Дар Осиёи Марказӣ низоми ягонаи огоҳсозии изтирорӣ таъсис мешавад

© Sputnik / Александр Кряжев / Гузариш ба медиабонкПротиволавинная галерея, архивное фото
Противолавинная галерея, архивное фото - Sputnik Тоҷикистон, 1920, 06.10.2022
Обуна шудан
Сарони ниҳодҳои ҳолатҳои фавқулодаи ОМ дар Тоҷикистон пешниҳод шуд, ки як низоми вокуниши мутақобила ба заминларза ва дигар ҳолатҳои изтирорӣ таъсис дода шавад
ДУШАНБЕ, 6 окт — Sputnik. Дар Осиёи Марказӣ мехоҳанд системаи ягонаи огоҳсозии изтирорӣ таъсис диҳанд.
Чунин иқдомро Юрий Илин, раҳбари вазорати ҳолатҳои изтирории Қазоқистон дар нишасти сарони ниҳодҳои марбутаи минтақа дар Душанбе матраҳ кардааст.
Вай пешниҳод кардааст, ки дар кишварҳои Осиёи Марказӣ як низоми огоҳии бармаҳал дар бораи ҳар гуна ҳолатҳои фавқулода таъсис дода шавад.
Ба гуфтаи ӯ, муҳим аст, ки иттилооти мутақобилан дар бораи таҳдидҳо дар минтақа сурат бигирад.
"Ташаббус имкон медиҳад, дар минтақаҳое, ки хатари сейсмикӣ, сел, фаромадани тарма ва лағзиши ярч зиёданд, пешакӣ аз ҳолатҳои фавқулода огоҳ карда шаванд", - шарҳ дод дафтари матбуоти Вазорати ҳолатҳои фавқулодаи Қазоқистон.
Роҳбарони ниҳодҳои марбута ва вазорату идораҳо аллакай ин ташаббусро дастгирӣ кардаанд.
Эмблема Комитета по чрезвычайным ситуациям Таджикистана - Sputnik Тоҷикистон, 1920, 31.08.2022
Се генерали нав дар КҲФ: киҳо рутба гирифтанд?
Пешбинӣ шудааст, ки на танҳо датчикҳои сейсмикӣ, балки датчикҳои метеорологӣ, гидрологӣ ва дигар датчикҳои системаҳои мавҷудаи назорати вазъияти фавқулода дар мамлакатҳои минтақа низ муттаҳид карда шаванд.
Лентаи хабарҳо
0