолу афроди машкук ба мақомот иттилоъ диҳанд, гарчанде ҳудуди 90%-и ин иттилоъ баъдан тасдиқ намешавад барои пешгирӣ муҳим аст.
Ғарб бар зидди Русия ба ҷанги террористӣ мегузарад
Ба гуфтаи генерали мустаъфӣ, идораҳои истихборотии Русия аз тафаккури қолабӣ дур шуда, барои таъмини амнияти шаҳрвандони кишвар чандирӣ ва заковатмандӣ нишон медиҳанд.
Ӯ илова намуд, ки хадамоти махсус ҳамеша василаи дипломатия буд ва зикр намуд, ки маҳз ба далели хизматҳои ниҳодҳои махсус буҳрони Кариб ҳал шуду ҷанги ҷаҳонӣ пешгирӣ гардид.
Генерал инчунин аз саҳми ФСБ дар иваз намудани Виктор Бут зикр намуда, илова намуд, ки хадамоти махсус аз имконияту зарфиятҳои худ барои коҳиши шиддат дар маҷмуъ кор мебаранд.
Тафсилоти дигар дар бораи нақшу шеваи кори хадамоти махсусро аз қавли генерал дар видеои Sputnik тамошо кунед.
Лентаи хабарҳо
0