Ҷон бохтани 10 узви хонаводаи як афсари пешини пулиси Афғонистон дар Эрон

© Sputnik / Алексей СухоруковВрач в палате, архивное фото
Врач в палате, архивное фото - Sputnik Тоҷикистон, 1920, 06.10.2022
Обуна шудан
Расонаҳои маҳаллӣ хабар доданд, ки як афсари пешини пулис бо 10 узви хонаводааш дар Эрон бар асари инфиҷори газ ҷон бохтаанд
ДУШАНБЕ, 6 окт — Sputnik. Манобеъ дар Эрон мегӯянд, ки Фаридун Умарёр, афсари пешини вазорати дохилаи ҳукумати пешини Афғонистон бо 10 узви хониводааш, дар асари инфиҷори газ дар ин кишвари ҷон бохтаанд, иттилоъ додааст Sputnik Афғонистон.
Бар асоси маълумоти манобеъ ин рӯйдоди нохуш ахиран дар шаҳристони муларади Теҳрон рух додааст.
Яке аз наздикони Умарёр дар суҳбат бо хабарнигори “ҳашти субҳ” гуфт: "шаби гузашта газ нашт карда ва бомдод бо равшан кардани ломпи хонаи мунфаҷир шудааст”.
Манбаъ афзуд, ки дар пайи ин инфиҷор ба шумули Умарёр, хонумаш, писарону духтаронаш низ кушта шудаанд.
Женщина в парандже несет на голове мешок с луком на рынке в Кабуле - Sputnik Тоҷикистон, 1920, 06.10.2022
Ҳушдори СММ дар бораи фурупошии иқтисоди Афғонистон
Ӯ изофа кард, ки Умарёр се рӯзи пеш ба далели озору азияти толибон ба Эрон фирор кард ва дар як зеризаминӣ зиндагӣ мекард.
Ёдовар мешавем, ки баъд аз омадани толибон дар Афғонистон ба сари қудрат, аксари кормандони пулис ва низомиёни ин кишвар ба кишварҳои ҳамсоя фирор карданд.
Маврид ба зикр аст, ки авоили моҳи августи соли 2021 толибҳо ҳамлаи худро болои нерӯҳои давлатии Афғонистон пурзӯр карда, рӯзи 15-уми август вориди Кобул шуданд ва рӯзи дигар эълом карданд, ки ҷанг ба поён расидааст.
Ду ҳафтаи ахири моҳи августи соли гузашта аз фурудгоҳи Кобул, ки таҳти ҳифозати низомиёни амрикоӣ буд, кӯчонидани оммавии шаҳрвандони ғарбӣ ва афғонистониҳое, ки бо онҳо ҳамкорӣ доштанд, сурат гирифт.
Женщина раздает хлеб нуждающимся детям перед пекарней в Кабуле - Sputnik Тоҷикистон, 1920, 06.10.2022
Ҷамъоварии беш аз 10 ҳазор гадо тавассути толибон аз кӯчаҳои шаҳри Кобул
Шаби 31-уми август низомиёни амрикоӣ фурудгоҳи Кобулро тарк карда, ба ҳузури тақрибан 20-солаи низомии Амрико дар Афғонистон хотима доданд.
Феълан ягон давлате ин ҳукумати ин гурӯҳро дар Афғонистон ба расмият нашинохтааст. Сабаби аслии кашолкорӣ дар машруъияти ин ҳукумат иҷро нагардидани ваъдаҳои додаашон дар назди ҷомеаи ҷаҳонӣ дар мавриди риояи ҳуқуқи инсону ташкили ҳукумати ҳамашумул гуфта мешавад.
Ба гуфтаи коршиносон баъд аз омадани толибон ба сари қудрат вазъи иқтисодии Афғонистон бад шудааст.
Лентаи хабарҳо
0