https://sputnik.tj/20221012/ziyofati-ghayrirasmi-lukashenko-dushanbe-aks-1052065464.html

Зиёфати ғайрирасмӣ барои Лукашенко дар Душанбе: Чашиду баҳо дод - аксҳо

Зиёфати ғайрирасмӣ барои Лукашенко дар Душанбе: Чашиду баҳо дод - аксҳо

Sputnik Тоҷикистон

Меваю таомҳое, ки дар шоми дӯстии баргузорнамудаи раисҷумҳури Тоҷикистон ба истиқболи президенти Белорус дар Душанбе пешниҳод шуданд, ба меҳмон писанд омадаанд

2022-10-12T09:45+0500

2022-10-12T09:45+0500

2022-10-12T09:52+0500

дар тоҷикистон

сиёсат

эмомалӣ раҳмон

александр лукашенко

"шоми дӯстӣ"

https://cdnn1.img.sputnik.tj/img/07e6/0a/0c/1052064480_0:107:2047:1258_1920x0_80_0_0_87e2b52691a1529ad0eb8101d7d3dfc0.jpg

ДУШАНБЕ, 12 окт — Sputnik. Раисҷумҳури Тоҷикистон, Эмомалӣ Раҳмон ба ифтихори ташрифи расмии президенти Беларус Александр Лукашенко дар бӯстонсаройи ҳукуматӣ зиёфати ғайрирасмӣ орост. Дар ин бора дафтари матбуоти раисҷумҳури Тоҷикистон бо нашри гузориши аксӣ хабар дода, афзуд, ин чорабинӣ бо фазои гарму самимиаш ба як маҳфили Шоми дӯстӣ табдил ёфт.Манбаъ афзуд, ки президентҳо дар бӯстонсаройи ҳукумати Тоҷикистон ба сайругашти шомгоҳӣ баромаданд."Намоишгоҳи маҳсулоти кишоварзӣ ва таомҳои миллии Тоҷикистон дар мавзеи зебою назаррабои Бӯстонсарои ҳукуматӣ ташкил карда шуда, дар роҳравҳои алоҳидаи он ҳар як намуд маҳсулоти кишоварзӣ бо шаклу услуби хос ва ороиши гуногун гузошта шуда буд", - омадааст дар иттилоия. Таъкид гардидаст, ки меҳмони воломақом ба ҳар як маҳсулоти ба намоиш гузошташуда ва намудҳои гуногуни таомҳои миллии Тоҷикистон таваҷҷуҳи зиёд зоҳир намуда, таъмашонро озмуда ба сифату маззаи ҳар як маҳсулот баҳои баланд дод. Манбаъ афзуд, Лукашенко ҳамчунин ба дарахтони мевадиҳанда ва сояафкану ороишии боғчаи ҳудуди қароргоҳ, ки аксараш аз ҷониби худи Эмомалӣ Раҳмон аз хориҷи мамлакат ворид ва шинонда шудааст, таваҷҷуҳи хос зоҳир кардаст.

https://sputnik.tj/20221011/imzoi-sanad-hamkori-tojikiston-belarus-1052062074.html

2022

Хабарҳо

tg_TJ

зиёфат, ғайрирасмӣ, лукашенко, душанбе