Пешгӯии боронгариҳову ҳавои сард дар Хуҷанд – видео

© Sputnik / Александр Кряжев / Гузариш ба медиабонкОсенняя непогода
Осенняя непогода  - Sputnik Тоҷикистон, 1920, 04.11.2022
Обуна шудан
Резиши борон инак ду шабонарӯз дар Хуҷанд ва дигар навоҳии Суғд идома дорад. Тавре дида мешавад резиши борон шадид нест, балки зебо ва майда майда
ДУШАНБЕ, 4 ноя – Sputnik. Дар рӯзҳои боронӣ дар роҳу ҷодаҳои Хуҷанд дида мешавад, ки баъзеҳо барои рафтан ба коргоҳ ё кӯча дар сар чатр гирифтаанд. Баъзеи дигар на, шояд фаромӯш кардаанд ва ё дар фикри харидани чатр ҳастанд.
Дар ҳамин ҳол Абдувалӣ Ҳомидов, сардори маркази обуҳавосанҷии вилояти Суғд дар суҳбат ба Sputnik Тоҷикистон гуфт, ки мувофиқи таҳқиқи онҳо имрӯз дар ҳама шаҳру навоҳии Суғд ҳавои боронӣ пешбинӣ шудааст.
Ин масъули Идораи обуҳавосанҷӣ дараҷаи резиши борони рӯзи гузашта дар миқёси шаҳру навоҳии Суғдро шарҳ дод.
“Муайян гардид, ки дараҷаи аз ҳама пасти резиши борон дар ноҳияи Ашт будааст, ки ҳамагӣ ба 0,2 мм ва дараҷаи аз ҳама баланд дар шаҳри Панҷакент буда ба 21 мм баробар будааст”, - қайд намуд, Ҳомидов.
Идораи обуҳавосанҷии Суғд зимни суҳбат ҳарорати ҳаво барои пагоҳ 5 ноябрро тавзеҳ дод.
Бино ба арзёбии обуҳавосанҷон, ҳарорати ҳаво барои рӯзи оянда абрнок пешгӯӣ шуда, эҳтимол дар водиҳо борон ва дар доманакӯҳҳо барф ва тармеғ (тумани ғафс) фарояд.
Ҳарорати ҳаво дар водиҳо шабона 5-10 дараҷа ва рӯзона 11-16 дараҷа гарм шуда, дар доманакӯҳҳо шабона 3–8 дараҷа ва рӯзона 10-15 гарм мешавад.
Дар ноҳияҳои кӯҳӣ бошад шабона то -2 дараҷа сард ва рӯзона то +3 гарм хоҳад шуд.
Лентаи хабарҳо
0