Мақомоти Тоҷикистон аз шаҳрвандонаш хоҳиш кард Украинаро тарк кунанд

© SputnikФлаг Таджикистана, архивное фото
Флаг Таджикистана, архивное фото - Sputnik Тоҷикистон, 1920, 11.10.2022
Обуна шудан
Сафоарти Тоҷикистон дар Киев аз шаҳвандони кишвар хоҳиш кардааст, ки дар сурати пеш омадани имконият қаламрави ин Укринаро тарк намоянд
ДУШАНБЕ, 11 окт — Sputnik. Мақомоти Тоҷикистон аз шаҳрвандонаш хоҳиш кардааст, ки аз сафар ба Украина худдорӣ намоянд ва аз шаҳрвандоне, ки ҳоло дар ин кишвар ҳузур доранд дар сурати пеш омадани имконият қаламрави ин кишварро тарк намоянд.
Дар ин бора сафорати Тоҷикистон дар Украина хабар додааст.
“Дар робита ба шиддат гирифтани ҳамлаҳо ба инфрасохторҳои муҳим дар саросари Украина ва таҳдид ба амнияти шахсӣ, Сафорати Тоҷикистон дар Украина аз шаҳрвандони кишвар хоҳиш менамояд, ки то мӯътадил шудани вазъият аз сафар ба Украина худдорӣ кунанд” – таъкид кардааст сафорат.
Ҳамзамон сафорат илова кардааст, ки шаҳрвандоне, ки айни ҳол дар қаламрави Украина қарор доранд, тавсия дода мешавад, то талаботи риояи ҳолати ҳарбӣ, инчунин дастури роҳбарияти мақомоти маҳаллиро роҷеъ ба таъмини амнияти шахсӣ қатъиян риоя намоянд,ботаҳаммул бошанд, дар сурати пеш омадани имконият қаламрави Украинаро тарк кунанд.
Генеральное консульство Республики Узбекистан в Екатеринбурге. - Sputnik Тоҷикистон, 1920, 11.10.2022
Даъвати Ӯзбекистон аз шаҳрвандонаш: Украинаро фавран тарк кунанд
Ёдовар мешавем, ки то оғози амалиёти вижаи Русия дар Украина, дар ҳашт моҳи пеш, чаҳор ҳазор тоҷикистонӣ дар гӯшаҳои гуногуни Украина таҳсилу кору зиндагӣ мекарданд.
Пас аз шурӯи амалиёти вижа садҳо нафари онҳо тавассути Лаҳистон (Полша) ба кишварҳои дигари аврупоӣ рафтанд ва ё ба Тоҷикистон баргаштанд. Баъзеи дигар, бахусус мардон, дар Киев ва минтақаҳои дигари Украина мондаанд.
Лентаи хабарҳо
0