Сангрезӣ дар роҳи "Сафеддара" ва ҳушдори КҲФ аз фаромадани тарма ва ярч

© Sputnik Зимний курорт Сафед-Дара
Зимний курорт Сафед-Дара - Sputnik Тоҷикистон, 1920, 07.12.2022
Обуна шудан
Кумитаи ҳолатҳои фавқулода мегӯяд, дар паи боришоти шадиди барф, дар манотиқи кӯҳии Тоҷикистон хатари фаромадани тарма ва ярч боқӣ мемонад
ДУШАНБЕ, 7 дек — Sputnik. Дар ҳудуди Такоб дар гардиш ба мавзеи фароғатии "Сафедорак"-и ноҳияи Варзоб сангрезӣ ба амал омад, хабар медиҳад КҲФ.

"Субҳи 7 декабр, дар ҳудуди Такоб дар гардиш ба мавзеи фароғатии "Сафедорак"-и ноҳияи Варзоб, фурӯ рехтани кӯҳпора ба қайд гирифта шуд", - омадааст дар хабарнома.

Тибқи гузориши КҲФ, барои бартараф кардани оқибатҳо техникаи махсус ва кормандони хадамоти роҳдории Вазорати нақлиёт сафарбар шудаанд.
Манбаъ афзуда, ки дар натиҷаи сангрезӣ хушбахтона талафоти ҷонию молӣ ба қайд гирифта нашудааст.
КҲФ рӯзҳои хатарзои декабрро дар Тоҷикистон эълон кард
Вале, дар ин росто КҲФ ба сокинон хотиррасон мекунад, ки дар натиҷаи боришоти шадиди рӯзҳои гузашта, бахусус дар доманакӯҳҳо ва ноҳияҳои кӯҳӣ хатари фаромадани тарма, рехтани сангу ярч боқӣ мемонад.
Сардӣ ва тармафароӣ дар Тоҷикистон: ҳушдор, тавсия ва тадбирҳои КҲФ
Дар робита ба ин, КҲФ аз шаҳрвандон даъват мекунад, ки бидуни зарурати таъҷилӣ ҳаракати худро дар роҳҳои кӯҳӣ маҳдуд намуда, аз ҷамъоварии ҳезум ва шикор дар манотиқи кӯҳистон худдорӣ намоянд.
Лентаи хабарҳо
0