Мақомоти Суғд: Хонаҳои харобшудаи шаҳрвандонро дар кутоҳтарин муддат барқарор мекунем

© Давтари матбуоти раиси вилояти СуғдРаҷаббой Аҳмадзода дар ноҳияи Бобоҷон Ғафуров
Раҷаббой Аҳмадзода дар ноҳияи Бобоҷон Ғафуров - Sputnik Тоҷикистон, 1920, 27.09.2022
Обуна шудан
Мақомоти вилояти Суғд мегӯяд, ки дар ноҳияи Бобоҷон Ғафуров кӯмакҳои моддии раисҷумҳури кишвар ба оилаҳои зарардида дастрас карда шуд
ДУШАНБЕ, 27 сен — Sputnik. Ба зарардидагони даргириҳои марзӣ дар ноҳияи Бобоҷон Ғафуров низ кӯмакҳои моддии Президенти Тоҷикистон Эмомалӣ Раҳмон дастрас карда шуд, иттилоъ додааст дафтари матбуоти раиси вилояти Суғд.
Раҷаббой Аҳмадзода, раиси вилояти Суғд бо сокинони ноҳияи Бобоҷон Ғафуров суҳбат намуда, таъкид кард, ки аз ҷониби Ҳукумати Тоҷикистон ба ҳар як оилаи зарардида барои барқарор кардани хонаҳои истиқоматӣ ба миқдори зарурӣ семент, шифер, арматура, хишт, тахта ва дигар масолеҳи сохтмонӣ ҷудо гардид.
Раиси вилоят таъкид кардааст, ки манзилҳои истиқоматии шаҳрвандон дар кутоҳтарин муддат бунёд ва бо тамоми ҷиҳози зарурӣ таъмин хоҳад шуд.
“Барои зимистонгузаронии оилаҳои зарардида бошад орд, биринҷ, равған, пиёз, сабзӣ, картошка, макарон шакар ҷудо ва дастрас шуда истодааст”,- қайд кардааст Раҷаббой Аҳмадзода.
Маврид ба зикр аст, ки даргирии ахири марзӣ миёни Тоҷикистону Қирғизистон 16 сентябр рух дод, ки беш аз 100 кушта аз ҳарду ҷониб ва садҳо маҷруҳро барҷой гузошт. Душанбею Бишкек ҳамдигарро дар шиддати даргирӣ муттаҳам мекунанд.
Председатель ГКНБ РТ Саймумин Ятимов, архивное фото - Sputnik Тоҷикистон, 1920, 25.09.2022
Ятимов аз шарти сулҳ дар марз, санади "ғайринизомисоз" ва эҳтиёт дар гапзанӣ гуфт - видео
Ҷониби Тоҷикистон қаблан теъдоди қурбониён аз зарбаи ҷониби Қирғизистон дар марзро 41 нафар гуфта, таъкид намуд, ки ин рақам метавонад афзоиш ёбад. Феълан дар расонаю шабакаҳои иҷтимоӣ феҳрасти ҳудуди 60 нафар нашр шудаст, ки гуфта мешавад, бар асари зарбаҳои охири ҷониби Қирғизистон кушта шудаанд. Расман ин рақам ҳолло таъйид нашудаст.
Ҷониби Қирғизистон кушташудаҳо дар ин даргириро 59 нафар арзёбӣ кардааст.
Тоҷикистону Қирғизистон беш аз 980 километр марзи муштарак доранд, ки қисми зиёди он ҳанӯз мушаххасу аломатгузорӣ нашудааст. Ин номуайянӣ дар навоҳии наздисарҳадӣ боиси таниш мегардад, ки баъзан ба тирпарронию марги одамон мепечад.
Лентаи хабарҳо
0